小曼谷泰國菜館

Open Now

Now Closed

搬咗入屯門兩年，都算係呢間餐廳嘅熟客仔，每個月最少都光顧一至兩次。每一次光顧，都總要揀啱時間，因為繁忙時間必定排長龍。呢間餐廳從來冇令我同老公同朋友們失望。雖然坐得不太舒適，但佢食物嘅質素好穩定，最緊要係價錢夠平，食物夠正宗，我哋試過嘅大部份食物都十分有水準。餐廳職員都係泰國人，服務不過不失。內部裝修雖不華麗，但很有泰國風味。我同老公同一位好友今次叫咗四個餸：香辣香草海鮮炒河（每次必叫）、豬肉生菜包、燒豬頸肉（每次必叫）同馬拉盞炒通菜。飲品叫咗椰青同龍眼冰。我哋都食得舔舔脷，雖然我們本來都唔肚餓，但都將食物全清。香辣香草海鮮炒河 $48 我同老公嘅最愛。辣味真係好香好開胃好惹味，好想知佢用咩辣醬！超正！不過大家有定心理準備，因為佢都真係幾辣，每次食都要不停飲嘢。燒豬頸肉 $45 肉質彈牙，燒烤味好香，辣醬是重點，好香好惹味，我老公仲會拎啲醬去撈飯。豬肉生菜包 $45 馬拉盞炒通菜 $45 肉碎味道出色，辣辣地酸酸地好開胃。馬拉盞好香，菜亦新鮮。椰青 $33 解辣必備龍眼冰 $18 味道香甜 （午市會送一細杯）屯門人氣泰國餐廳，必定會繼續支持！

今日入屯門揾朋友食飯, 傳說每個屯門友都一定食過呢間, 因為朋友推介所以泥試左淨係一入餐廳已經聞到好似番左泰國既東南亞味道🤩, 滿足左我旅行既感覺望下個meau, 價目唔算貴, 於是同友叫幾碟餸菜share食跟朋友叫左青咖喱飯, 豬頸肉同酸辣鳳爪小食, 冬蔭公湯, 感覺是完組合哈味道真的不錯! 每碟都大大份比我想像中多冬蔭公雖然睇落細細碗但好開胃豬頸肉食落口好爽鳳爪大份! 不過都幾辣下熱龍眼水稍為甜左d最後, 呢間餐廳真係無介紹錯!!!食咁多野同朋友都只係平均$100

雖然呢間泰國🇹🇭菜係屯門真係好出名，但住左咁耐屯門都無試過🙈今日咁岩有朋友入屯門玩，就帶佢地試試。我地約7點到，店門口已經有一大批人排隊等位，不過我地都算好彩等左15分鐘左右就入到👍🏼。黎之前有問過其他屯門牛有咩推介，佢就話馬拉盞通菜、生蝦刺身同炒金邊粉好食，所以我地今次都叫左佢推介既馬拉盞通菜同金邊粉，加燒豬頸肉、沙爹串燒（雞🐥、豬🐷）、菠蘿海鮮炒飯同炸蝦🍤餅，再每人一日椰青。最回味既係佢個蝦餅同通菜，兩個都好惹味，大家都食極唔停🤤。豬頸肉正正常常，不過溫馨提示，佢跟個醬都幾辣🌶，食唔到辣既朋友就唔好點咁多🙈金邊粉同炒飯就大失所望，兩個主菜上到台都已經凍曬🥺😢炒飯得幾粒菠蘿🍍，幾粒海鮮，好少肉鬆，又無咩味，個人覺得為食過而黎最唔好食既菠蘿炒飯🤭金邊粉又係凍既，不過味就還可，有埋檸檬🍋汁既話會更好。下次若要再試，可會避開人潮，期待會有熱騰騰既野食🥺不但CP值都可以既，我地4個人叫左咁多樣野都係每人$92（當中$40係因為個椰青），減返既話大約$50食到晚餐都幾平！

