建興亞婆豆腐花

Open Now

Now Closed

今天的小島獨遊行程中，還有這間網上馳名的南丫島必食{建興亞婆豆腐花}。{建興亞婆豆腐花}位於榕樹灣碼頭到洪聖爺灣泳灘的路上，客人多是遊客、行山或踏單車人士。店內裝置簡單，只是用鐵架、帳篷、尼龍凡布等搭建而成，再配合木板枱和膠櫈。山道地帶，店舖環境就不必太講究，雖然吃的期間也少不免會有倉蠅滋擾，但樹蔭下透光的林間景色和悠閒感，也可搭夠一下分數吧。點了一碗熱豆腐花($13)。從外觀上，豆腐花的質感還比較像是散掉的布丁。店家提供的托盤也是濕濕的沒有擦乾，是客人一時間太多太忙了嗎？吃一口豆腐花，這是非一般的豆腐花口感，雖與幼滑二字不太相關，但也不是難吃粗糙的質感，就是每口豆腐花都有一些些小顆粒，像起沙綿密的感覺。這裡只有糖漿沒有黃糖提供，豆腐花自身有微微豆香薑香，份量也不少，吃到一半時多添加了糖漿，甜甜地把整碗吃完。「建興亞婆豆腐花」質素雖不算出色，但卻是質感特別的豆腐花。林間小店，吃的是種特別的情懷吧，尤其是行山後或踏單車途中來一碗，相信會特別透心涼。

每次去南丫島都一定會食嘅豆腐花索罟灣落船行一個鐘左右去到榕樹灣附近就會見到呢間阿婆豆腐花味道唔算好特別但係幾好食 都會食一碗支持下我覺得熱好食過凍豆腐花本身甜甜地 有啲薑同炭燒既味道

每次到南丫島時好多人都會從榕樹灣行山去索罟灣(或逆線行)。經常都會期望婆婆有無開檔，今次行是星期五見有開即時來碗熱豆腐花。眼看質感比較粗糙，只加糖水(無紅糖提供)入口暖和不辣咀，滑進咀裏即時像電影食神中薛家燕上身:大好味啦！清淡豆香，油滑細緻(與眼看強烈反比)，想不出什麼字眼來形容這滑的程度。品嚐過港九新界各區豆腐花，婆婆的是最滑的一家，豆味就中規中矩啦，還可加一點薑汁糖漿提升味蕾。記得天氣再熱都不要食凍豆腐花，任何店一樣熱是最好味。

唔知由幾時開始，山水豆腐花彷彿成為郊遊必定出現嘅美食，好像每個行山熱點（eg 樟上）或者離島都會有一檔喺左近😂今日我同女朋友拍拖嚟到南丫島⛴由榕樹灣碼頭出發，沿着南丫島家樂徑，途經風采發電站同洪聖爺灣，最後係蘆鬚城作終點，喺索罟灣碼頭搭船出返中環。🗺喺到達風采發電站中間嘅路程，出現咗唔少嘅檔攤仔，擺滿左各式各樣嘅小攤檔。都行到有點肚餓嘅時候就見到路邊有一檔山水豆腐花！當時我哋去到嘅時候大概係四點半左右，並唔係太多人幫襯。我哋叫咗兩碗熱嘅豆腐花，每碗$12。😉小弟覺得通常郊遊行山地方出現嘅小店，價錢都比較貴，不過呢一間自製嘅豆腐花店，買呢一個價錢都算合理嘅！😌碗豆腐花未放入口已經聞到好濃郁嘅豆味！食落口亦都好滑溜。🤪不過佢哋係冇黃糖，只係提供糖水🤔 我就覺得怪怪地啦⋯⋯撇除呢一樣野我覺得整體嚟講都尚算🆗不過係我嘅腦海經常有一疑問🤔️點解豆腐花一定要係「亞婆」我未聽過阿伯或者阿爺賣豆腐花🤡最後送上幾張南丫島嘅景色😊 ——————————食物質素：6/10 環境衛生：4/10 舒適度：5/10服務：6/10 性價比：8/10 總評分：5.8/10 —————————— #foodblogger

