Forever 友緣西餐 (Closed)

通常同爸媽去飲茶， 今日想轉下口味， 諗起暑假同阿女去過西菁街食嘢， 對呢間餐廳印象幾深刻， 望入去裝修幾靚， 爸媽唔介意入元朗 ，就咁決定啦!好鍾意招牌嘅藍色， 入到去餐廳裝修好典雅， 大水晶吊燈配上七彩小吊飾， 淺灰色絲絨椅，深灰色枱布， 大吊鐘。我哋坐喺大玻璃窗嘅卡位，好舒服!先一人一杯welcome drinks， 我哋喺又新街落車行到入嚟 ，先飲杯蘋果汁叫咗兩個set lunch 加一個小食。 先嚟嗰南瓜忌廉湯 ，南瓜打成蓉 ，加咗適量嘅忌廉， 濃度啱啱好又滑， 仲有一人一個牛角包， 鬆軟可口跟住上香蒜包糠焗扇貝， 面頭鋪滿蒜蓉同麵包糠， 扇貝面焗得金香， 但係裏面仲好嫩焗加拿大黑毛豬鞍扒， 黑毛豬鞍扒肉質夠滑又夠爽，加上蘋果蓉，芥末，好夾香煎海鱸魚配香草茄蓉汁 ，鱸魚味道清清地但係加埋啲香草茄蓉汁， 就啱啱好原來每份餐都有一大球薯蓉波波， 我哋唔知道，所以加咗一個飯同一個意粉， 如果食量唔大就可以唔使㗎喇， 不過個意粉真係做得幾爽身。爸爸叫咗杯熱咖啡， 奶分開上， 倒奶時，侍應哥哥好細心叫爸爸小心燙手， 因為嗰啲奶仲好熱。 咖啡非常香濃， 爸爸大讚，我同媽媽都忍不住飲左一口

去咗呢一間喺元朗嘅西餐廳去就叫做forever友緣餐廳喺門口呢就冇停車位嘅不過 隔住窗都可以望到有冇人抄牌咁呢樣嘢都好緊要下午茶來都係冇下午茶menu嘅咁我哋就食飯lunch menu啦叫咗一個紐西蘭牛柳另外一個就係香煎鱸魚我仲額外加咗十蚊要個白飯添個餐都算幾齊 幾足料有湯有牛角包有野飲有薯條最好食嘅竟然唔係主菜而係個牛角包因為係真係好鬆軟而兩個主菜都唔錯嘅煎牛柳整得幾好食鱸魚都幾脆但係杯熱咖啡就普通咗少少整體嚟講兩個人食西餐200蚊有找都算係唔錯可以值得推介

今日同朋友去元朗食飯， 真係要讚下呢間餐廳， 感覺到老闆好有心去做好餐飲！坐低已經有一杯 welcome drink， 餐包係蒜蓉多士成隻手掌咁大塊， 仲係暖同埋脆㗎！ 餐湯係煙肉 忌廉薯蓉湯， 飲到係有薯蓉㗎！唔係啲餐廳就咁麵粉開忌廉水囉。我自己叫咗個羊扒七成熟，啲肉係粉紅色好嫩 有一d d羊騷味。 配菜炸薯條上面係有香草㗎！ 好好味！最後一定要讚下杯熱咖啡! 啲奶上枱嘅時候係暖㗎! 今時今日真係好少好少餐廳咁有心思, 咁用心做好一餐囉！餐廳兩邊係玻璃窗嚟，我同朋友坐喺玻璃窗旁邊傾下計就已經兩個半鐘， 完全冇人騷擾我哋。 呢個地方好適合同朋友嚟聚一聚傾下計！