豬頸肉分量夠晒多，啱晒我哋班食肉獸外層燒到脆脆地，入面嘅肉質唔會太「鞋」再配埋個酸酸甜甜嘅醬汁，成個感覺好開胃🤪不過個醬汁都幾辣下，如果唔太食得辣嘅朋友仔就要注意啦.炒飯炒到好金黃雖然配料只有菠蘿、魷魚同蔬菜粒等等既簡單食材，但成個感覺夠曬fresh🌿再配埋面頭既肉鬆一齊食，味道層次更加豐富🥰.黃咖喱飯一如既往咁好食咖喱味夠晒香之餘，椰香都好夠而且係完全唔辣岩曬C小姐呢啲怕辣嘅人🙈.之前食過馬拉盞炒通菜覺得麻麻地所以今次就叫咗蝦醬炒通菜🙆🏻‍♀第一啖食落去唔會過份地鹹而且好重蝦醬既鹹香味同夠晒鑊氣.龍眼水夠曬滋潤而且熱度微溫，唔會好難入口食完熱氣野飲一流😋

今次嘅元朗一日遊，一早已經set左要黎小曼谷食泰菜，因為上星期媽咪帶左我地去間性價比好低嘅銅鑼灣泰菜，所以今次特登帶佢嚟食飯一餐真心令人滿足嘅泰國菜平衡返心理🤪🤪🤪 六點黎到已經係第二十張等枱，好彩turn over 快，佢哋上菜速度又高，所以等左45分鐘左右就入得。呢度出名平，再加上成間員工都係泰國人加持，只要唔係唔熟唔係難食，基本上都冇乜野可以挑剔👍🏻生蝦刺身：柚子大蝦沙律：個sauce 好味，有紅蝦仔好香燒豬頸肉：馬拉盞炒通菜：辣味青檸蒜頭芋頭：我諗全城最平係呢度😚炸蝦餅：串燒沙嗲：芒果白糯米：唔食黑糯米可以叫白糯米，調返轉唔食白可叫黑🤤 15蚊有呢個份量又有芒果做結尾，very good 🤣除咗以上嘅食物，另外裝帶咗個炒金邊粉，一碟乾炒牛河先至$39，基本上呢度食嘢唔使睇價錢，一人叫左一杯野飲，最後拎咗兩張$500只諗住買單，泰國姐姐見到，就話唔使$500😂😂😂😂 最後$528，媽咪最後笑住走😂😂😂是日任務大成功👏🏻👏🏻

小曼谷係我食過最好食既泰國菜，不過對上個次食已經係年幾前，個時小曼谷仲未轉位🤣🤣隔咁耐食今次食覺得仲好食左❤️❤️今次同朋友食叫左五碟送，分別係羊架、生蝦、咖哩軟殼蟹、馬拉盞通菜、燒豬頸肉，仲叫左杯龍眼冰。啲菜式上得好快，價錢同份量都好合比例，但略嫌店內既枱椅太多，環境有啲擠迫😂😂生蝦：啲蝦好肥美肉厚，夾嘛粒生蒜，再點甜酸醬，簡直一流🤤🤤豬頸肉：燒得香口，脆脆地，點嘛辣醬（唔食得辣既唔好點太多），好正😋😋羊架：第一次食，啲肉同肥膏好夾，肉好諗，肥膏入口即溶咁濟，超好味👅👅咖哩軟殼蟹：因為咖哩粉蟹太貴既原故，我地今次食住軟殼蟹先🤣咖哩同以往一樣出色，不過蟹就無咩肉啦😢馬拉盞通菜：一個字，好正❤️龍眼冰：超好味，龍眼好多💕💕

