御滿屋日本料理

Open Now

Now Closed

十世冇食過日式放題同媽咪旺角行街經開，試試佢平日午市$238/位，任食兩小時有成77款食物任君order🤩簡單手機落單，可以不停encore另外出邊有沙律吧、冷盤吧、熱葷、爆谷、炸物同大量甜品、飲品 (有梅酒)，真係眼闊肚窄啦▶️ 冷盤真係要咩有咩，包羅萬有，不過有啲都唔太吸引🙈唔夠膽食食咗醃蘿蔔同螺肉味道正常，當開開胃▶️ 刺身- 嚟到梗係食爆刺身！✔️阿根廷赤大蝦：珍寶size🦐連頭連尾口感黏黏地，味道新鮮，蝦頭有蝦膏，我一個人起碼食咗八隻～✔️北海道帶子：必點之一，雖然不算鮮甜，但口感唔錯，狂點➖挪威三文魚：色澤紅潤，但略嫌韌咗啲同欠缺魚油香味✔️油甘魚：比三文魚好食，軟腍唔韌▶️ 火炙壽司✔️ 特濃芝士醬燒皇帝蟹棒壽司：一條長長嘅蟹柳，上面放上車打芝士醬蟹柳一絲絲肉，車打芝士醬香濃而唔漏🧀帶少少鹹香，好夾味壽司飯質感OK，唔鬆散，米飯唔乾身，比例好唔會太大值得一試✖️火炙三文魚比較一般，三文魚唔夠炙燒▶️ 軍艦✔️ 蟹籽軍艦經典款式(純粹自己鍾意食haha)，勝在多蟹籽▶️ 手卷✔️ 海膽手卷係一口手卷size，好得意賣相亦靚仔，好似omakase咁面頭海膽似膏狀，味道可以▶️ 卷物｜創作精選✔️榴槤加州

好高質嘅放題，一入門口就喺沙津吧，已經有成二十款比你選擇，之後隔離就喺一整排嘅雪糕櫃，又喺多達20款，連Haagen Dazs 同 Movenpick都有！飲品都超蟹款，勁多款啤酒都任飲，仲有燒酒同梅酒。叫咗個最普通嘅A餐，都多達77款野食，刺身都成十幾款，三文魚同油甘魚都喺厚切肥美的，仲有阿根廷赤蝦，超大隻好好食，啖啖肉。另外特色嘅泰之味冷鮑魚都好推薦，當然仲有馬來西亞烤榴槤，仲有普通榴槤，都喺任食的。燒物都好充足，有燒菠蘿、牛舌、羊鞍、薄牛肉、生蠔、比目魚、虎皮尖椒等等…….另外都有啲鍋物，有卜卜蜆、蟹粥、薑蔥炒花蟹……有時真喺同朋友想飲酒又平平地嘅，其實放題都喺一個好選擇🤣

有一段時間沒食過放題了，當日和太太路經旺角，看到雅蘭中心對面的御滿屋，發覺原來一點也不貴，便決定上去試試😎✏️位置（10/10）：旺角E1出口旁，超級方便✏️環境（9/10）：比想像中大，卡位私隱度高✏️衛生（8/10）：自助區整潔，餐桌也乾凈✏️服務（8/10）：掃碼下單，漏單不多✏️食物（8/10）：選擇眾多，味道不錯🍱A經典三重新鮮刺身江洋盛宴 - $268/位想了又想，還是覺得這款套餐性價比最好，而且也有77品，想食的大致都齊全😄🌟刺身有三文魚、油甘魚、劍魚腩、希靈魚、鮑片、八爪魚、北寄貝、泰式生蝦、北海道角螺、赤貝、北海道帶子、松葉蟹棒、甜蝦及赤蝦，大部分都新鮮，其中赤貝及北海道帶子是必點😁🌟壽司有油甘魚、劍魚腩、赤蝦、馬刀貝、芝士醬松葉蟹柳、三文魚、火炙海鰻、特濃芝士醬燒青口、特濃芝士燒醬牛肉、鹽燒左口魚邊、火炙蒜香牛油熟帆立貝及火炙三文魚壽司，馬刀貝鮮甜味美，個人最喜歡的都是燒香的點的三款火炙壽司😆🌟其他壽司有牛油果蟹肉他他、海膽吞拿魚茸壽司、芝士肉醬玉子燒及花之戀，海膽吞拿魚茸壽司用料出奇的鮮味，值得一試😘🌟手卷有海膽、蟹膏蟹肉及香蔥吞拿魚手卷，細細卷方便食用，味道亦算不錯😃🌟軍

