極尚大瀛喜日本料理

Open Now

Now Closed

因為父親生日book咗七大一細食放題,一嚟到就食刺身,刺身質素都幾高,刺身蝦好爽,又有希靈魚,又有帶子,又有甜蝦同吞拿魚刺身,款式都好多.另外海膽手卷一口size都幾好,反而太大舊仲浪費,一口就啱曬!另外出面熟食自己攞嘅有個鱔魚都幾林嘅好食！另外下單熟食方面,羊架都幾好食,另外酒煮花螺同埋鮑魚都幾淋幾入味！另外牛舌串燒都幾好味！如果其中有人生日,佢地會送movenpick雪糕,有四款畀你揀,唔錯！

食放題一定要食一間有信心保證同質素好啲既，極尚大瀛喜真係成日都聽朋友講同介紹，個個都話好正，今日終於同友人黎一試真假！環境都幾大間，而且唔係得點紙既任食，仲有自助區，同埋真係好多人！剌身唔好見點解個盤得咁少剌身，因為同行友人已經食左第一round(第一張圖) ，而呢一盤只係叫左張紙剩餘既剌身種類。北寄貝，希靈魚同生蝦，肉質甘甜，肉質鮮美，口感極佳，味道清新。壽司香蔥拖羅蓉軍艦:呢個要特別一提，比較少見拖羅係剁成蓉配壽司上，呢點亦成為較可惜既一點，放入口好鬆散拖羅口感唔算特濃。蜜糖芥末大蝦卷: 正正常常，蜜糖芥末味道可以更加出，可以更好出。熟食雞軟骨，蟹粥，鹽燒海蝦，蒲燒鰻魚，芝士蘑菇釀雞翼，一口芝士。一口雞軟骨，相信大家都見怪不怪，有點兒可惜既係上碟個陣已經冧哂，調味亦略淡。蟹粥：相信用上花蟹但少少失望，因為隻蟹實在太細，而蟹味相比起其他放題餐廳提供的蟹粥較淡。鹽燒海蝦：一份有兩串既海蝦，蝦殻被滿滿既粗鹽包裹住，所以習慣用口剝蝦殻既就會覺得好咸，但蝦肉鮮甜。蒲燒鰻魚：相信港人對鰻魚既熱愛都唔洗多講，cheese 蘑菇釀雞翼，咬開入面有濃濃 cheese 香 蘑菇與cheese 比例 剛

食放題係為咗滿足心靈，任食嗰種唔怕食唔飽自己嘅安心感真係令我滿懷安慰所以又要食放題。呢間極尚大瀛喜裝潢真係夠曬高級，又光猛又多卡位坐得好舒服啲位好闊絡，約四五個朋友拆放題唔錯同朋友兩個人食，張枱都OK大一坐低劃完單，就躝出去睇自助區有咩食前菜真係好豐富，沙津，豆，青瓜茄子之類，乜都有仲有些少熟食，見到蛋撻真係心都離一離少啲忍耐力都驚自己響食物到之前食飽咗自己飲品區幾個大櫃嘅飲品都唔啱心水的話，仲有咖啡，橙汁，賓治，唔想飲凍飲，又有熱飲櫃體貼到眼濕濕刺身好快就上枱，三文魚都係腩位黎又厚又鮮，魚甘味豐富壽司類鹽燒三文魚腩，極尚三文魚腩，帆立貝壽司，醬燒極尚帝王蟹棒，蒜香牛肉，鹽燒左口裙邊帆立貝真係好大件好鮮，比起刺身更佳灼燒類壽司都好出色，燒得剛剛好，上枱時仲有微溫嘅口感燒紐西蘭香草羊鞍雖然不太羶，但肉嫩味香，再擠一點檸檬，值得一叫燒菠蘿好甜好厚好大件已encore了十多件炸物類榴槤炸彈同芝麻雞翼雞翼好多汁，亦好多油香口野從來令人難以抗拒雪花牛肉鍋食完咁多野，我地決定挑戰多個鍋甜豉油呢個汁真係好開胃，食完啲刺身壽司果類凍野，有啖熱湯放入口感覺非常良好甜品時間飽到乜都試唔到見到咁多款，有種無

