東海薈 (北京道1號) (Closed)

之前試左第二間既大閘蟹放題唔掂，今晚同幾個朋友再戰大閘蟹套餐順嫂魚羮好味，夠熱，入口滑溜蟹粉小籠包唔太覺得有食到蟹粒既感覺醉雞唔太醉，無咩酒味，雞亦無咩雞味，應該係冰鮮雞大閘蟹唔太爆膏，無好香既蟹糕味，仲有一隻壞既，好彩店員都肯換一口牛，牛肉肉質可以，都有牛味，但個炸蒜唔脆既浸菜苗，清清地，正常發揮，無咩特別另外加錢食既叉燒，呢個叉燒超好食，夠熱，肉質夠林好好食，大家都讚不絕口，個蝦唔新鮮，肉質唔彈牙無鮮味個餐仲有個烏冬包，但我地想食糯米飯，好彩店員話可以轉，糯米飯都好食👍🏻薑湯湯圓正常發揮

同同事食$398一位的大閘蟹餐，係因為同事之前食過，都覺得不錯。餐包左每人都兩隻蟹，好過大量流行的大閘蟹放題。野食黎得快，一邊吃一邊有餸上枱。蟹今年都不錯，有不少膏，亦鮮味十足。估不到係牛柳粒，茄汁蝦等都好味😋一邊食，一邊看海景，晚上夜景加美食，都令同事們好滿足。去到糯米飯，湯丸都令我地好飽滿足地離開。比起放題，不用擔心質素，食蟹係要慢慢食，急唔黎，套餐相對性價比十足，慢慢食，認真拆蟹真開心🥳

19/11夜晚，第一次嚟呢間食大閘蟹餐，真係去咗一間服務差得嚟又奇怪嘅餐廳，真係去咗咁多間餐廳從冇見過呢個情況。我哋食緊蟹嘅時候，傳菜員把一碟茄汁大花蝦送到我哋台面，過咗大概5分鐘，突然有個男部長攞住碟及筷子走過嚟，話俾多咗只蝦，要拎走一隻，隨即就夾走咗，我哋全部人見到都好愕然，真係從冇見過呢種情況，碟蝦已經擺咗係我哋張台一段時間，同埋真的確保我哋冇食過碟嘢嗎？雖然蝦數冇少，但或者我哋食過啲汁而你唔知，而佢夾走嘅嗰隻蝦，或許已分發到另一台，好唔衛生啫。同埋裝蟹殼嗰隻碟，滿咗啲服務員會收，但又唔俾番隻新嘅返嚟，搞到食緊蟹冇得裝殼，次次都要問佢攞，濕紙巾又剩係俾得一張，食蟹一張根本唔夠用，冇水冇茶，個壺蓋揭開咗好耐都冇人嚟斟。至於啲食物，啲大閘蟹唔大隻，最主要蟹膏超少，蟹無咩味道，濃湯菜苗其實系白菜仔幾棵，其他餸都麻麻。總括，佢呢個夾走蝦的過程，真係令我哋全部人＂長知識＂，真係經典，同埋嚟咗一次，唔會再有第二次。

很期待吃大閘蟹，叫了$2388六人餐，超級失望。一人兩隻蟹，唔大隻，蟹糕唔多，蟹完全沒有味！未試過吃大閘蟹可以冇味！全個套餐其他食物也很難吃😭茄汁大花蝦一啲都唔大，同埋蝦肉一啲蝦味都冇😨酸辣肉醬手打烏東仲衰過茶餐廳雪菜肉絲米。牛柳粒唔知用左幾多梳打粉醃，個質感成舊膠咁，難食過花園餐廳鐵板餐嘅牛扒，冇牛味可言。濃湯菜苗講就好聽竟然係白菜仔😖連湯圓個薑湯都可以淡如水。真的唔使錢都不要來😑嚇死人😰唔怪得一打嚟就有位，完全中伏😭好少寫食評都忍唔住要寫咁大段！真係唔想有人再中招！🥺

