阿爺燒鵝餐室 (Closed)

痴筋今次舊薰蹄真係痴住條豬筋！係生豬肉透明嗰種筋呀大佬唔好同我講係咁嘅樣，我特登上網搵左薰蹄點製作！即係第一嘢煮熟嘅程序冇熟哂就成舊丟去攤凍同切！用deliveroo食依個雙拼飯「燒鵝薰蹄雙拼飯」，佢一大舊飯硬掘掘，搭條菜心、跟住係一層完全半生熟嘅薰蹄（啫喱狀）。跟住鋪兩片較熟嘅係最上層，燒鵝就攝係個邊...盛惠$94蚊依啲時勢我打開個飯盒唔敢食，即刻倒去炒炒佢。但唔好食，本身就成啖鹽架喇，啲飯好硬好乾.... 大家街坊自己衡量貴夾唔飽食依間嘢食唔食得過... 我冇眼睇（平時行過見佢都冇咩生意，但啲嘢食質素十足十啲忙到爆廠嘅餐廳咁），真係好好奇點解仲屹立企係依區！

叫個下庄，175蚊，全部都係肥膏，冇一半係食得又鞋又凍又貴，好後悔😭其實間舖頭可唔可以俾返啲良心，都已經唔係叫特價飯或者下午茶，係咪就係諗住外賣睇唔到，就特登比啲差嘅你？咁樣做生意，遲早拍烏蠅。

今日行過西灣河，亞媽話D亞婆話好食，第一次幫襯，亞話想食下燒鵝脾，要求要瘦，皮脆肉香。瀨粉爽彈，湯底用大地魚煲，不會飲完口渴。乳豬飯，瘦而脆，白飯就要改善一下。

今日去太古城行完街，就返到西灣河醫肚，返到西灣河食乜嘢好呢，想起上次在阿爺燒鵝食燒鵝髀飯好好味，但是有點貴，看看原來現在已經兩點半了，有下午茶燒鵝飯餐，於是就去阿爺燒鵝到食，我叫了一個燒鵝飯，一杯熱奶茶，燒鵝真是皮脆肉嫩香滑可口，真是好有口感，奶茶香濃，仔仔就叫咗一個金蛋叉燒飯，叉燒好好味，一杯凍檸檬茶，仔仔話 夏日炎炎透心涼，我先生就叫咗一個常餐，常餐有火腿炒蛋 ，叉燒通粉，一杯好立克，一件牛油多士， 我下次都係等下午茶先去阿爺燒鵝度食，真係好抵食。

呢排多咗Home office，可以等到下午茶先食飯，去到附近嘅阿爺燒鵝，就嗌咗盒飯外賣。之前食過佢嘅黃金蛋叉燒飯，略嫌鹹咗少少，今次試返佢嘅招牌燒鵝，由於下午茶只係$40 ，我仲以為份量好少，點知返屋企一開，竟然係成隻燒鵝髀😱，實在太驚喜，燒鵝入口好嫩，又唔會太肥，啲燒鵝油滲晒落啲飯度，每一啖都覺得好香，雖然有少少邪惡，但係我都食晒成盒飯😋下午茶餐有杯熱飲，我叫咗杯熱檸茶，杯茶就有少少怪味，不過因為隻燒鵝髀，我原諒咗佢😂，希望下次都咁好彩，斬隻燒鵝髀比我🤩

極不愉快事件！～出左單沒有取貨，但店方堅持我方已取，不退錢不退貨，更給店方大鬧一場～事緣是過年前，我到該店詢問想預訂半隻燒鵝，店方稱不用預訂，過來買便可以了。到了年三十晚下午2:30，我過去買燒鵝，但當時沒有貨，而我只能請家人在5:30再去購買，早或遲都去不到。有食客看見我擔心5:30又沒有貨，提議我馬上付錢，5:30憑單拎，店方說好，我付了錢，取了單。5:30家人去到說要半隻燒鵝，忘記了我已付錢，又付錢買了⋯⋯過了三天，我們拿着末取燒鵝的單去告訴店方（我們也知道是自己糊塗，也明白沒可能退錢，心想如果店方願意給回半隻燒鵝已很感激，如果店方因為當天已留燒鵝給我們，但因我們自己沒有取而已棄掉燒鵝，我們也會接受）然而，店方首先說單上的原子筆字不是他們寫的，又堅稱他們會有另一張單貼在店，裏，客人一日未取，他們一直也不會撕下來（我買的時候，沒見到他們有貼另一張單），他們說當天至今，也沒有我那張單貼過在店中，更堅稱，即使年三十當天，我們取這單去取燒鵝，也不會有貨！對這間做街坊生意的小店真的深感失望！服務態度和行政太混亂！我是心平氣和的跟他說，好像叫「婽姐」的卻大罵我一場！那有街坊咁無聊，偽造一張單