極尚大瀛喜的食物選擇真的很多，就算連飲品選擇都係超級多。有幾個高過個人嘅凍飲櫃，啤酒汽水果茶樣樣齊！有室溫嘅罐裝飲品同埋熱水熱茶。另一邊有果汁同埋咖啡機。仲誇張到有埋熱飲櫃，淨係諗飲咩都諗到頭痛入座之後，店員會俾個QR Code俾你，用返佢哋集團嘅手機App就可以落單叫嘢食喇。全程自動化，唔洗舉手叫人，啱晒我哋呢啲毒L改用手機自助落單之後，落單更準確之餘，店員明顯有更多時間傳菜同埋清理枱面，無論上菜速度同埋收碟速度都提升咗好多，可以食得更多，更易回本！刺身拼盤新鮮，足料，寫幾多黎幾多，當中最推介嘅係帶子同埋俄羅斯甜蝦，鮮甜到不得了！回本首選，我哋兩條友足足嗌咗 5 Rounds 咁多燒牛舌牛味香濃，惹味非常！燒菠蘿另一必食推介！表面烤至微焦，內裡保留大量的甜美的果汁，要輕輕的咬，不然會爆汁！燒鰻魚全場最好食就係呢個燒鰻魚！醬汁濃郁，甜鮮味滿溢，魚身肥尾，魚油香濃，食極唔厭！我哋兩個人Total嗌咗差唔多30片⋯⋯食放題到最後，當然要去整返幾杯軟雪糕埋尾啦！午市放題每人$198，12點幾食到2點幾，可以食足兩個鐘，比晚市放題經濟得多，偶然放縰一下自己去暴食也不錯！

要跟東九龍區的吃貨們🐷聚會，當然二話不說地選了鄰近地鐵站🚉的日式放題🍣啦！這幢大廈內有很多的日式放題🍱，而今天晚上我們就選了5樓的這一家😌。一進餐廳，馬上有一種眼前一亮的感覺🤩！整個餐廳看起來很寬敞舒適😲，加上明亮柔和的燈光💡，沒有了跟一般放題餐廳帶來的壓迫感👍🏻。先去飲品區🥤走走，雪櫃內放了超過20款的飲品☕️，由茶類🍵、到果汁🍊、汽水🥤應有盡有。炸物區🍤當中，最受大家歡迎的當然就是章魚燒🐙了！刺生🐠一定是必食的！全部都很新鮮🤤，特別最愛的是油甘魚🐟，肉質鮮美，魚油甘香😋。還是點了幾件最愛的壽司🍣，每件份量都剛好一口的，不會覺得太膩👍🏻。熟食🍢方面亦極盡多元化：羊架🐑外層燒至微焦，肉嫩多汁😋；牛舌🐮口感爽嫩，油而不膩😍；芝麻雞翼🐣外皮酥脆，肉質嫩滑🤤。最後當然不能忘記甜品🍦！甜品區有多種甜點🍰可選擇，更有自助雪糕區🍦可自行加入喜愛的配料喔~總結：瘋狂的吃🐷、瘋狂的笑😂，又是一次大滿足的晚上💖。

呢日同男朋友嚟食放題極尚大瀛喜算係比較平但穩陣嘅選擇例牌叫咗燒菠蘿今次真係燒得好靚不過得個暖字比目魚西京燒平時一件都幾十蚊所以我地都食咗三件魚肉好滑 魚皮燒到好香脆個汁都唔錯刺身新鮮不過今次擺得有啲求其最好食係泰式生蝦帶子亦係一如往常好味天婦羅蝦炸粉好厚蝦冇咩甜味天婦羅美國蠔幾好 肉好厚身炸粉好薄鐘意蠔嘅最好揀呢個反而吉列蠔咬落去見唔到蠔中伏鰻魚玉子燒男朋友話麻麻之後幾輪我地都係叫燒鰻魚算價錢$188加一合理價錢

好耐冇食放題，又係同家人大食一餐嘅時間喇！一行入門口已經好驚喜，見有好多小食！有章魚丸，薯角，豬耳，沙律，雪糕，乳酪雪糕機等等⋯⋯真係見到都開心！不過後尾掛住食野，都好少行岀黎拎野食，淨係試左少部分咋😂章魚丸夠熱，個皮夠脆，職員換得好密，保持到食物水準👍仲有試左個湯，係蟲草花膠魚翅雞湯，聽個名好似好高級咁😂飲落好清甜，正！當然另外仲叫左其他野食啦😏個燒菠蘿夠哂甜，食落冇乜渣，表面微焦。湯烏冬好彈牙，湯底清甜，上到枱仲係好熱架。仲有放題必食嘅芝麻雞翼，個皮勁香口，咬落啲肉汁必哂岀黎，冇令我失望💋仲有試個蟹粥，煲得好綿☁