Forever 友緣西餐 (Closed)

今日同朋友去元朗食飯， 真係要讚下呢間餐廳， 感覺到老闆好有心去做好餐飲！坐低已經有一杯 welcome drink， 餐包係蒜蓉多士成隻手掌咁大塊， 仲係暖同埋脆㗎！ 餐湯係煙肉 忌廉薯蓉湯， 飲到係有薯蓉㗎！唔係啲餐廳就咁麵粉開忌廉水囉。我自己叫咗個羊扒七成熟，啲肉係粉紅色好嫩 有一d d羊騷味。 配菜炸薯條上面係有香草㗎！ 好好味！最後一定要讚下杯熱咖啡! 啲奶上枱嘅時候係暖㗎! 今時今日真係好少好少餐廳咁有心思, 咁用心做好一餐囉！餐廳兩邊係玻璃窗嚟，我同朋友坐喺玻璃窗旁邊傾下計就已經兩個半鐘， 完全冇人騷擾我哋。 呢個地方好適合同朋友嚟聚一聚傾下計！