今日黎到屯門既小曼谷餐廳，對上一次黎已經係一年前，今次黎到，咁岩小曼谷搬左新鋪位，比以前大左，位置都係原本鋪位後一條街，見到最多人企左鋪頭出面果間一定係小曼谷，非常好搵。拎左飛之後，一直企左鋪頭門口等，呢間餐廳係不接受訂台，先到先得，差唔多等左45分鐘後，終於有台入座。望一望個餐牌，都有好多食物選擇，價錢算平，而且免加一服務費，性價比真係好高。最後我地一行3人點左冬蔭功、泰式炒金邊粉、明爐蒸烏頭魚、泰式粉絲什菜煲、馬拉盞炒通菜、泰式炒金邊粉、燒豬頸肉、串燒沙嗲雞、椰汁青咖哩豬。冬蔭功Small Size: 份量足夠3個人，味道唔太辣，而且配料好多明爐蒸烏頭魚：有3種醬汁可選，最後選左青檸味，夠酸好開胃泰式炒金邊粉：味道酸酸甜甜，不過覺得太乾身，無咩料椰汁青咖哩豬：好夠椰汁味，送白飯一流燒豬頸肉：如果無烤得太過，味道會更好馬拉盞炒通菜：味道唔錯，好入味泰式粉絲什菜煲：有四季豆、菇等等，底下有粉絲，都幾入味串燒沙嗲雞：雞肉都幾嫩滑，有咬口，點埋沙嗲汁一齊食，唔錯

一早已經聽過呢間餐廳 又平又高質 平時星期六日一定要等一小時以上 深受唔同地區人士熱愛 趁平日決定去試試😉 7點半入到去只坐滿了5成人 仲有唔少空位 但到8點已經爆哂人😲😲平日都咁爆真係好厲害！！==========🌟沙嗲串燒雞肉 $38竟然有6串😲😲😲 真係抵到你唔信 燒得好香 肉質好滑 點埋個沙嗲汁一流😍😘==========🌟餃子釀雞翼 $38 有3隻雞翼已經拆咗骨 只剩下雞翼尖的骨 喺雞翼入面釀咗餃子餡料 雞翼外皮香脆 美味 🍗 咬落啖啖餃子餡 好新鮮嘅配搭好好味😋😋😢==========🌟 椰汁黃咖哩牛肉 $42唔食得辣嘅我哋特登叫咗黃咖喱😂因為黃咖哩唔辣 另外仲有青咖哩紅咖哩可以選擇 估唔到咖哩係會配一碗白飯 咖哩味唔算超級濃 但椰汁味好重 非常惹味 仲一啲都唔辣 👍 但本身以為會有牛腩但原來只係牛肉有啲失望 但呢個價錢仲想點呀😂😂😂🌟香燒豬頸肉 $38咁大碟都係$38 去邊度搵😍😍 出面隨便一間都一定要60蚊以上 最重要係佢質素仲好高😋😎豬頸肉燒得香口惹味但仍然能鎖住肉汁😍😘 食落好香濃蜜汁味 唔似其他店豬頸肉燒到好乾身鞋口 真係要俾10分佢💕💕👍👍👍--

早以聽聞屯門的小曼谷泰國菜館價格平宜，每到晚市就人山人海。今日未夠7：00pm到達，幸好尚可即時入座。一進入餐館而且感覺到要速食嘅壓力，店員不停一檯客人離開後就立刻用即棄檯布包好垃圾後就入下一檯客，點菜更加是你點完唔覆一次就直接收餐牌走開。今次點了一份炸蝦餅，，一份燒豬頸肉，一個泰式炒貴刁及2枝青檸梳打，各樣食品的味道可以，反而最驚喜係青檸梳打係原枝泰國梳打水及一杯冰上，一枝可沖開2杯幾梳打，抵飲。整餐飯埋單都只係$150餘，果然以價格取勝，但要求服務及坐得舒適的話，可能要考慮下了。

