I'm Nuts (Closed)

利東街旁邊最近新開左好多餐廳同cafe，呢度旺中帶靜，最適合黎拍下拖，飲下咖啡。Set Dinner有碗餐湯，一開始仲以為俾兩杯咖啡我地，原來只係用杯裝住。😂綠海灘其實係菠菜意粉，軟殼蟹都炸得幾靚，炸粉份量適中，唔會太厚，食落口感唔錯。牛扒好大塊，切開牛扒，入面呈嫩紅色，六、七成熟左右，肉汁都算多，好味道！另外後加左香腸同煙三文魚，味道都唔錯。由於聽日要早起身返工，所以我哋都冇叫咖啡，抹茶latte同朱古力都奶味較重，但我喜歡，下次有機會黎一定會試吓咖啡！

老五下週將與女友去日本玩，出發前要向XO仔借旅遊書，嘩哈哈，細佬當然係要乘機呃餐晏仔食啦，地點由主人家話事去一家佢常幫襯o既「I'm Nuts」。步入門口，先由聖誕小鹿歡迎食客。哎唷，依個咪是但哥？！店主見小肥咁識貨，即解釋話店內o既卡通人物原來就係出自「Is But Gor」手筆，OIC！餐廳o既午市套餐全部都包有餐湯及$38或以下o既飲品，另不設加一服務費，西餐黎講都好經濟。是日餐湯之南瓜忌廉湯：南瓜忌廉湯清香微甜，輕巧暖胃。白松露菌意粉（$148）：真係估唔到一間咖啡店o既意粉麵條可以煮得如此煙韌彈牙，講真比坊間好多自認為意大利餐廳o既食店更為出色！簡單以白松露菌點綴已夠芬芳美味，讚！紐倫堡腸（另加$15）：加$15有兩條腸，絕對抵食。白酒牛油蜆肉意粉（$108）：老五所點o既白酒牛油蜆肉意粉麵條一樣咁al dente，個白酒牛油調味亦好芳香甜美。煙三文魚（另加$28）：煙三文魚呈花花形狀，小肥雖然冇份食，不過淨睇都覺得好靚。餐飲老五要咗杯凍齋啡黎提神。Cappuccino（單點$38）：喺咖啡屋食晏，小弟已學懂要點杯有拉花睇o既cappuccino。杯靚啡柔滑得黎帶有陣陣朱古力