Chelsea Garden & Restaurant

Open Now

Now Closed

多年前經朋友推介的食店，食物頗有水準，環境清幽，價錢又不算貴，而且有露天平台，最適合「呼吸」的友人。昨晚約了朋友相聚，選址這裹；來到才得知，原來是這裏的最後一夜，之後會搬到和附近的Har當晚全程只有兩枱人客，真是非常清靜；我們選擇了最簡單的晚餐，只要在前菜及主菜之中三選一便可。我選了吞拿魚薄片伴魚籽醬及燒紐西蘭羊架配芥末籽醬；半熟的吞拿魚薄片，口感嫩滑甘甜，油香豐盛，配上咸香的魚籽醬，食落也是很不錯。採用紐西蘭羊架，因要了五成熟，上枱時還保留少許血水；食落肉質柔嫩，沒帶半點羊羶味，最適合怕羶的朋友仔；而且低脂、低膽固醇，含豐富蛋白質，真是好味又健康。現在市道咁差，能夠繼續「生存」，已是難能可貴的事；雖然有點可惜，也期待在新店能保持這様高質水準！#洋薊菲達芝士沙律#吞拿魚薄片伴魚籽醬#甘筍忌廉湯#香煎紅立魚柳配水欖車厘茄汁 ＄328#燒紐西蘭羊架配芥末籽醬 ＄368#加$20可配咖啡或茶#Chelsea_Garden_&_Restaurant地址: 佐敦柯士甸道7號UQ Place 4樓電話: 39740822

幾咗好朋友見面，揀到呢間近期比較人氣嘅西餐廳🍴，主打西班牙🇪🇸菜式，打亦有安排其他國家嘅食物。店面唔算大但都坐到滿滿，今時今日嘅香港🇭🇰都已經好難得🤓———————————————————————————.🍽️西班牙乳豬🐽💬賣相同味道都唔錯，豬皮係香脆而且肉嫩，果然係西班牙🇪🇸食物比較拿手🤓.🍽️帕爾瑪火腿辣肉腸凍盤💬前菜無咩好選擇，款式唔多，叫咗份Cold Cut，不過感覺份量很少，幾個人分唔夠喉🤓.🍽️藍青口檸檬芫茜諾曼第汁💬感覺每款菜式份量都比較偏少，可能想大家可以食到多幾款唔同嘅食物。藍青口煮得剛好，無過火至乾同韌🤓.🍽️西班牙🇪🇸海鮮飯🥘💬其實係有點期待，因為因為好食嘅西班牙🇪🇸大鑊飯真係好正。但端上枱感覺好似唔係好大鑊，因為真係比較細盤，海鮮無偷工減料，擠滿晒個盤之上，感覺有點怪怪的，可能真係太大食，唔太滿足🤔.🍽️普羅旺斯烤茄子🍆💬臨尾要翻兜多一轉，叫咗個茄子🍆前菜，諗諗吓前菜係唔飽，不過都幾好食😅.🍽️美國🇺🇸黑安格斯肉眼排伴蒜烤野菜💬終極加單！今次食到去美國🇺🇸，叫多份牛排🥩先至感覺到滿足。牛排果然係幾好，連配菜都一樣出色。不過想全餐都係西班牙🇪🇸美食就好似有少少難🤓

今日喺佐敦搵到一間樓上舖，見到餐牌有午市套餐，所以就上樓試吓。上到去發現餐廳裝修得好精緻，窗邊掛咗好多植物，一個個圓形球體玻璃瓶，好特別。另一邊牆身有一啲假花，裝修優雅，座位唔多，密度低，坐得好舒服，好適合一班朋友慢慢食，慢慢傾偈。午餐包括左餐湯、穀物麵包、水牛芝士沙律、餐飲，同埋一款主菜。我一行兩個人，分別揀咗「藍莓乳酪三文魚扒」同埋「蜜糖芥末醬牛扒」。兩款主菜都做得好出色，香煎三文魚柳，魚皮煎得好香脆，三文魚肉好香滑，加上少少調味，好perfect。牛扒揀咗七成熟，牛扒好香牛肉味，感覺好新鮮，非常推介，牛肉嘅質感好林，好似慢煮嘅感覺，調味醬係分開上嘅，本身牛扒少少調味，所以唔點醬汁都好好味。

