阿爺燒鵝餐室 (Closed)

是日晚餐斬料加餸，走進阿爺燒鵝餐室，好多堂食既食客，見到掛在廚窗既燒味好靚樣，一隻一隻的燒鵝，油雞，貴妃雞等等。我本人就order了3款燒味外賣，（脆皮腩仔半斤，阿爺义燒半斤，玫瑰油雞半隻），都係$192。另外他們有別一般的燒味店，像茶餐廳的早餐、茶餐、常餐都有供應，都幾多元化。脆皮腩仔，不會太咸，不會太肥，好食阿爺义燒，肉質嫩，不太肥，不會「鞋」，不會乾「真真」，幾好食玫瑰油雞，肉嫩滑，汁野味，薑蔥蓉味道幾特別，餸飯一流

平時自己都鍾意食燒味飯，通常都係叉燒飯，一直都冇食過燒鵝髀飯，因為價錢一定過$100。今日心血來潮，去咗屋企樓下既阿爺燒鵝餐室。一去到已經滿座，所以叫咗外賣。即使叫外賣，燒鵝髀飯整體賣相仍然吸引。見到棗紅色嘅鵝皮已經流晒口水。透過先燻後烤既方式，鵝肉做到皮酥簿脆嘅口感，鵝肉更有風味，但煙燻味唔會蓋過鵝本身既味道。肉質方面細膩潤軟帶甜味。汁亦唔會過多而遮蓋鵝肉嘅風采。飯粒非常鬆軟，淋上豉油汁亦唔會過鹹。燒腩仔肥瘦均勻，可以見到脂肪及瘦肉層層相間。入口鬆化唔油膩，外皮仲要脆卜卜，非常出色。最後仲飲咗杯凍奶茶，香滑而不苦澀。試完佢哋燒鵝髀飯後真係不得不佩服「阿爺」，過$100都覺得值，下星期再食！

下午茶時段經過呢間專賣燒鵝既餐廳，見到佢啲燒腩仔好似個樣幾靚，所以就入左去買$40燒腩仔黎過下口癮。燒腩仔燒得好脆，脂肪和肉層次分明，比例岩岩好。可惜我叫外賣，到食個陣已經凍左啲，如果熱食相信會更加正。