Video
Read full review
2023-08-22
4209 views
好味指數😋😋😋回頭指數 ⭐️⭐️開心指數🤗🤗🤗上個月生日，朋友揀咗觀塘呢間餐廳食飯，一掃食評，大部分都講得好好食，生日月送紅/白酒2杯，環境好似唔錯，有少少期待！之前見到網上有人寫過台灣風味牛肉千層麵，好想試，點知發現冇咗，就試吓其他嘢啦！🍴紅酒汁慢煮牛柳配薯蓉（$268）叫咗5成熟，嚟到嘅時候見到唔止5成熟，個皮乾乾哋，有少少擔心！一食落去，我只能夠形容為「又乾又嚡」😭，唔知慢煮個精粹去咗邊？相比起其他主菜，呢個仲要特別貴，唔掂！🍴煙三文魚洋蔥pizza（$148）Pizza 夠香脆，煙三文魚基本上唔會差得去邊，雖然佢奇怪地有一個角唔見咗（可能佢太脆，切嘅時候飛走咗），但呢個係幾好食嘅！🍴雪糕脆筒麻糬窩夫（$128）上面放咗一個牛奶公司嘅甜筒，甜筒沾上咗外加嘅朱古力同士多啤梨醬，食嘅時候有D摎挍，窩夫正常，冇特別好香，麻糬比較少，另配有士多啤梨、香蕉、cream，唔算有咩特色，如果要加一個塑膠生日牌同一支蠟燭要加錢～🍴Hoegaarden（$58）好抵飲！牛柳講真係失望到爆，可能揀意粉、雞翼的話質素會好D！地方夠大，坐得舒服，冇限時限刻趕你走，不過。。。有插曲！1. 店嘅 last or
回頭指數 ⭐️⭐️
開心指數🤗🤗🤗
上個月生日，朋友揀咗觀塘呢間餐廳食飯，一掃食評，大部分都講得好好食，生日月送紅/白酒2杯，環境好似唔錯，有少少期待！
之前見到網上有人寫過台灣風味牛肉千層麵，好想試，點知發現冇咗，就試吓其他嘢啦！
🍴紅酒汁慢煮牛柳配薯蓉（$268）
叫咗5成熟，嚟到嘅時候見到唔止5成熟，個皮乾乾哋，有少少擔心！一食落去，我只能夠形容為「又乾又嚡」😭，唔知慢煮個精粹去咗邊？相比起其他主菜，呢個仲要特別貴，唔掂！
紅酒汁慢煮牛柳配薯蓉
$268
37 views
0 likes
0 comments
🍴煙三文魚洋蔥pizza（$148）
Pizza 夠香脆，煙三文魚基本上唔會差得去邊，雖然佢奇怪地有一個角唔見咗（可能佢太脆，切嘅時候飛走咗），但呢個係幾好食嘅！
煙三文魚洋蔥pizza
$148
40 views
0 likes
0 comments
🍴雪糕脆筒麻糬窩夫（$128）
上面放咗一個牛奶公司嘅甜筒，甜筒沾上咗外加嘅朱古力同士多啤梨醬，食嘅時候有D摎挍，窩夫正常，冇特別好香，麻糬比較少，另配有士多啤梨、香蕉、cream，唔算有咩特色，如果要加一個塑膠生日牌同一支蠟燭要加錢～
雪糕脆筒麻糬窩夫
$128
40 views
0 likes
0 comments
🍴Hoegaarden（$58）
好抵飲！
牛柳講真係失望到爆，可能揀意粉、雞翼的話質素會好D！地方夠大，坐得舒服，冇限時限刻趕你走，不過。。。有插曲！
1. 店嘅 last order 係8點，跟住就隨即埋單，唔知係咪趕收工，食緊甜品嘅時候，店員已經用漂白水定綠水（總之係好大味嘅清潔劑）洗地，雖然係洗冇人坐嘅檯附近位置，但係因為好近亦都好大味，一路嗅住個味去食嘢都幾唔舒服！
2. 平日晚上9點半閂門，9點就開大晒燈「提示」你要走，有開燈趕客 feel！
3. 好好笑嘅係，另一檯到埋單問，先俾紅/白酒兩杯，最後衝刺飲咗佢😂好彩我朋友一開始叫嘢飲時問咗佢，唔使攪到趕住飲！
基本上呢間餐廳未有咩特別可以有回頭嘅動力，不過如果飲啤酒嘅都真係幾抵嘅～
☆My IG @tracyloveliving ☆
Post