點錯嘅話絕對唔會order嘅西班牙菜，今晚喺呢間裝修得似小花園嘅餐廳，完全改觀了！㗎菜式一出，我嘅味蕾瞬間高唱起來，開心到跳起芭蕾💃。頭盤嘅黑松露野菌忌廉湯，松露香氣襲人，香得嚟又唔會喧賓奪主，讓菌菇嘅鮮味偷偷地露頭角，正！入口嗰刻，湯滑得黎又夠creamy，簡直滑唔溜手。至於炸西班牙辣肉腸芝士薯丸，外層金黃酥脆，一口咬落去滿滿嘅芝士汁馬上流出嚟，個結合剛烈得嚟又唔失平衡，芝士同辣肉腸嘅鹹香，仲要有薯蓉嘅幼滑，正到不得了！主菜，就選咗龍蝦海鮮飯。每一粒米飯都飽滿得黎又吸足咗海鮮高湯，味道夠晒層次感。而龍蝦？嘩，真係甩殼就食，無難度又肉質鮮甜，當我瞓夢都會笑咁款嘢😂。整體嚟講，今晚嘅食物過癮到不得了，而家心情正到飛起🚀。喺呢度食飯，個人感覺真係似去咗一趟西班牙嘅短trip，有嚟一轉唔後悔！

西班牙菜係其中一樣我鍾意嘅菜式，四圍去試下唔同嘅西班牙菜都係一種樂趣。鹽烤西班牙鬼椒鹽粉輕輕喺辣椒表面，加埋烘烤，咸咸地辣辣地，同時保留椒嘅甜。蒜香欖油慢煮海虎蝦虎蝦爽口鮮甜無雪味，慢煮令蒜香慢慢隨欖油逼入蝦入面，好香好入味，個蒜油直頭拎埋嚟點麵包都得😋香辣烤八爪魚八爪魚夠軟身，香辣味入哂，薯蓉亦都夠滑美國黑安格斯肉眼扒伴蒜烤野菜牛嘅生熟程度控制得恰度好處，肉嫩多汁，烤野菜亦不會過火煎烤海鱸魚伴海鹽蒜泥蛋黃醬海鱸煎得外皮脆肉嫩滑，非常香口惹味，配合埋蒜泥蛋黃醬更增味蕾嘅享受

佐敦呢條街一向都靜，而家開左幾間新cafe, 但我今次選擇左試呢間樓上餐廳，想不到有驚喜。餐廳環境清優，服務員好nice, 我們揀左2 個set lunch, 有salad, 湯，麵包，主菜同埋飲品平均$200 位，雖然唔算好平，但計埋佢環境，食物質素同埋service, 性價比高。沙律菜fresh的，湯同麵包無影到，但2 樣都夠熱，看得出有心烹調。三文魚好食，皮好crispy, 味道調教得剛好意大利飯係煮得幾正宗，唔會過熟，又唔會太硬，同埋好味。

地點方便，餐廳唔大,人唔多靜靜地幾好，職員都好禮貌。食物方面真係幾好，擺盤好靚，食材質素可以，特別欣賞個sirloin, medium rare 做得剛剛好. 訂位時有註明慶祝生日，所以甜品上有寫happy birthday, 都開心嘅。

一如既往朋友聚餐，搵餐廳見到西班牙菜，又覺得好少食西班牙菜就決定試吓呢間。雖然早到咗，但係都唔洗等。建議要book位，入座時睇到有walkin客，waiter話今日滿booking。坐低咗，雖然餐廳唔大得8張4人枱，但係環境舒服，音樂🎶都唔大聲，好怕餐廳音樂好嘈連自己枱講嘢都聽唔到。等人齊期間就叫咗個檸檬藍青口同鹽烤西班牙鬼椒。青口熟度啱啱好，諾曼第汁配麵包，good。鬼椒以為會椒如期名辣死人，食落完全唔辣，椒味濃郁。人齊就叫主食，西班牙海鮮飯海鮮味夠，飯粒偏乾身。跟住個烤乳豬味道野味，不過價格稍貴。仲有個黑松露餛飩，黑松露愛好者要試吓。最後當然唔少得甜品，個提拉米蘇好大份，心太軟個流心做得好好，朱古力濃郁，配個甜橙一流。最後人均500左右，包每人一杯調酒，cp值都幾高ge西班牙餐廳，可以搵日再嚟試埋其他菜。

