I'm Nuts (Closed)

以前覺得佢好抵食，今次過去d staff唔同哂，餐牌轉左又加左價，都唔緊要，等左半個鐘先落到單，再等多半個鐘催左好幾次先有嘢食。落果陣話個餐有湯有茶，忍唔住行出去問，戴白色帽個男仔唔識落單仲要一句：無左茶喇就叫我地轉咖啡，咩態度呀，落完都無人整緊咖啡，有好幾枱同我地一樣取消個餐當單點比錢走，話佢仲要一句sorry都無以後都唔會再幫襯佢! 如果你決定黎呢度食，就注定你人生中哂左寶貴既兩個鐘，仲要跑返去office!!!

同朋友響平日嘅午飯時間嚟食嘢，冇book枱都好快就入得。嗌咗一個set， $108唔使+1 ，有湯同埋咖啡。主菜我揀咗辣雞肉意粉，比想像中辣，不過幾好食。咖啡選擇左flat white, 係成餐既highlight，做得唔錯。Overall 上菜幾快，唔太貴，响附近番工既可以一試。

用訂位，預訂1點鐘，我特地早10分鐘到達，前後等了30分鐘也沒有位，聽到侍應之間說樓上樓下都滿座了，其他等候的客人也是有訂位的。1點10分左右一位穿廚師服的跟我們說多等一會，已經在收拾桌子，以為很快有位，誰知等到1點20分仍未有，再問侍應，說其實都滿座，要再等一下。如果10分鐘前告知，我們可以馬上轉場呀，如今也沒說還要等多久。滿肚氣下下決定離開，去快樂餅店旁的順景茶餐廳吃，平靚正，最重要是效率高！個人認為如果lunch time booking 做不來就不要接，預訂就是希望保證在繁忙的商住區能找個位子坐下來好好吃飯，不用在狹窄的餐廳通道或者沙塵滾滾的行人道上，眼巴巴看著別人用餐乾等。我會叫我的同事也不要再光顧這家劣質餐廳了。

晚餐選擇很少，我們二人點了兩客意粉加一客薯條。番茄肉醬意粉味道剛好而且夠肉醬，意粉質地夠彈牙，而且份量足夠，做得很不錯。相反蜆肉意粉味道不足，蜆肉很細又不夠蜆肉，蜆肉也沒有應有的鮮味。薯條熱辣辣，份量夠，醬汁亦好味。可惜店內唯一侍應整晚心情不佳，不停大力摔杯碟，而且黑口黑面，非常趕客。餐廳感覺好像半自助式的，侍應不會主動協助，水也是自己從廚房外倒的。餐廳環境破舊，整餐都食得唔舒服。快快食完廢事受侍應的氣。

上次去食咖哩排緊隊果時, 見到呢間餐廳, 都唸住下次要試下, 今晚又去開灣仔, 咁就試下啦.  點知真係”  一試” 難忘”勒!!!初初入黎餐廳時, 有個斯文四眼男待應SERVE我地, 其實態度都好好, 我地就叫左兩樣食物同兩杯飲品, 竟然得一樣野係好食!!!!! 其實真係好難遇到咁伏1.   白酒牛油海鮮忌廉汁扁意枌 – 差到冇野好講, 我從來未食過咁難食既意粉,佢果D所謂海鮮,只係得一D海鮮碎, 竟然係平時放係PIZZA上面細到冇人有果種蝦仔, 大佬收成$118, 唔駛CHEAP到用呢D蝦呀!!! 另外, 果個所謂, 白酒牛油海鮮忌廉汁簡直係一D味都冇, 意粉又硬又成, 咁冇誠意就唔好做!! 呢個意粉簡直係想講粗口!!!! 我地係從來唔會浪費食物,即使食唔晒都會TAKE AWAY, 但呢個意粉真係食左兩啖唔想再食!!!!! 2.   美國安格斯純牛肉漢堡配薯條 – 雖然呢個BURGER係整得唔錯, 我覺得好味! 但可惜其他人與事太差勁!3.    Passion Fruit Shaken tea – 所謂熱情果, 一D都唔熱情, 我飲菓汁先生都好味過佢.4.   Iced Crea

呢間餐廳我係第二次食第一次黎食係食burger勁多人推薦但第二次黎食個陣又唔想食得咁油膩所以就揀左paste唔要套餐呢到個套餐大約要加30蚊多個湯同野飲我今次叫既係法式雞胸香草汁扁意粉好似細細份咁但其實都夠飽架！有細細塊雞胸唔夠滑但好入味d意粉係算淋身個醬係有好多香草粒食完有d尷尬成口都係香草粒但成個意粉係勁香推薦下大家如果唔想食burger就可以試下食呢個

