BBQ 7080 (Closed)

成棟兆萬都係放題任食集中地最後揀左去bbq 7080到食以前既bbq 7080係單點叫 每次埋單都要5 6百蚊依個佢改變左經營方式 變左可以任食真係好抵但可能因為抵食 9點去到都無位 好在有客人結帳 唔洗等好耐前菜有泡菜 翠肉瓜同蘿蔔 個泡菜夠酸 唔太辣食完好開胃坐低左 職員好快手幫你開爐 同倒爐邊蛋加左$3加芝士 d蛋連埋溶左既芝士食落口比起就咁食蛋真係好食得多!!!!$3芝士 抵 必加!!!!另外所有肉都可以任叫 想食好d仲可以比錢叫upgrade肉 不過我無加 叫左普通既牛肉 豬肉 雞肉 羊肉 咩種類既肉都叫曬平時比較喜歡食牛同雞既我 今次覺得bbq 7080既豬肉最好食特別係五花腩 因為切到好薄 燒一燒就熟 夠薄身食落口唔覺好油而且各款肉類都醃得好入味 燒完唔洗點醬汁 已可食如果食厭左傳統韓燒 同自助任食不坊去bbq 7080食 完全arm曬年青人口味

今年情人節，唔想比d西餐廳撳住來搶，見到 openrice 有 bbq 7080 嘅優惠券，$168燒烤、火鍋、邊爐粥任食，而且打過電話去問，情人節竟然都用得，所以同老公一致通過，去旺角 bbq 7080 度慶祝我地嘅情人節！係 openrice 度 book 左 7:00 p.m., 去到唔洗等，馬上有位。其他d韓燒餐廳，大多數都要$200-300一個人，所以開頭都驚驚地$168會無乜嘢食，但去到見到張 order 紙就放心晒！燒烤、火鍋都有好多種類，生菜、邊爐蛋同芝士都有，又有炒年糕、煎䓤餅、煎餃、石鍋飯等熟食，連啤酒汽水都任飲！呢度叫 bbq 7080, 我地就緊係食左韓燒先啦！叫左好幾款牛肉、豬肉同雞肉，雖然唔算話好出色，但係以價錢來講都相當唔錯，而雞肉反而仲幾好味添！雖然份量不多，但我反而覺得咁樣仲好，可以試多幾樣唔同嘅嘢食 職員有時仲會幫手燒d嘢食，服務好好！漿料亦有好多卜選擇。食完燒烤，我地仲試咪個火鍋，不過同燒烤相比，燒烤就好味好多！我地已經係叫泡菜湯底，但個火鍋都無乜味.... 下次再來食就可以不叫火鍋。我地又貪得意叫左個邊爐粥，由於唔係好知點食，我地是但將飯同所有