Season Plus (Closed)

朋友book咗呢間餐廳，睇完地圖以為都係山林道尾，行到街尾都搵唔到呢間餐廳，原來佢要再轉行入後巷，一轉角就見到好大間落地玻璃餐廳，有少少似世外桃源。可能地點比較唔起眼，所以唔太噪，一班朋友黎聚舊傾計好岩，又唔會限時要交枱。我地一黎叫左個oyster platter, $198 有一打，到送多枝白酒。蠔大細唔會太細冇肉，都幾鮮甜，海水尾亦都適中，唔會太咸。白酒亦都係易入口，清清地唔會好勁，配埋味道都幾夾。之黎就黎左小食，一口和牛粒好香，唔會overcooked,香口好味。沙律拼盤我覺得係必叫，勁大份沙律，又有三文魚，蝦同ham, 加埋黑醋，味道好refreshing 同好開胃，佢個黑醋汁好好味，好似特別甜同有少少果香，我鍾意👍🏻之後再叫左個芝士火腿拼盤，佢有三款芝士，provolone, brie 同permesan cheese,都係我鍾意食同好易入口嘅芝士種類。夾埋ham(parma ham,coppa 同salami食，勁正。後悔冇開番枝紅酒飲下。好少餐廳比咁多款你但係收呢個價錢，抵食。到main,就叫左個熊本霜降西冷，我地叫五成，真係岩岩好，佢脂肪會比普通西冷多，都做到入口即溶感

Happy Friday，弟弟提議我們一塊兒外出用膳。也好，我們姐弟二人很久未有一聚了。為了遠離市區紛擾，我們特地挑選一間位於佐敦跟尖沙咀交界，又略為偏遠的西餐廳。餐廳燈火通明，但基於它被不少樹木環抱，令我們彷彿置身恬靜青丘，好不舒暢。Season Plus分為內室和外廷兩處地方。由於內室環境跟其他西式餐廳無異，故我們決定坐在外面，細心感受叢林之美。葡萄梳打(左): HK$28 ★ 橙汁(右):$38先來點飲料吧！弟弟點了一杯鮮橙汁; 我就要一杯葡萄梳打吧！兩杯飲料酸酸甜甜，屬餐前的開胃良品。更重要的是，我們嚐到啖啖新鮮果肉，真是充滿驚喜呀！炸日本廣島蠔(6件): HK$48本來我們想大吃這裡相當馳名的生蠔，但由於弟弟前兩天才吃過這道菜，故我們決定品嚐另類蠔品。這款「日本廣島蠔」，體積比本地生蠔小，應該算是中等size吧！每隻蠔仔炸得香脆金黃，肥大肉質更將何謂鮮美表露無遺。太棒了! 我跟弟弟都忍不住連續叫了兩碟炸日本廣島蠔打頭陣呀！煙三文魚Salad: HK$58弟弟說他要減肥，所以想先吃一點蔬菜。於是，第二道菜就成了煙三文魚Salad了。每片煙三文魚切得厚薄均勻。雖然它沒有普通

係山林道既盡頭，轉彎上樓梯，彷彿去左一個隱世角落，裡面有豐富既海鮮，寧靜既環境，令你可以完全放鬆心情。休息寧靜夜景，令人有種置身外國既感覺，同朋友黎飲杯野都相當有氣氛。室內則係另一番景象，而且都各有特色。MENU海鮮款式選擇之多，而且價錢唔貴，生蠔拼盤、海鮮拼盤一定係必點之選！日本璣煮鮑魚，一份有兩隻，帶清甜海鮮味，肉質較厚韌，需要使勁咀嚼。要講抵食一定非呢個海鮮拼盤莫屬，冷盤大大份咁上，夠晒一家大細分～冰鎮海鮮仍然保留住鮮味，海鮮包括有波士頓龍蝦、法式凍熟大蝦、加拿大翡翠螺、紐西蘭青口同韓國花蛤。龍蝦肉質煙韌又厚身，食落去啖啖肉，加拿大翡翠螺、紐西蘭青口新鮮又好食～法式凍熟大蝦口感爽彈又鮮口，韓國花蛤份量有一磅之多，而味道亦相當鮮甜，朋友聚餐都係必食之選！熊本霜降西冷，帶淡淡牛脂香，order既係5成熟，但食落去係外熟內軟，生熟度控制得未算平均，不過塊西冷本身既味夠香，令味道加番唔少分，不過薯角則炸得太油膩，唔太好食。

又到拍拖紀念日，搵食專員又係時候出動啦。話哂2月多洗費，我當然唔想食窮郎啦🤣咁啱睇到Facebook, Season有新menu,今次一於去尖沙咀店啦。餐廳位置自成一角比較穩世，不過都易搵既，由山林道直行到尾樓梯直上就見到。全店落地玻璃，有outdoor位，未入去已經覺得幾有情調。宜家仲有promotion $9/隻蠔，好抵食。我地就點左$298既尊貴白酒生蠔套餐，有6隻美國M size Yellowstone oysters, 較爽身，肉厚，淡淡海水味，餘韻帶點金屬味。仲有6隻愛爾蘭蠔，幾Creamy，配埋枝France Saint Louis Blanc De Blancs Brut, 果味香，after taste又唔酸，用黎配蠔好夾。食完蠔黎個沙律拼盤清一清海水味先，見到店員拎上枱真係大碟到打個突，仲有煙三文魚，Parma ham，蝦鋪面，夠分量叫埋磯燒鮑魚，已經半飽，但都要點個main course 先滿足既熊本霜降西冷，肉汁濃郁，配埋燒汁甜甜地，突出肉味。配菜仲有沙律菜，薯角炸得好鬆脆蠔吧黎講呢間真係唔錯，價錢比較大眾化，環境氣氛又唔錯，下次朋友gathering 要再黎吖