週六晚上7pm來到屯門的小曼谷泰國美食，餐廳門前已企滿人候位。我們一行5人拿到54號號碼票，前面還有30多張號碼票，足見其受歡迎程度，我們等了大概一小時，終於可以入座。打開中、英、泰文對照的餐牌，難以置信定價如此低，半打沙嗲串燒才$38、午市海南雞飯才$34。我們一口氣點了許多食物，後來發現份量普遍較少，便加點再加點。份量少正合我意，可以多試幾款不同的菜式。泰式生蝦刺身是menu上沒有的，看見隔桌有點，我們便跟著點，生蝦新鮮，配酸辣的醬汁夠開胃。馬拉盞炒通菜($39)炒得有鑊氣，有別一般的馬拉盞味道，這個應該是加了魚露，甜甜的，微辣。燒豬頸肉($38)，外層燒得香，內裡的豬頸肉仍是嫩嫩的，惹味的醬汁是靈魂，把蘸滿醬汁的豬頸肉放進口，油脂滲出來，非常香。泰式炸蝦餅($42)十分十分十分彈牙，炸得香而不油膩，是每枱必點的小食，我喜歡蘸上很多酸甜醬同吃。辣椒香草肉碎炒飯($36)極為香口惹味，炒飯有鑊氣，而且粒粒分明。要注意的是，它的辣度，連平常以辣椒下飯的媽媽都覺得非常辣，但卻有魅力讓我們一口接一口的吃，辣得過癮。以下三款食物則略為遜色：椰汁黃咖哩雞($42，送白飯)富椰香，微辣，很下飯，

屯門泰國菜首選這間最小二星期就食一次,不過有時等位太耐啦多人食就鐘意買外賣,生蝦刺身不可以不吃蝦爽有小小甜味最重要係個辣汁一流,濕炒牛河份量太小河粉又炒唔散一餅餅好彩味道好,炸蝦餅夠彈牙但要熱食耐左會縮細又油又咬唔開,豬頸肉夠林都係個汁最重要,炒金邊粉味太淡又乾身,馬拉盞炒椰菜苗味道超GOOD但椰菜苗太老好硬,泰式炒芥蘭炒得夠鑊氣

生日飯突然想食泰國菜, 特登山長水遠黎屯門食, 為既就係呢度平靚正既泰國野!馬拉棧椰菜苗椰菜苗起廣東菜唔常見, 但泰國人就成日食, 呢度椰菜苗加左馬拉棧炒, 上枱時新鮮熱辣, 十分惹味, 食厭左馬拉棧通菜可以轉轉口味!青檸梳打好多香港既泰國餐廳用黃檸檬扮青檸, 真係豈又此理! 呢度正正常常用番泰國青檸, 配番原裝泰國梳打! 咁先似番啲樣!青咖哩雞除左雞之外加左豆角同細粒既泰國圓茄子, 配上白飯, 辣辣地開胃好送飯!燒豬頸肉豬頸肉新鮮熱辣, 配上特製酸辣汁好醒神開胃!串燒(豬牛雞)呢個就相對一般, 唔算好特別總括而言, 用心泰國菜館! 值得一食再食!!

星期日未到六點鐘到達 (六點鐘開晚市)，已經有人在門外排隊。六點鐘開始入座，剛好坐安排到位置，排在我們之後的人都要開始等號碼。提示：星期五六日晚市請早安排朋友等號碼菜色方面，提供基本泰國菜應該有的菜色，咖哩蟹，冬陰公等等。。。沒有特別創新的菜色。價錢方式算相宜，但餐廳放太多人，出入上菜路太少，肥一點點進出有點困難，基本上大家都是坐背對背，十分親密（如果你想親近一下你的鄰居）。裝修略舊。所點菜色: 咖哩牛腩, 串燒, 泰式沙拉, 冬陰公, 炸蝦餅, 燒豬頸肉, 芒果黑糯米可能是第一批人入座，等待上菜時間略長，上菜裝飾擺盤粗糙，買相中下。咖哩牛腩一般，咖哩沒有辣味，牛腩太少，味道尚可軟硬適中。串燒（牛豬雞）：尚算鬆軟，味道適中，但沒有燒烤味。泰式沙拉：比想像中好，有柚子，味道清新，如果以炒青菜及泰式沙拉選一樣，泰式沙拉可以一試。冬陰公：略清淡，味道尚算中上，咸酸適中，值得推介。蝦餅買相粗糙，蝦餅像蝦球，但剛上鍋，熱騰騰，有蝦味，彈牙，值得推介。燒豬頸肉買相粗糙，肉鬆軟有燒烤味，點上特別辣味汁料，味道凸出，值得推介。芒果糯米飯：芒果甜，糯米飯甜味適中，一人份量，剛剛好，可以一試。總結：以屯門

