Read full review
2022-10-07
696 views
呢間元朗人氣點心小店,食物出色,裝修有特色,賣點係老香港情懷,假日閑閑地要等個半鐘至兩個鐘。今次閑日下午2點去到,唸住過咗繁忙時間唔使等咁耐,但都等咗35分鐘。不過據聞茶居會擴充,攞埋隔離鋪位,10月尾裝修完,希望到時等位唔使咁耐。一般茶樓飲傳統中式茶,但呢度可以叫奶茶、檸檬茶,我哋揀咗中式茶。我哋3個人有細路,點咗5個點心。*****炸雲吞細路鐘意食,每次嚟老馮都必點,炸得好脆,蝦好大隻,爽脆滑嫩,正!****叉燒腸皮薄餡靚,腸粉滑捋捋,叉燒好重料,腸粉身形肥嘟嘟,咬落去好有滿足感。****牛柏葉好入味,好爽口,冇其他豆卜、蘿蔔配料墊底,成碟都係牛柏葉,誠意又老實。**燒賣正正常常,唔算有驚喜。***魷香肉餅飯即叫即蒸,等咗25分鐘先上,飯加咗豬油,好香,好味!但唔記得影相。😅因為趕時間,肉餅飯食唔晒,要打包。提醒一下,打包點心盒size好細,1蚊1個,如果唸住打包,可能要用幾個盒。建議自帶餐盒,支持環保。
今次閑日下午2點去到,唸住過咗繁忙時間唔使等咁耐,但都等咗35分鐘。
不過據聞茶居會擴充,攞埋隔離鋪位,10月尾裝修完,希望到時等位唔使咁耐。
一般茶樓飲傳統中式茶,但呢度可以叫奶茶、檸檬茶,我哋揀咗中式茶。
我哋3個人有細路,點咗5個點心。
*****炸雲吞
細路鐘意食,每次嚟老馮都必點,炸得好脆,蝦好大隻,爽脆滑嫩,正!
****叉燒腸
皮薄餡靚,腸粉滑捋捋,叉燒好重料,腸粉身形肥嘟嘟,咬落去好有滿足感。
****牛柏葉
好入味,好爽口,冇其他豆卜、蘿蔔配料墊底,成碟都係牛柏葉,誠意又老實。
**燒賣
正正常常,唔算有驚喜。
***魷香肉餅飯
即叫即蒸,等咗25分鐘先上,飯加咗豬油,好香,好味!但唔記得影相。😅
因為趕時間,肉餅飯食唔晒,要打包。
提醒一下,打包點心盒size好細,1蚊1個,如果唸住打包,可能要用幾個盒。建議自帶餐盒,支持環保。
Post