剛食完大閘蟹，拿拿聲岀番先🤭我地點了兩個大閘蟹盛宴套餐$1688x2，八點入座有七五折。籠仔蒸大閘蟹每人有兩隻公蟹，餐牌寫話每隻有五両，我覺得四半應該係有嘅。上年係另一分店食，係食完一隻再上另一隻，唔知今年係咪全部分店統一，費事送兩轉蟹，八隻蟹一次過拎嚟，所以食第二隻嘅時候已經放涼了🙃，其實已經影響左食物嘅味道同口感😒食大閘蟹重點當然係蟹膏啦，唔算爆膏，膏呈淡橙黃色，透明白色嘅膏亦少，所以沒有黏口嘅感覺，蟹膏甘香味唔太濃，同期待嘅有岀入，但都新鮮冇苦味，可能要十一月啲蟹先會靚啲？蟹肉都結實新鮮，蘸上蟹醋，幾好食。極品花雕醉雞 半隻雞肉尚算嫩滑，但酒味唔太濃。京滬順嫂魚羹熱辣辣，濃稠度適中，入口順滑，有蛋花，荀絲，木耳絲，魚🐟肉絲，火腿絲。蟹🦀️粉小籠包小籠包個皮超級厚，蟹粉味唔岀，亦都冇湯汁，偏乾，似係🐽肉小籠包🤔。整個餐最差係呢樣😩蒜片安格斯牛柳粒🐮牛肉軟腍，有牛味，炒得惹味。茄汁煎大花蝦🦐個汁夠濃，酸酸地幾開胃。蝦🦐亦好大隻兼爽口。濃雞湯千層菜苗🥬係白菜，都翠嫩。酸辣肉燥手打烏冬🍜我想食烏冬，但呢個唔係烏冬，係普通嘅白色麵，質地爽滑但唔煙韌，而且個湯唔係酸辣，係冇味😩，呢個真係唔合格

今日同朋友去東海薈中午飲茶，場地紫色簡約為主，感覺舒適。這裡的景觀開揚，每張枱之間有適當距離，可以舒適地欣賞維港景色。我們點了晶瑩蝦餃，蟹皇燒賣，東海小籠包，脆皮咸水角，黑醋咕嚕肉和瑤柱蛋白炒飯，這𥚃的食物質素令我們感到驚喜。蟹皇燒賣比其他連鎖店較大粒，肉質嫩滑，頂上的蟹子令燒賣增添口感。東海小籠包和晶瑩蝦餃都唔錯。但最令人難忘的是黑醋咕嚕肉。黑醋咕嚕肉的賣相精緻吸引，味道驚喜，皮脆鬆軟，以黑碟相伴令菜式相輝映。另外，瑤柱蛋白炒飯亦值得一讚，每粒炒飯分明，炒飯入口不油膩，瑤柱和蛋白跟飯的配合，味道剛好，不會太鹹，老人家都適合。整理而言，整體食物和環境都非常滿意。

招待處接待大話連篇，問招待處可否等海景位，他們不話二説，不知道等幾耐，我話等，佢又話又有人訂，跟住坐低非海景位，所有不知是否有沒有訂枱客，都可以去坐海景位，只祇一次。不需再試，服務劣

食到一肚氣真係想講粗口半隻片皮鴨只有12片，刀工簡直係精湛所以想表揚一番，究竟係咪當左我係國內人係咁掠水，以後唔使旨意我會再去幫襯，而家咁嘅市度仲要做到咁差。😤😤😤

冬至不能外出吃飯，最好訂個盤菜同家人分享。全家一致認為東海這個盤菜好好味，係每樣餸都好味，暫時係食過最正同食無剩既盤菜。6人份的盤菜不算大盤，如果好似我家咁大食既，建議訂8-10人份。鮑魚、大蝦、花菇好味，但一般貴盤菜都會有，想讚的是扣肉及釀鯪魚，唔係個個盤菜都整得咁好味，扣肉仲要唔肥兼彈牙。燒味有燒鴨、雞，下層有花膠、支竹、豬皮、芋頭(入曬味)、蘿蔔...吃完盤菜可以用埋湯汁自加生菜及米粉，汁唔咸，菜同米粉索曬汁一流。最後蒸埋壽包，完美的冬至晚餐。

星期一至四仲有75折，雖大約4両，但膏亦不錯都算多，介绍下大閘蟹餐包什麼先：清蒸大閘蟹 2隻公 以此價錢京滬宋嫂魚羮 品道幾好蟹粉小籠包 2件 蟹粉都多，單點38元一件美極煎大花蝦1隻 很好味，大隻肉爽口濃雞湯千層菜苗 可以酸辣肉燥手打烏冬 可以薑茶湯圓 薑味十足📍打了折後，$716/兩位，因有加一及茶芥類，但此價是絕對經濟，還有無敵海景。此餐會去到12月中呀！

今日去北京道1號東海薈飲茶。可以逐隻點點心，款式可以吃多一點. 可以係一個賣點景觀好靚,無敵海景遠望灣仔會展。不過點心質素大部份都冇乜水準。比較出色好味嘅係潤腸卷，脆皮叉燒包，同埋糯米包。可能包點比較出色😋燒賣，乾蒸牛肉，炸芋角，水晶包就好一般。但係最差係蝦餃，好唔新鮮, 而牛肉腸實在差到離晒譜，仲衰過啲地痞酒樓。埋單要$315。平均每位消費$157.5一位，咁嘅質素絕對唔值得咁嘅價錢所以都冇下次！