小曼谷其實都食咗好多次，亦都次次要等好耐，對於我同大少呢啲好憎等位嘅人嚟講，佢係絕對有等位嘅價值，雖然坐就坐得迫啲，但係最緊要食物好食，間食店幾大、坐得幾舒服都好，唔好食都冇用喇係唔係﹖泰式生蝦刺身 - 去到任何一間泰國食店，一定要食佢個生蝦刺身先安落，小曼谷更加唔例外喇，佢呢間個酸辣汁一流，而且啲蝦好新鮮，連平時成日話可唔可以唔叫生蝦嘅大少，今次都無反對，可想而知，呢間個生蝦一定係好得燒豬頸肉 - 佢個汁又係唔知點解會咁好味，但係……我就比較鍾意沾刺身嗰個酸辣汁，硬係覺得佢可以同好多泰式美食好夾泰式乾炒牛河 - 我本來要濕炒，但係大少話炒河梗係要乾炒喇，濕邊好食架，OK，無所謂，最緊要好食嘅者，我乾定濕無乜所謂，點知，嚟到，我諗中式好多酒樓負責炒乾炒牛河嘅廚師，你地可以收皮，因為真係完全冇得比，酒樓、茶記嗰啲，食緊都見佢成碟油，呢個雖然睇到佢唔係乾身，都係令立立，但係至少，食到底，啲油都未及港式嗰啲3份1春卷 - 基本上，我地食泰式、越式，大少都好鍾意叫春卷，唔知點解，我其實就麻麻地，點解﹖因為唔特別嘛~~鹹魚椰菜苗 - 唔知點解我真係好鍾意食椰菜苗，呢個基本上可以變咗我去泰式食店必

今日係星期六 , 特登約埋三五知己去小曼谷食晚飯 , 因為可以叫多d野食呀嘛 , 我地一共有5個大人 , 1個小朋友 其實我去小曼谷已經去左多多年 , 1 年都最小去5次 , 但係寫食評真係第一次 , 今次食既野係全讚 由於小曼谷實在太多太多太多人喇 , 所以我一家三口首先到場 , 當時係下午5點45分乍 , 門口已經有部份人排定隊入去喇 , 但係小曼谷係六點先開門架 , 咁老闆都好好早左放我地入去 天氣太熱喇 , 我地一坐落黎 , 第一時間叫野飲先呀 , 我就叫左西瓜冰 , 老婆就叫左龍眼冰 (龍眼冰黎講小曼谷係好好飲) , 以前仲係細舗時間 , 龍眼冰係送架 , 不過係每人限一杯 , 送完即止 每次去小曼谷都會先叫例牌野先 生蝦刺身 , 只可以用3個字形容 , "平靚正" , 我地叫左兩碟 蒜溶炒椰菜苗 , 由於有小朋友關係 , 所以要清小小 , 都好好味架 燒豬頸肉 , 呢個都應該都算係推介之一 , 唯獨係水準就一時時燒羊架 , 好有羊味 , 小小酥味 , 好好味燒烏頭魚 , 呢個絕對係推介呀 , 水準保持得十分好 , 每次去食都係有讚無彈 , 食開明爐魚既朋友 , 可以試