CHiLL-i (Closed)

平日嘅日頭觀塘人滿為患，不過放工時間人流得到排解，反而係搵食嘅好時機嚟到駱駝漆大廈，有間西餐都好唔錯晚市set頭盤有沙律、麵包同餐湯，沙律都幾大兜幾新鮮麵包似係手工製，大大嚿似法包，但又好軟熟餐湯係忌廉蘑菇湯，blend到極香菇味麻辣嘅risotto真係第一次食到，顏色冇紅噹噹，反而睇唔出，食落每啖都暗藏麻香。topping嘅餅塊係由一條條小魚乾壓成，營養豐富又香口。仲有大量海鮮如青口、蜆、蝦、帶子、蟹鉗等等，鮮味十足，性價比無敵紐西蘭肉眼扒煎得好靚仔，200g都幾大塊，五成熟啱啱好肉嫩微微帶點筋，啱晒鍾意有啲口感嘅大胃食。伴碟菜蔬煎得好爽口，薯條都炸得幾脆身跟餐加配有甜品，呢個檸檬撻係進化版，非一般，上面有好綿嘅蛋白，加上點點炸杏仁片點綴，襯返酸瞇瞇嘅檸檬味，甜蜜的刺激跟set再加錢可以有特飲，佢地啲飲品都幾靚幾正熱情仲夏好襯呢個季節飲，襯西餐而言，仲可以開胃消膩

夜晚嚟到工廈覓食，一個set有晒沙律，餐湯餐包飲品都幾豐富😚✨扒紐西蘭原條檸檬龍脷魚 - 條魚比想像中大條，魚肉幾嫩滑，沾埋檸檬汁幾清新，跟餐配左薯條，外脆內軟，面頭仲有d黑椒同粗鹽，令味道更香口😋✨扒香草蒙古羊扒 - 擺碟幾靚，個羊整得幾腍身，香得嚟唔會好羶，配左扁意粉，口感唔錯👍✨朱古力心太軟 - 好耐冇食過喇，一切就見到裡面好軟心，火喉同味道都控制得好好，對我嚟講係甜而不膩，食過翻尋味😂✨Cappuccino - 天氣太熱頂唔順整返杯凍cappuccino, 都幾大杯，質感細滑，咖啡味亦都好出😍✨熱情仲夏 - 朋友叫的，飲落好fresh又幾開胃🤩

今日去駱駝漆拎野經過見到呢間小店，試左2份set dinner都好好食💯must encore 西班牙黑毛有骨豬扒揀左配扁意粉，黑毛豬完全無overcook，煎到外面焦焦地入面都仲keep到微粉紅色，肉好淋好juicy另外配左隻醬汁食落有少少紅酒味，同豬扒幾夾，意粉硬度岩岩好有咬口～其他配菜都唔馬虎，蘆筍、椰菜花、蘿蔔仔、蕃薯全部都有調味煎過扒紐西蘭原條檸檬龍脷魚勁大條上枱時我呆左，應該有我2隻手掌🤣呢份揀左配薯條，估唔到係扭扭薯條都幾特別，而且好脆！龍脷肉一樣都係煎到外表金黃色，雖然係連骨但啲肉都好易起出離，配埋檸檬他他醬酸酸地好開胃，魚味更出棉花糖可可朱古力味好濃唔會好似少粉溝水咁，飲得出真係有用牛奶，同埋唔會好甜，透明杯show到漸層仲可以打卡🤣熱情仲夏呢款相對比較fresh，類似熱情果梳打，一樣都係有新鮮熱情果味又唔會好甜，食完濃味主食想清下味蕾可以點呢款～Dinner set跟餐湯，包，沙律

🍽🍽最近鍾意響觀塘工廈試吓唔同嘅小店，今晚上咗去駱駝漆工業大廈，搵到呢間隱世高質餐廳。餐廳裝修簡約時尚，地方唔算太大，但坐得舒服，好適合幾個朋友食飯傾吓偈。餐牌選擇都好多，入面嘅菜式都幾特別，唔係一般西餐廳嗰啲例牌野。🥑🥑揀咗前菜「焗意大利雜菜玉米片配牛油果醬」，賣相靚之餘，雜菜落咗少少辣椒，配上脆卜卜嘅玉米片同牛油果醬，十分開胃醒神。🦐🦐主菜分別要咗「胡椒焗三文魚伴麵豉浸蘿蔔煎玉米餅」同「麻辣海龍王海鮮意大利飯」。先要讚一讚佢嘅擺盤，真係好有心思，完全係酒店級嘅質素。冇諗過觀塘工廈會有咁有誠意，咁高質嘅西餐廳。🌽🌽焗三文魚整得好味之餘，配搭蘿蔔同埋玉米餅，好有特色，味道亦相當夾。另外要讚吓麻辣海鮮意大利飯，勁多海鮮配料，味道好有層次感，淡淡麻辣味道，但唔會太辣。仲好特別咁用咗銀魚仔炸成脆片，好有心思。🍹🍹飲品方面，叫咗杯招牌特飲「熱情仲夏」，入面有熱情果，菠蘿，紅茶同埋梳打。鍾意佢唔會太甜，感覺好清新。另外叫咗杯「Chill-I x Answer 港式凍奶茶」，茶味好香濃，奶好滑，絕對係我鍾意嘅港式奶茶味道。冇諗過食西餐都可以飲到杯咁正嘅港式奶茶，真係有驚喜😋😋