大閘蟹季節到了，今次同家人去東海薈食大閘蟹套餐，這個套餐包兩隻足五兩大閘蟹，價錢是$398，星期一至四有75折，折後三百元，真的抵食。首先送上「宋嫂魚羹」，魚羹做得不錯，啖啖魚肉，令魚羮鮮甜入味。之後送上每一兩粒「蟹粉小籠包」，廚師绝對不吝备，兩粒大大小籠包，裏面放了滿滿蟹粉，其他酒樓的大閘蟹套餐，只得一粒，食一粒真的不夠喉，食兩粒就覺得滋味滿足。到主角出場，每人先上第一隻蟹，讓你食完第一隻後，再上第二蟹，十分細心，我們一行七人，每一隻蟹都爆膏，啖啖蟹膏像漿糊似的漿著你的嘴巴，十分過癮。食完蟹後，便上「美極煎大蝦」，好大隻蝦，蝦肉彈牙新鮮，十分惹味。然後送上「濃鷄湯千層菜苗」，千層腐竹吸收了濃雞湯，非常入味。跟著送上「酸辣肉燥手打烏冬」，賣相不討好，但入口出奇地好食，酸辣湯底配肉燥效果非常之好味。最後送上「薑茶芝麻湯圓」，有三粒湯圓，薑茶略嫌淡咪。總括來講，這個大閘蟹套餐份量足夠，菜式美味，以$300這個價錢絕對抵食，一定不會令你失望。

又到咗一年一度食大閘蟹的季節, 友人上網見到東海有大閘蟹盛宴, 仲要平日有75折, 真係要立刻訂位應下節我們一行四人訂了大閘蟹盛宴盛宴包括每人有兩隻大閘蟹，蟹膏夠香，而且蟹腳都幾多蟹肉不錯，大閘蟹嘅大細都好適中除了大閘蟹外，套餐還包幾道菜，個人幾喜歡食蟹粉小籠包（每人包一籠兩個）蟹粉豐富，小龍包皮薄，不過侍應上菜好急，所以真係要趁熱食。其餘還有，京滬宋嫂魚羹、京式片皮鴨、濃雞湯千層菜苗、羊城獅子頭、美極煎大蝦、酸辣肉燥手打烏冬，最後一碗熱薑湯丸。目測大家都係為大閘蟹而來，所以侍應上套餐都有些急趕，好多餸菜吃不切，已經又再上另一道菜，當要吃時餸菜就不夠熱了

講咗好耐嘅 #大閘蟹宴，琴晚終於成行🤤 為咗要攞到個75折，我哋先約喺 #尖沙咀 四周圍行吓，等到八點先入座😅 不過呢連續落咗幾日水，仲要拎住包幾磅重嘅游水衫行來行去，真係有啲虛脫😅 食咗個茶餐、飲咗一大支水後，似乎有好咗啲😉 行咗一陣藥妝，仲可以去埋 #K11 MUSEA 影相😚 證明我都未老得晒💪🏻 快閃 #崇光百貨，時間啱啱好🤩嚟到 #北京道1號 #東海薈 門口，已經有班人同我哋一樣等緊八點入座，不過比起往年生意真係淡咗好多🤔 坐低無幾耐，#侍應姐姐 好熟手咁幫我哋擺好哂 #大閘蟹套餐 嘅用具，冇幾耐第一道 #宋嫂魚羹 已經嚟到我哋面前，味道冇乜特別、只係覺得有啲魚腥😅 再嚟嘅係喺 #蟹粉小籠包，可能因為我掛住影相，擺落口嗰時已經唔係太熱，不過啲 #湯汁 連埋 #蟹粉 都幾鮮味🤤 主角 #大閘蟹 終於出場，size唔太大，不過 #蟹公 都算幾多羔，但係師傅控制火候似乎出咗問題，蒸到啲 #蟹腳 同 #蟹鉗 有部份都甩晒落嚟，有啲失真😕 只係我哋食得太慢，定係師傅趕住收工，#美極煎大花蝦、#濃雞湯千層菜苗、#酸辣肉操手打烏冬，第

.大閘蟹的季節來了🦀🍂細細聲同大家講...其實我咁大個人未試過完整食過一隻蟹因為總覺得拆蟹太麻煩所以通常食完個蟹蓋就將其他部份俾人🤣不過今次為左大閘蟹我成功技能解鎖！濃厚鮮甜的蟹膏真係好正好綿好creamy～幸福感暴升💕🆙今次我地食的係「大閘蟹·盛宴」菜單超級豐富！星期一至四惠顧更可享有75折🔸清蒸大閘蟹(每位兩隻)🔸京滬宋嫂魚羹🔸京式片皮鴨🔸鮮味蟹粉小籠包(8隻)🔸羊城獅子頭🔸美極煎大花蝦🔸濃雞湯千層菜苗🔸酸辣肉燥手打烏冬🔸薑茶湯圓