Lagom Kaffe (Closed)

好味指數😋😋😋回頭指數 ⭐️⭐️開心指數🤗🤗🤗上個月生日，朋友揀咗觀塘呢間餐廳食飯，一掃食評，大部分都講得好好食，生日月送紅/白酒2杯，環境好似唔錯，有少少期待！之前見到網上有人寫過台灣風味牛肉千層麵，好想試，點知發現冇咗，就試吓其他嘢啦！🍴紅酒汁慢煮牛柳配薯蓉（$268）叫咗5成熟，嚟到嘅時候見到唔止5成熟，個皮乾乾哋，有少少擔心！一食落去，我只能夠形容為「又乾又嚡」😭，唔知慢煮個精粹去咗邊？相比起其他主菜，呢個仲要特別貴，唔掂！🍴煙三文魚洋蔥pizza（$148）Pizza 夠香脆，煙三文魚基本上唔會差得去邊，雖然佢奇怪地有一個角唔見咗（可能佢太脆，切嘅時候飛走咗），但呢個係幾好食嘅！🍴雪糕脆筒麻糬窩夫（$128）上面放咗一個牛奶公司嘅甜筒，甜筒沾上咗外加嘅朱古力同士多啤梨醬，食嘅時候有D摎挍，窩夫正常，冇特別好香，麻糬比較少，另配有士多啤梨、香蕉、cream，唔算有咩特色，如果要加一個塑膠生日牌同一支蠟燭要加錢～🍴Hoegaarden（$58）好抵飲！牛柳講真係失望到爆，可能揀意粉、雞翼的話質素會好D！地方夠大，坐得舒服，冇限時限刻趕你走，不過。。。有插曲！1. 店嘅 last or

之前食過牛頭角分店，見到原來觀塘都有就黎試下。入到餐廳感覺好大好舒服，一啲焗促感都無。當時天都未黑, 所以仲可以好清楚睇到outdoor係點，如果天氣涼啲，坐outdoor應該會好舒服。同朋友2個人，無叫好多野，但全部都好好食，我地叫左一個沙律, 一個Pizza同一個甜品燒紐西蘭牛柳配牛油果南瓜雞蛋沙律呢個沙律寫明係生酮既,  其實佢仲有幾款都係生酮既，照顧到減肥既人既需要，最正係咁啱有個沙律係所有野我都鍾意食，佢都有啲醬咁啲菜唔會太乾，個牛好腍好好食，而個蛋仲係流心蛋，正呀。煙三文魚洋蔥Pizza呢個Pizza我都好鍾意，餅底唔厚，同個芝士比例1:1，會食到餅底既脆同芝士既軟，而且入口仲熱辣辣好正，我鍾意每啖都咬啲洋蔥一齊入口，洋蔥既味提升左個Pizza既味~雪糕脆筒麻糬窩夫其實黎到個甜品已經好飽，我同朋友連個Pizza都食唔哂，估唔到咁抵食lol。呢個甜品勁大份，好多料，我鍾意嗰條焦糖面既香蕉，個窩夫好厚，啲麻糬就喺個窩夫入面，好多麻糬~ 其實上次喺牛頭角嗰間食左個tiramisu好好味, 今次黎呢度都想再食，不過好可惜佢賣哂，唯有下次再食啦~

難得係觀塘區搵到間有氣氛,地方又大又有戶外既餐廳,室內既裝修有高身既打卡牆,沖咖啡嘅吧枱，好似樹枝既燈,勁有藝術感,仲有牆上既貓貓畫,適合喜歡貓貓既我，影咗唔少打卡相片，滿足！二人嚟食飯傾下計, 用手機落單好方便，待應既招呼恰當。安排坐喺位置夠晒寛，先叫咗個蜜糖燒雞凱撒沙律, 燒雞甜甜的配凱撒沙律好夾,仲有麵包碎！喜歡！再叫個煙三文魚洋蔥Pizza，嚟到份量十足，其實可以夠四個人食,勁飽, 最愛舖面足量既三文魚, 每件Pizza上面都有，調味又啱啱好, 脆脆既Pizza底啱晒我,叫咗二杯凍飲品,百香果梳打同埋黑加侖子荔枝梳打,賣相又唔錯,甜度啱啱好,欣賞! 下次會再嚟, 依度係一個聚會可舒服坐既好地方! 真係要約多幾個朋友嚟先得！