亞玉豆腐花

Open Now

Now Closed

今日入到屯門，炎熱的天氣下，見這間有好多客人買豆腐花，我們都來甜一甜！這間有豆腐花、涼粉、黑芝麻糊等，更可以自選混合的；更有豆漿、黑豆漿，可選有糖或無糖；另外，有圓圓的砵仔糕、包裝好的客家糍粑，每款都好吸引！現在更有優惠，碗裝產品一律$9，凍熱一樣！抵食喔！可堂食或外賣！1. 客家糍粑有6粒及3粒裝以透明膠盒包好，每粒好乾淨衛生！外面是香軟煙韌的糯米粉製的皮，不會好厚身又軟軟口感；內餡即是香濃黑芝麻及花生粒，口感香脆又微微香甜，這全是人手製作，健康又美味！砵仔糕點了一個，雖然唔算好大，但好多軟軟補血紅豆，配上微甜的黃糖糕，香軟煙韌的口感，正喔！豆腐花必點之一，有熱有凍選擇，當然熱的比較香濃黃豆味，但同樣滑溜美味；枱上放著糖水、薑汁及黃糖粒讓客人自家調味，愛加薑汁更滋味，黃糖既甜美又有口感！黑豆漿我們點了無糖的，好香黃豆味又微微黑色有烏髮作用，又夠凍又涼快又健康！服裝姐姐好友善好人，點完會幫忙取過來，見有客人外賣都好熱心介紹及細心包好食物！

今日唔使返工，所以陪長老行街市，行到一半長老已經有些累，又唔想去麥記食雪糕，記得置樂街市內，樂華商場間亞玉豆腐花可以堂食，係商場走廊有幾個位，咁就去坐一坐，食個熱豆花啦。平時長老就鍾意買砵仔糕$3 ，細細個的，唔會太漏，可以有兩款，有紅豆冇紅豆，紅豆煮到好腍好粉，唔會好甜。不過如果五個就只要$12，兩三口就一個，好似抵食好多。砵仔糕$3/1個 ，$12/5個坐低叫左薑汁豆腐花$9， 好滑 有豆香。薑汁唔甜的。店員講如果想甜可以另外加黃糖或糖水，不過我鐘意原味，加薑汁已經好滑好好味，有少少熱，但熱豆花先最滑！見到雙併豆花只是加$3。所以叫併芝麻糊比長老，佢又見新上市喳咋（新上市試食價$10，原價$16）咁就問店員可唔可以併喳咋，佢話冇併喳咋 ，但有併紅豆 。唯有叫碗喳咋，食半碗併個豆花比長老食啦。長老講芝麻糊好香好濃，唔似用粉沖，店員聽到話鮮炒同磨粉的，所以好香喔。喳咋都幾多唔同種類嘅豆，加花奶，豆好綿好粉同腍，唔過甜，老人家唔食得咁甜，剛剛好。阿長老問我食唔食糍粑$6/1粒，糍粑都幾多餡，有芝麻花生之類。皮好薄，都幾好食。之後外賣碗熱豆花，外賣要加外賣盒$1，店員問我加唔加個砵仔糕，外