服務態度勁垃圾 今日見佢新開去買外賣 見到個收銀對老人家態度極差 我哋買外賣問多兩句 佢好大力指住個餐牌 話自己睇啦！話唔得閒招呼你態度超垃圾 自己入錯咗單 又唔肯換番 話要等好耐就打發你走 咁嘅服務態度呢個時勢 等食風啦 建議唔好去 食物質素好一般 大家樂會好過佢 其實間間都係咁做 你有幾忙幾巴閉呢 同埋對老人家咁嘅態度 真係忍唔到囉 大家見到碗粉 同大家樂茶餐根本冇分別 咁你又憑乜嘢咁嘅態度呢 真係超失望不過第一日態度都已經咁 我諗我應該都會叫識嘅人都唔好去可能佢其他鋪會好啲 帶埋呢間真係好shit!!!!

每日返工都經過西灣河，每次經過都見到大排長龍好多公公婆婆喺度等買料加餸，前幾日上咗朋友屋企，落到樓下我就建議去食呢間餐廳今次叫咗個二人餐雙拼燒味梗係叫燒鵝黎食，再加燒肉燒鵝皮十分之脆，充滿着爐香，肉汁爆曬出嚟，肉質夠實，焗到恰到好處，最緊要就係嘗試到佢哋嘅油香套餐入面仲有炒蛋，梗係唔係普通嘅炒蛋啦係加入左鹹蛋黃落去炒，每啖都充滿鹹蛋味加上滑蛋嘅香頭先提起過鵝油係重中之重，拎鵝油黎撈麵，每條面都充滿着油香，正

阿爺燒鵝除左燒鵝好食之外，佢既下午茶都做得不錯。今次得就嘗試阿爺推介：蔥花黃金炒蛋+鮮油醬多，一改以往下午茶既配搭。炒蛋加左蔥花口感幼滑，鐘該食蔥既我幾喜歡！鮮油醬多又有鮮油又有花生醬，甚少見到咁既配撘，口感一流，再加上新鮮烘多士，冰火交融而不油！值得推介！

相約舊同事見面，她居位在西灣河一帶，我便去西灣河找她。香港不少燒味專門店及快餐店供應種類多元的燒味，舊同事帶我去阿爺燒鵝餐室，食店人流很旺，被它的廣東燒味所吸引，打算進入阿爺燒鵝餐室外賣覓食。  店內特高樓底，人多也不感覺侷促，空間感很好，環境舒適，二口子或一家人到來享受美食都適宜。  店內的設計以木為主，品舖裝修簡約，環境整齊優美，燈光柔和，氣氛輕鬆。  餐廳可以看到廚師預備給客人的各款食品，提供很多款式，看見師傅的手勢很好。  我打算外賣叉燒及雞，看見食物的款式及價值，選擇了燒味，可以到收銀處付款。  叉燒口感嫰滑，但又不會韌，蜜汁香味，帶出絲絲味道在心頭，令人心曠神怡，感覺很不錯，仍然保留了誘人的味道，味覺和口感湧現出來。  雞脾及紅腸，雞脾賣相討好，令人垂涎三尺，食落啖啖肉，肉質鮮嫰，口感細膩煙靱，紅腸芳香結實，厚薄適中，保持彈性，感覺很滋味。阿爺燒鵝餐室（西灣河） 地址： 西灣河筲箕灣道147號地下2號舖

好一個西灣河生平活了幾十載都從未去過，手執Google maps 坐著一架無敵地鐵由東去到西，轉了兩、三個轉駁車站終於來到，無他就是為見牠一面燒鵝先生是也。。。大大個紅撞黑招牌甚為搶眼, 價錢上亦一貫燒臘無異、店內微微設有裝修，格局上亦走平民路~經過了45分鐘的交通鐵路下, 坐定定瞄一瞄餐牌上的價錢還是不二之選叫上一個燒鵝乳豬雙拼飯HK$72.等候時間不消5分鐘來者賣相相當漂亮已經在心底裏加分不少,先講(鵝肉部份)肥瘦恰好而且非常肉嫩亦沒有又乾又嚡之跡象、還要抵讚的我那一份鵝肉皮瘦脂肪比例亦都很為個人滿意，一啖又一啖之下暗笑此行絕不跌眼鏡、另一邊的乳豬亦做得相當不俗每一件都非常之《脆皮》,不過可能由於滿肚子鵝肉、吃了第三件乳豬開始感覺有點膩、都怪我太貪心了~ (＾▽＾) 餐飲包了一杯熱飲,簡單來了一杯熱奶茶《順滑茶香》一點嚡脷都沒有~整體來說個人比上甚高分數差點兒要爆燈， 只限於比碟之內、當日並沒有吃上任何其他貨色所以此評價只屬於這點《燒鵝乳豬雙拼飯》而言｡

