勝興茶室

Open Now

Now Closed

假日入到嚟坪洲，第一時間去搵食，見到依間懷舊手推車點心，就入去試試啦！排左十幾分鐘就有位，周圍望望就叫左 以下點心。腸粉好一般，唔係即叫即蒸，應該放左一排，腸粉已經黏住哂。燒賣都ok,肉汁juicy , 夠新鮮見到牆身貼左依個桂花卷，個名幾好聽就叫左嚟試。原來係腐皮包住桂花魚肉，味道麻麻，又唔夠香脆。不用試。最後主角壓軸，燒腩卷。好味，出面少見，搵番懷舊嘅味道，正！另外，點心姐姐都好熱情咁推車仔sell 點心，想試下推車仔點心都可以試下嘅.....

呢日嚟到寧靜嘅坪洲隨意逛逛大街小巷。肚餓了，經過呢間舊式酒樓，地方不太大，嚟到座位已經FULL哂，幸好等咗五分鐘左右，就比我哋霸到位。呢度啲姐姐雖然一腳踏，推車仔、埋單、拎茶等等都係一個做，雖然好忙，但佢哋都好NICE，一叫即幫忙～呢度好多點心都好吸引，見到好多好耐無食過嘅舊式點心呀！其實我哋叫咗好多點心，但因為太肚餓，無逐碟影～ ：P燒賣相反比較普通潮式魚蛋簡直喜出望外！原來係人手打自家製架！大大粒頗彈牙，必試！五香荔芋燒腩卷已經好少茶樓有喇！大大個包，呢個只係剪開一半嘅份量！足料！有啲似越式春卷，內有豬肉和芋頭，好脆唔太油！推介：五香荔芋燒腩卷、蓮蓉包（我食到有蓮子碎架！）、勝興魚蛋、糯米包（黃色薄皮包住糯米，已經好少地方有得食）、春卷！食到飽飽，只是每人約五十元左右，抵呀！