今日去南丫島, 阿婆豆腐花就係其中一個要試食嘅地方.可能因為係平日下午1點, 只得一枱客. 大部分嘅枱凳都幾殘舊. 坐低叫咗兩碗熱豆腐花, 諗住中年阿姐會拎埋嚟, 點知佢叫我自己埋去攞. 我心諗你人客都冇多個, 攞埋過嚟都得啩, 但我估呢個係佢店舖嘅規矩, 所以也不計較. 之後佢就繼續好專心咁篤電話 .講番個豆腐花, 見到呀姐喺個桶到, 畢咗兩下就成一碗. 佢哋係冇黃糖嘅, 只係畀咗一碗糖漿. 即係話冷熱豆腐花都係落佢, 而呢個糖漿只係得甜味. 我唔知呢個係咪佢哋嘅特色, 所以唔敢講話佢地對食品味道嘅追求不足.再講番個熱豆腐花, 只係微暖, 滑就係幾滑, 但豆味唔重, 同埋比起平時食開嗰啲較輕飄飄, 質感較低, 可能水的比例較多.以十分為滿分計:滑 - 8分豆味 - 3分質感 - 4分熱度 - 3分糖漿 - 4分豆腐花喺南丫島周圍都有得賣, 我見間間都係賣$10, 又坐得舒服乾淨過佢, 而佢就賣$12, 貴過人哋$2. 点解呢?

當田為平日的中午12:30左右到，食客都不算少當天不同時段食咗兩次，豆腐花很滑，糖漿杰身，甜度充足，但沒有薑味的。頭一次食時，係差不多該桶豆腐花的尾水，因此只是和暖。另一次再晏少少去，係新一桶的豆花，因此非常熱。

每次來南丫島都一定會幫襯一碗阿婆豆腐花，前幾次來都遇不着「阿婆」，原來婆婆真有其人，不是虛名。婆婆小小的身驅守在店前，眼睛已經瞇成一線，頭髮卻只有些許花白，讓人猜不出她的年齡。婆婆身後有個自家搭起的蓬，木檯似是自己釘砌、膠櫈有新有舊，環境很陰沉，不過夏天的時候會是很好的乘涼處。這兒的menu只有豆腐花和豆漿，前者冷熱同價，只賣$10，後者$7，比市區還是平一截。豆腐花雪白軟綿，糖水沉在碗底，起初吃的時候很清甜。這兒的豆腐花，味道跟市區有點不一樣，說不出是因為不同一般的石膏粉比例，還是因為用了山水的關係，有點獨特。經過這一檔，沿路向洪聖爺灣方向走，還有一檔靚媽豆腐花，但個人對婆婆這檔有份特殊情感，所以對唔住喇，靚媽 : )~

從榕樹灣走到索罟灣，途中定必經過島上有數十年歷史、超有名的建興亞婆豆腐花，很早以前已經好奇，為何為人熟悉的豆腐花總是亞Ｏ豆腐花，元朗如是，南丫島如是，哈哈！ 食店位於前往南丫島風車入口旁的一段路，很多人會特地先吃豆花，再繼續郊遊行程。亞婆豆腐花附近有不少漂亮的壁畫，當中包括這幅花中豆腐花的大壁畫，相信是切合這間食店而畫的吧？從遠處已可看到建興亞婆豆腐花的大名，這裡除了有售豆製品外，還有熟食攤位，不知是否同一家族經營呢？我們火速決定吃熱豆腐花（＄１０），以豆腐花來說，價錢不便宜，幾乎是市區的兩倍。年輕的店員在呈上豆腐花同時加入薑糖漿，因怕太甜的關係，我們沒有另外再加黃糖，豆腐花很足料，我覺得豆腐花有很突出的黃豆味，但說不上很滑溜，然而在鄉郊地區細嚐山水豆腐花確實有另一種滋味，到訪南丫島的話，不妨一試。雖說是亞婆豆腐花，但當天主要由年輕店員打理，之後都有見婆婆落力幫忙，一碗普通的豆腐花，看到全家人合力經營，難得有年輕一輩參與其中，希望這份堅持能讓南丫島豆腐花傳承下去呢！