It was MY BIRTHDAY (yes, mine! mine! mine!) and wifey and I went to this place at Jordan to celebrate.  One of things I should first mention about this place is, there is no 1.5 hour time-limit.  For me I would rather going to a fast-food then rushing through dishes, in particular, we are talking about a normal course-set-dinner place instead of a buffet place!  So, kudos for this.Environment was very nice and cosey - it takes some time to find as it's situated somewhere between Jordan MTR & Aus

地中海菜出名保留食物嘅原汁原味，西班牙海鮮炒飯食到海水味到，乳豬亦皮脆肉嫩，肉眼扒medium-well煎得剛剛好，不過火另外兩杯 mocktails 亦有驚喜抵讚

相約朋友吃中午飯，選擇了這間較隔涉的上樓西餐小店。雖然只是小店，但環境和菜式都有心思，侍應態度亦殷勤，即使我們坐到午市落場，其間都會不斷幫我們加水，沒有顯得不耐煩。這裏的lunch set 算啦抵吃，因為同時有是日沙律和餐湯。沙律菜新鮮，更配搭三隻蝦，十分慷慨。虎蝦意粉 （$148）意粉煮得軟硬適中，配合新鮮蕃茄和蝦頭醬汁，十分掛汁。虎蝦亦算大隻，質素亦高，吃落非常彈牙和結實。煎西冷配蘑菇汁 （$188）西冷扒煎得符合要求（五成熟），吃落肉味頗濃和有咬口。而伴碟的配菜擺伴亦很精緻，看得出廚師的心思。

星期六，誤打誤撞到佐敦四位尋找隱世美食，點知在一間商業大廈的4樓發現這間餐廳，裝修精緻，非常適合打卡。先說說湯，今次來的是羅宋湯，非常濃味，有濃烈的蕃茄味，攪拌得非常細緻，不會有粗糙的蔬菜感覺。沙律作為前菜，也有非常合適的配搭，生果與沙律的配搭非常開胃。今次的主菜叫了牛扒及春雞，兩者的熟度也非常好，春雞的不會燒得過火及時間過長，吃落非常有肉汁也很嫩滑。至於牛扒，今次叫了五成熟，廚師非常細心，在上菜前也幫客人先切好一塊塊，牛扒非常有肉汁，表面不會煮得過火，感覺到廚師的誠意.

是日好姐妹生日飯，較早前已經book mark 左呢間餐廳好耐，終於有時間試.我地都係鍾意飲飲食食，不得不提cocktail 又靚又抵飲，質素非常不錯.生蠔6隻+ 兩杯house white 2xx幾真係性價比高、我真係無收錢熟食方面，係authentic 既西班牙菜，tapas portion都幾大，我自己好鍾意食Pimiento de Padrón，佢邊有得叫都會叫，d椒好新鮮亦無炸過龍，又夠鹹.另外我覺得呢度最抵讚係個牛，話要medium rare 真係做到，牛味十足，配菜亦一d都唔馬虎，我覺得呢個牛係全餐性價比最高.另外餐廳by bottle 都好抵飲，選擇多同埋有好多提子揀，老闆都識d野.😂overall 呢間我會再黎！

已經超過5次嚟呢度食 佐敦嘅西餐好選擇 Lunch set 大約人均$200 💰💰💰有湯 salad 同main course餐牌每隔一排就會變 Lunch 同dinner 價錢差成倍 Lunch 就合理💰💰💰

Lunch set 羊架，好食。最後甜品，Cheese cake 若果有openrice pay，可以賺取cash dollar，我會更多些去食。請考慮早些安裝，方便客人使用。