每次相約朋友晚飯都不知食咩好！各有各人的口味喜好！尤其在旺角閙市之中，一出地鐵，宣傳單張在你面前不停派發，張張都話低食、超值，真係有選擇困難！結果今次選咗一間日式放題試一試，因為太耐無食日式放題！確實係有些興奮！這間食肆交通方便，E1出口很快就到，等了不算太久就可入座，但如果預約的話會更快，帶位員帶我們入坐時，沿途的坐位九成已爆滿，確實受歡迎！店內環境整潔，坐位都很舒適，同類型的日式放題黎講，呢間坐位算寛闊！枱與枱之間也有空間！環境算不錯！坐低後侍應送上兩本厚厚活頁式的點菜紙，食物種類超過100款，任點任食，嘩！今次仲唔大開食戒？首先當然係叫刺生併盤回一回本啦！點咗三文魚，油甘魚，吞拿魚，鮑片，希靈魚，大赤蝦，甜蝦，八爪魚片，帶子刺身，北海道角螺，象拔蚌，赤貝！款款都非常新鮮！而且十分厚切！當中我最鍾意帶子，大大粒非常彈牙！另外燒物種類都非常多而且吸引！我們叫了西京比目魚、鹽燒海蝦、鹽燒雞軟骨、黃金芝士帆立貝、鹽燒鯖花魚！款款都有水準！其中我特別推介的蒲燒鰻魚！超級好食！鰻魚厚身加上醬料入口即溶而且juice！真係食到我回味無窮！另外我都很喜歡燒紐西蘭香草羊鞍，肉質淋滑而且無騷味！還有

今晚相約久未見面的朋友來到食久違的日式放題，重溫大學時光。御滿屋就係正旺角E1出口右面既胡社生行1樓真係好放便，我哋約食晚餐緊係book左枱啦，但入面原來真係大到可以唔使book。長話短說，放題一坐底就寫野食紙是常識吧，野食有炸物，小食，串燒，刺身，鍋物，壽司，而甜品同野飲都可以出去自己拎。由於朋友唔多食刺身，所以我叫左自己喜歡的甜蝦，肉質軟滑鮮甜。壽司則叫左三文魚，左口魚邊呢啲大路野，識食一定係叫多啲刺身加落壽司度食，例如整成勁多甜蝦既壽司。熟食方面，燒菠蘿其實冇得輸，多汁酸甜解膩。另外芝麻雞翼亦都係必點項目，外脆內軟又juicy。由於今日lunch已經好想食鲭魚既關係，所以即使朋友唔食都叫左一件，份量一個女仔食係岩岩好，燒得干身有油香。其他野都不過不失，而呢度最後重點係haagen dazs 或 movenpick 雪糕每人一客，士多啤梨味 movenpick 真係冇得頂，自然既酸甜味加牛奶，質地幼滑。整體黎講2百幾蚊真係好抵食，質素唔差又唔使等位，乾淨企理，侍應們會主動收碟，如果口痕想食日本野，呢度係唔錯既選擇。

有同事升職請食飯, 幾個大男人梗係去食放題啦.朋友之前去過, 話包埋啤酒汽水任飲.入門口已見到一大個甜品Bar, 除咗甜品, 水果, 仲有D熟食, 同湯.再過幾步又有個大雪櫃, 超多飲品, 仲有啤酒(Hoegaarden)都係免費任飲.我地幾個男人攞咗一大碟炒蜆, 邊食邊點.刺身點親都足數, 無漏單. 之前試過其他放題唔係漏單就少咁樣或點10 塊黎5塊. 果然老實.滑蛋肥牛鍋廣島蠔豆腐鍋清酒煮蜆鍋物超正, 個滑蛋肥牛鍋我地仲encore咗.燒魷魚, 絕對推介呢個燒魷魚, 超好味整體黎講, 都好滿意, 點咁多樣食物都無漏單. 全部都新鮮熱辣送黎, 唔似係預先整定.地方算幾好, 坐得都舒服. 重點係D職員個個都好好態度, 做嘢又快手, 一食完好快就會清走D碟, 唔會搞到成枱都係嘢. 可以再狂叫狂食狂飲...