Read full review
2022-08-29
980 views
食pancake黎到又一城,排第一位既舖頭就係呢間,幾年前食過一次,係好出色,今次黎到就再食多次。我哋叫咗2個漢堡再加個pancake做甜品,其實係叫多左,大家都食到好飽。煙肉蛋漢堡 4.5/5先講個麵包皮,好香既麥香味,加上烘熱過外表,係脆得黎又唔會太乾。漢堡肉係3吋厚既牛肉,保留肉汁又有牛肉味,我見餐牌有得轉impossible meat,考試周到。脆薄既煙肉同半熟既煎蛋又做到豐富層次既感覺,整體而言,係好食。粗薯條又唔會炸到太乾太油,又唔會太軟淋淋唔夠香,做到啱啱好攞落口就慢慢溶喺口到。真係要彈既就係價錢定得高,$150仲要無野飲真係唔係幾掂。兒童炸魚漢堡套餐 4/5雖然係兒童餐,但個包份量都幾夠食,我女人一啖都咬唔曬個包。炸魚柳配蛋黃醬,個蛋黃醬同個麵包配合得天衣無縫。麵包又係焗熱過有麥香味,跟餐仲送兩個啫喱添,仲有一杯小橙汁。法式焦糖班戟 4.5/5首先個定價好貴,3塊pancake有啲生果有啲忌廉就要$139,真係對個銀包唔住。講返個pancake,做到個外皮有脆卜卜嘅焦糖,加上新鮮出爐,熱辣辣嘅pancake再加上冰凍嘅忌廉,係一種冰火重天嘅享受。Pancake有濃厚嘅牛
煙肉蛋漢堡 4.5/5
先講個麵包皮,好香既麥香味,加上烘熱過外表,係脆得黎又唔會太乾。漢堡肉係3吋厚既牛肉,保留肉汁又有牛肉味,我見餐牌有得轉impossible meat,考試周到。脆薄既煙肉同半熟既煎蛋又做到豐富層次既感覺,整體而言,係好食。粗薯條又唔會炸到太乾太油,又唔會太軟淋淋唔夠香,做到啱啱好攞落口就慢慢溶喺口到。真係要彈既就係價錢定得高,$150仲要無野飲真係唔係幾掂。
煙肉蛋漢堡
$149
13 views
0 likes
0 comments
兒童炸魚漢堡套餐 4/5
雖然係兒童餐,但個包份量都幾夠食,我女人一啖都咬唔曬個包。炸魚柳配蛋黃醬,個蛋黃醬同個麵包配合得天衣無縫。麵包又係焗熱過有麥香味,跟餐仲送兩個啫喱添,仲有一杯小橙汁。
兒童炸魚漢堡套餐
$95
22 views
0 likes
0 comments
法式焦糖班戟 4.5/5
首先個定價好貴,3塊pancake有啲生果有啲忌廉就要$139,真係對個銀包唔住。講返個pancake,做到個外皮有脆卜卜嘅焦糖,加上新鮮出爐,熱辣辣嘅pancake再加上冰凍嘅忌廉,係一種冰火重天嘅享受。Pancake有濃厚嘅牛油香,又唔會太乾太散,煙靭得來又綿密。
法式焦糖班戟
$139
12 views
0 likes
0 comments
地點:
又一城IT隔離,方便,商場乜都有,食完可以行街睇戲溜冰。
環境:
因為隔離係IT,會有啲客人喺度睇緊啲衫,我哋咁啱就坐喺啲衫嘅隔離,如果啲客人摷緊衫嘅時候,撩開就會見到我哋食緊嘢。
價錢:
相對貴,平均一碟意粉都要$150,更何況係最普通嘅忌廉意粉都要$139,漢堡包套餐要$140。
服務:
無乜問題,細心提醒客人,甜品制作需時,甜品無後上,要求比蛋黃醬點薯條都應承人。
Post