Chelsea Garden & Restaurant

Open Now

Now Closed

今年食左好幾餐生日飯，其中以呢間位於佐敦同尖沙咀交界既樓上餐廳印象比較深入到餐廳，俾我第一個感覺就係舒服，枱與枱之間有足夠既空間，唔會太迫。而侍應生亦相當殷勤有禮，未食已經加左分先上場既係鹽烤西班牙鬼椒，之前未食過鬼椒，聽個名仲以為好辣，但食落又唔錯，非常香口，外脆內軟，夠曬開胃黎到西班牙餐廳，點可以唔試辣肉腸。可惜呢個甜洋蔥西班牙辣肉腸就失色左少少，味道一般，而且洋蔥太多，賣相唔太吸引😔😔網上好多人推薦呢間餐廳既海鮮，不過諗住叫海鮮飯，冇理由仲叫海鮮拼盤，所以叫左個藍青口檸檬芫茜諾曼第汁，睇下係咪真係咁好食。諾曼第汁本身同海鮮已經係perfect match，加埋少少檸檬既酸味，味道更豐富。當然主角既青口亦都夠鮮味，值得推薦❤️❤️香辣烤八爪魚烤得好香，食落好爽口，唔會話太靭，而且唔算太辣，對我黎講岩岩好熟我既人都知我喜歡食帶子，當然要試下呢個輕煎北海道帶子伴胡麻冷天使幼麵。帶子煎得岩岩好，面頭金黃色而入面中間仲有少少生，同時食到香味同鮮味，冇得輸。而胡麻配冷麵亦係一個絕配，正😽😽西班牙紅蝦薄片伴牛油果沙律相對之下就失色左少少，可能因為已經食左幾款香口既食物，呢碟菜突然變得冇乜味道，而且

其實從來無嚟過 UQ Place, 今晚奉獻咗我嘅第一次。菠菜西班牙薯丸喺一般意大利餐廳，呢個菜式屬於一個意粉菜式。但有別於一般用小麥做的意粉，這個原材料是用薯仔。這裏在薯仔內再加入菠菜蓉，再直接油炸，做到表面脆卜卜，裡面煙韌的口感。淡淡的薯仔香味嘅小食，很討好。瑞士芝士烤波特菇基本上芝士焗 Portobello 係相當普通嘅菜式。但呢度用 Gruyère 代替 Mozzarella / Cheddar, 屬於非常濃厚奶香味嘅芝士，產自瑞士。成本相對較高。西班牙海鮮飯西班牙菜中嘅招牌菜。用蝦頭熬成的湯來煮飯，每粒米都被鮮濃的湯汁包圍，最重要有蕃紅花和甜椒粉，風味都是來自由這兩種香料，加上龍蝦、魷魚、大蝦、青口、蟹肉、蜆肉……全部都好新鮮，想唔好食都難。燒伊比利亞黑毛豬柳伴華道夫沙律產自西班牙伊比利亞，食橡果長大，豬肉清晰呈現大理石紋般嘅油花，唔需要特別醃製，烹調時只需要以海鹽、黑椒作簡單調味，食原汁原味最好。華道夫沙律材料簡單，青蘋果、提子乾、甜合桃、西芹...... 材料類別不盡相同，但非常匹配。烤棉花糖心太軟烤過嘅棉花糖、熱辣辣嘅黑朱古力流心、凍冰冰嘅雪糕，會有唔好食嘅理由嗎?