東海薈 (北京道1號) (Closed)

忙咗幾個月終於，有一日放假啦。好耐冇同阿媽出街食飯。咁就想去食個下午茶， 阿媽只係鍾意食中菜。 想搵個地方靜靜地傾下計，又可以有海景睇，食完飯仲可以有街行下，咁梗係揀尖沙咀啦。 跟住同事就介紹去北京道一號。上次佢食過都好ok呀，價錢好合理。跟住我就上網訂枱，原來係openrice訂枱仲有85折。我book左1:45,咁樣就唔使同人逼lunch hour 啦。個環境係幾好㗎喎，全落地玻璃睇到出面270度海景。我坐嗰張枱就睇住尖沙咀文化中心。 嗰日天氣好好，陽光照入嚟，好舒服！最後食埋單都唔使300蚊已，環境好，嘢食好精緻。 我下次放假都會再嚟攞。