放工到西灣河辦點事，攪掂都近晚上8時，未食晚飯，屋企又無咩餸菜，經過阿爺燒味餐室，堂食幾乎滿座，見到佢啲燒味都幾吸引，就外賣了一些燒味回家做餸，打定電話叫屋企人煮啲白飯，回到家就可以開餐食得飯，我地外賣了玫瑰油雞半隻和脆皮腩仔半斤，玫瑰油雞既醬油調得好好食，不會太咸，調味適中，還有啲啲甜甜地，雞肉又多肉又滑，另外脆皮腩仔，回到家外皮還脆脆的，不會太肥又不會太瘦，肥瘦適中，又不會好咸，調味剛好，真係幾好食。

平時去開既燒臘店通常都係市井少少，今次黎西灣河呢間阿爺燒鵝餐室，眼望落去非常光猛淨潔，一於試試先。首先我地叫左碗例湯，今日係青紅蘿蔔豬骨湯。 除左好大碗之餘飲落仲好鮮甜，而湯渣份量都好夠。我同老婆分別叫左碟叉燒燒肉飯同埋乳豬醺蹄飯。呢度既叉燒係比較實身同埋無咁肥，啱曬追求健康減肥既老婆。至於個燒肉，外皮仲係卜卜脆，而成舊燒肉亦唔太鹹。至於個乳豬醺蹄飯，呢度既乳豬認真抵讚，外皮紅卜卜，香脆得黎肉質仲好鮮嫩，真係完全食到停唔到口。至於個醺蹄食落非常爽口，而且香味非常濃郁，食得出佢用好多香料烹調過，令人齒頰留香。最後我地叫埋杯好立克紅豆冰。平時真係比較少見，呢度既好立克紅豆冰係好濃好夠味，而家先知原來紅豆同好立克係夾既。

台灣朋友來香港玩，最念念不忘的就是燒鵝，這次我找了一家用古法燒鵝的阿爺燒鵝餐室去吃吃，就在太安樓附近。燒鵝很大隻，又飽滿。下午時間人頭湧湧，很多街坊支持！看到照片已經流口水了。喜歡香港的湯品，所以也點了例湯 ($15)，今天是青紅蘿蔔粟米湯，很清甜，又足料。燒鵝瀨粉 ($58)，燒鵝很香，鵝肉有煙燻的味道，不肥，很嫩，相當有水準。不想配飯，瀨粉也是不錯的選擇，不用加錢。凍奶茶(凍飲+$3)燒鵝鵝油撈麵 ($58+$10)，喜歡重口味的可以試這個，鵝的精華都在鵝油裡，讓你可以從外吃到内。熱奶茶

間中都會落西灣河搵食,今次約左朋友上去OFFICE傾野咁就順便買外賣上去一齊食啦撞岩下午茶時間,抵食好多,緊係叫茶餐啦同埋餐牌都有少少改動下午餐: 少爺燒鵝瀨粉$40 包飲品叉燒飯$35,燒腩飯$35,油雞米$35,大炸雞脾配沙律或薯條$34仲有西多士,咸牛肉炒蛋多士,都係$28同26蚊凍飲加3必食推薦燒鵝瀨粉,D粉吸曬鵝肉油香同上湯味,真係好味道如果食燒味飯又係抵食既,35蚊同平時一樣份量仲包飲品邪惡金蛋叉燒飯 $63下午茶燒鵝粉$40 +$8轉紅豆冰 AND 炸雞脾配牛油粟米 $34 +$5轉可樂燒鵝瀨粉,最貴就係食鵝肉,份量比得豪爽有足八件,仲仲配埋條油菜~灑埋D蔥蒜,成個味即刻更加香~瀨粉加鵝係無敵的組合~焗左一陣,D鵝油肉香滲曬入湯粉,成碗粉都好正食到淡淡煙燻味之餘,肉又夠多,骨細肉多~炸雞脾配牛油粟米店員講要等十分鐘,無所謂既,可以坐係度等,吹住冷氣都夠大隻,生炸既,個皮就無咁脆,但肉就真係啖啖肉,而且醃既味都幾濃雞脾仲界過幾刀,骨肉一咬就分離~沙律係牛油粟米,炒過牛油邪惡金蛋叉燒飯 $63原來係叉燒同炒蛋分上,我原本以為係叉燒炒蛋飯炒埋一齊咸蛋黃炒滑蛋+叉燒一份食落有咸蛋