中午為左避開食飯人潮，同同事專門接近兩點先出發食飯。為左答謝同事幫忙，今餐我萬歲，喺灣仔搵到一間靜靜地既cafe食飯唔容易，呢度就啱啱好，既就腳又安靜。A La Carte 同 Set既分別在於後者多左個湯同飲品。同事叫左個Set，個日係番茄香草湯，粒粒番茄🍅加好似係rosemary既香草🌿，超級足料，超乎意料咁好味啊！太興奮忘記影相了。雞胸黎講都真係煮得幾「諗」！parma ham鹹香正！海膽已經融入意粉入面，我assume係海膽醬？不過食到80%就開始有點膩了。

是次惠顧係星期日既10:30,全場只得我地一枱客,完全有包場既感覺,所以坐幾耐都冇催過我地走,非常適合同fd傾計……講番食物質素,我地分別叫左All day breakfast同意式雲吞,前者既水平整體幾唔錯,個人比較喜歡牛角包既鬆脆,而雲吞則屬正常題外話:招呼方面幾唔錯,全程係好有禮貌既接待,唔似得集團式既統一招呼,所以有時都幾享受細舖既人情味

放工後既灣仔人不多，餐廳較易搵位，可以試到平時Lunch食唔到既餐廳位於汕頭街既呢間小店位置唔算突出，但唔難搵，就在利東街旁邊。呢間小店既裝修平實，位置不多，帶點台灣咖啡小店既感覺。餐牌大多賣意粉同漢堡，亦有唔同咖啡選擇，不另收加一。叫左兩個意粉，分別係蒜辣白酒牛油蜆肉意粉同明太子忌廉雞肉扁意粉意粉不會過淋或過硬，軟硬度岩岩好，Al Dente！用白酒煮的意粉好香，加上微辣和蒜香的味道，非常吸引。而且蜆肉都好多，不會只有幾粒，抵讚！明太子雞肉意粉都非常高質，呢個醬汁既配搭好新鮮，而且同意粉都好夾味道不會過重，汁也不會過多，一切都控制得好好！可惜今次有點趕時間，只好匆匆咁食個意粉便走，下次會再去試試其他食物同咖啡不過店內有些少焗促，著住恤衫既男朋友食完辣意粉都成頭汗，冬天去或會好啲

慢🐢煮碳燒老雞扁意粉 打工仔食lunch已經趕，呢度反其道，玩慢煮，慢到你催佢d食物黎得未，佢就俾d碳燒既你。我叫左「法式雞胸香草汁扁意粉」French chicken breast w/ pesto sauce linguine。我第一次食辣的pesto sauce，當我想問過究竟既時候，店員敷衍我一句「法式」係咁㗎。好，我當自己無知，咁片雞胸唔會黑到碳咁呀。得返半個鐘，我唯有勉強食下去，不過越食越辣，真係頂唔順。其實辣既話，可以係餐牌標示，或者落單時提醒客人。特別仲要同大眾對pesto sauce既認識落差咁大！又一件可以唔洗再黎既餐廳!

中秋佳節，可能個個都食中菜團團圓圓，我同叮叮就靜雞雞出去食個輕晚餐，再一齊同屋企人迎接中秋佳節。哈哈！港島有唔少CAFÉ，汕頭街都有好幾間食店係臥虎藏龍。所以就唔諗太多，試試佢。 我地趕得切食TEA SET，不知幾開心。不過都有望過下dinner，幾乎都係意粉，千篇一律。而且重點係晚餐MENU冇咖啡？Whatever, 我有得食TEA，唔理LU！ 黑松露醬配薯條香草、黑胡椒同醬汁都夠哂充份，熱辣辣。 煙三文魚班尼迪蛋我覺得各方面都好，但麵包真係忽略左。配料醬汁OK，但麵包講緊係普通方包連皮，而且冇任何烘既處理。食落去變左食三文治。 CAPPUCCINO咖啡係依度既拿手好戲，雖然拉花未去到一絕，但味道香濃又唔苦澀。 另外一提，果時計埋我得兩枱客人。又點會估到一落完單，TOTAL三個員工，冇一個去準備食物沖咖啡。雖然我都好明白一個資深D既員工教新人做野，但行政方面既教學係咪應該係適當時候做呢？好彩我地唔趕時間，如果唔係實火到黎。 不過既然時間充裕，今日又係中秋仔。我同叮叮食完就走人，準備今晚既燈籠時間！ＹＥＡＨ！之後又有湯丸月餅去彌補番我既胃仔。哈哈！

