Season Oyster & Wine Bar (Closed)

早排慕名走咗去呢間餐廳，聽講各樣嘢食都好正🧐雖然我單拖去食，但唔覺唔覺就叫咗好多嘢食，畀你估吓我食到幾多😛法國吉拉多生蠔 No.0 $39隻 唔知大家有無聽過吉拉多生蠔，喺生蠔當中係一個都幾出名，而呢到嘅No.0即係最大嗰款，食落海水味加上生蠔嘅厚肉肥美，配白酒飲，超正嘅享受～ 燒海膽芝士多士 $68 金黃色嘅賣相已經好吸引，再加上佢勁香，而且中間係拉芝㗎！不得了！烤焗海鮮拼盤 $298 有芝士焗原隻龍蝦、巴馬臣芝士焗扇貝x2、蒜蓉翡翠螺x4、牛油蒜蓉虎蝦x2、芝士黑松露焗大蘑菇，份量都幾多吓，每樣食材都焗得好香，特別係鋪芝士嗰啲，芝士份量超多，齋食有啲鹹，但配埋酒飲就啱啱好！最後，憑我單人匹馬，都只係食淨咗一隻螺，同一件多士咋🤤唔駛加一服務費，埋單1人約$590。P.S. 如果我唔係驚浪費嘅話，一定會畀多少少，$680就有二人套餐了，抵好多！如果你鍾意睇我嘅食評，不妨關注我，支持吓我，謝謝你☺️💕

約左班朋友黎食好野，想食多啲美食，order左個二人set,再散叫左啲食物，食到好飽好滿足，very good!呢個二人set好豐富，先有一份煙三文魚沙律同芝士黑松露焗大蘑菇做前菜，再黎4隻美國生蠔，有海水味，幾creamy~小食方面，有芝士焗扇貝，燒海膽芝士多士，白酒煮蜆同日式枝豆，每樣食材都好新鮮！主食有肉醬千層面同西冷，牛扒揀左7成熟，有啲韌左少少～另外散叫左好多美食，炸廣島蠔好正，酥炸外皮配上juicy熱辣辣既飽滿蠔肉，推介！秘醬醬汁焗豬肋骨都係好值得order既，保持到肉汁，咬落啖啖肉，肉質幾彈！一口和牛粒，牛味香濃得黎，肉質夠鮮嫩～呢盤烤焗海鮮拼盤超豐富，有原隻芝士焗龍蝦，芝士扇貝，蒜蓉翡翠螺，又有芝士黑松露大蘑菇，仲有大大隻既牛油蒜蓉焗虎蝦！海鮮最緊要新鮮，煮法配搭帶出鮮味！我呢杯熱蜂蜜紅棗茶唔會太甜，幾潤喉好飲～

今日一行四人, 個個都係生蠔愛好者, 一齊嚟蠔一蠔餐廳提供5款生蠔, 我哋叫個尊貴白酒生蠔套餐, 再加2款生蠔, 幾乎試曬咁多款套餐配嘅法國香檳, 配生蠔或熱食一樣咁夾。廚房開緊蠔, 我哋先食個足料沙律。 主角出場啦!!愛爾蘭生蠔(左上)精選生蠔(右上)法國吉拉多生蠔(下), 呢盤生蠔上檯一刻夠曬震撼隻隻蠔身水分豐盈, 有光澤, 係看得見的新鮮成隻手掌咁大嘅法國吉拉多蠔, 蠔香濃厚, 肉質細緻, 口感極creamy, 帶海水鮮甜味, 成為必食之選。美國蠔, 蠔味無咁濃, 不過肉質反而係咁多種蠔之中最飽滿, 加點檸檬汁可帶出鮮味, 同時中和海水鹹味, 抵食!!香脆可口嘅多士配海膽, 我都係第一次食, 估唔到又幾夾, 重好有新鮮感牛排薄身, 肉質鮮嫩, medium就啱啱好啦。意大利飯口感creamy, 散發濃郁菌香。原條鰻魚配經典燒汁, 惹味非常。

我同爸爸都好鐘意食蠔，但唔係度度都有好食嘅蠔。今日專誠過海黎食，果然有驚喜，絕對無介紹錯蠔嘅選擇有幾款，最平嘅係$9精選生蠔，然後$18美國精選生蠔、$29南非生蠔，同埋$38嘅愛爾蘭石蠔及法國吉多拉生蠔。除左散叫，佢仲有唔同配搭嘅套餐，而我今日就每樣叫左隻，可惜嘅係美國生蠔一早已經沽清。十分鐘左右，大大盤蠔就放左係你面前，雖然今日坐滿人，但服務員姐姐都好耐心咁同你介紹返每隻蠔，仲提議埋食嘅先後次序，好體貼我個人最鐘意法國果隻，有手板咁大隻，一啖幾乎食唔哂，海水味足，又唔會過咸，肉質鮮甜，直頭想encore唔好以為平野無好野，$9精選生蠔，都好食得過，夠新鮮冰凍，大滿足淨係食好又邊夠喉，我地仲叫左幾款熱食，最推介嘅係白酒煮馬尼拉蜆，粒粒蜆配上淡淡嘅白酒香，$78絕對超值然後就係燒海膽芝士多士，咁大個人，我都係第一次食熟嘅海膽，襯熱食，同拉絲芝士十分配合，多士烘得啱啱好，夠哂脆，就連唔大鐘意食芝士嘅爸爸都忍唔住食左兩塊最後就係個熊本霜降西冷，都相當有質素嫁，生熟程度剛剛好，肉質夠林得來，同事又保存到肉味，配埋薯角同埋黑醋沙律，拍得上扒房質素，like食完呢餐，真係大滿足，食蠔食到夠晒皮，