小公主話要食薯條，在Openrice 揾左一間在汕頭街的扒店 Le Boucher Francais，點知沒有薯條。大失預算下就走進一家Cafe，它的名字叫【I'm Nuts】……真風趣【I'm Nuts】店子不太大，Cafe 的佈置，夠簡約。最喜歡就是這幅手繪畫，抵死的卡通令客人心情愉快不少。Lunch Menu 有8款。主要是漢堡包及意粉，可以散叫或+$20套餐。沒有加一服務費，價格合理。【安格斯肉眼扒配薯條 $178】安格斯牛的脂肪應該如大理石紋般分布，但是這塊安格斯肉眼扒太多脂肪，可以食用的部位不多。 肉眼即牛脊前半部份，因為活動少肉質應該肉質細緻而且鮮嫩多汁，但是這安格斯肉眼肉質比較嚡口及乾身。質素非常一般，跟平日食的安格斯牛有些差別。 另外餐廳採用香煎牛扒方法烹調，但是外皮不夠金黃Crispy，肉質半熟不太多汁，破壞原有肉質質感及味道。【蒜辣白酒牛油蜆肉意粉 $118】這個意粉表面看來味道平凡，但品嚐一口就完全改觀……味道辣得厲害，越食越辣。筆者不好辣，但這個意粉卻是又香又辣，越食越過隱。意粉乾身，但軟硬度剛好。作為一家cafe，飲品當然重要，特別是一杯香濃入口順滑的咖啡。

今日同事話附近有間餐廳食漢堡都幾唔錯兜兜轉轉, 同事話就係呢間舖喇!一入到去坐低同事話應該係易左手...因為MENU完全唔同左...我地冇再去深究...因為我地已經唔想再去搵其他地方食一入到去同事好眼利咁見到部咖啡機.. 仲話店仔細細都願意落本去買咖啡機一定要試佢地嘅咖啡望完個MENU決定揀ANGUS BEEF 7成熟同事們就叫意粉點完餐好快沙律就上檯喇...係我撈緊沙律期間見到有條黑色不明物體... 大家立即冇哂胃口再食個沙律..終於等到主食..嗯...可能係個shape問題...同事話望落似港式西餐廳個啲牛排...唔緊要..試下味啦...我諗再好嘅牛都應該要少少鹽調味...但我食唔出有任何味道...至於條rosemary我深信都係裝飾用 切開個下見到有少少粉同血水..越到中間就越紅..嗯........可能大家對幾多成熟嘅睇法唔同...只怪我愚昧...但點睇都似5成熟...值得一讚係個薯條, 好香脆! 意粉理應最穩陣...點知聽到同事一路食明太子意粉一路話好鹹..到最後佢食試啲菜就算...牛肝菌黑松露意粉...我試左同事一啖..老實說... 3個餐整得最好係呢個. 好香黑松露味!

近日follow一個foodie, 見他大讚這小店。即使今天下大雨，為食的我也不得不一試。這家小店位於灣仔的汕頭街。雖然已經差不多下午茶時間，但不乏食客。午餐有八款可以選擇，主要以漢堡同意粉為主，價錢由$108-$178， 可以自由選配餐飲。既然blogger 力推這兒的牛肉漢堡，我就試試看美國100%安格斯牛肉漢堡配薯條$138嘩啦！這漢堡認真大份！這platter 有超過半吋厚！牛肉漢堡滿有肉香，雖然唔算極之juicy, 但肉質鬆軟，完全唔乾身。加埋鬆軟嘅麵包、清新的蕃茄、生菜同芝士，與及少量的沙律醬，是家一樣的手工漢堡味道。份量之大，真叫人滿足。而炸薯條也不錯，粗身的薯條口感十足，炸得唔油膩，仲帶一點熱浪薯片的味道，好吃！Flat white這咖啡口感滑溜，泡沫細緻，雖然咖啡味唔算特別甘香，但唔會有半點澀味或苦味，是平易近人的咖啡味道。平日吃漢堡，多是光顧漢堡店。然而小店的漢堡又別有一番風味。偶然一個人出走，自在的吃下comfort food, 呷一口咖啡，讓自己有me time enjoy 一下，倒也十分愉快。

環境舒適，食物都有心思同朋友黎到食dinner set, 食物質素唔差，叫左份軟殼蟹意粉，仲叫左杯咖啡，拉花做得好靚，大大個心形（唔記得左影相）最後同朋友坐足兩個鐘先走，服務好好，推薦！