唐記包點 (堅拿道西)

Open Now

Now Closed

早幾日同個同事因為要趕project齊齊係舖頭OT我地做到9:00幾突然肚餓即刻諗食咩呢個時間一定要揀快靚正最好係可以一件件一放入口就繼續做野突然諗到唐記包點👍🏻👍🏻點心一向幾好味啱曬呢刻嘅我地因為夜咗選擇少咗冇我平時最鍾意食嘅金錢肚今日我地就揀咗燒賣燒賣大大粒唔會有一粒粒嘅肥豬肉但都好香仲有呢個足料原粒鵪鶉蛋燒賣都係個好好嘅選擇雞扎係同事揀嘅估唔到平時唔食雞扎嘅我都覺得好好味又足料囉我地仲叫咗鮮竹卷啲汁配埋好好味足料啖啖餡👍🏻👍🏻唐記仲出咗飲品同事飲奶茶我飲豆漿同事話支奶茶幾出色而我支豆漿都好滑唔會太甜👍🏻

銅鑼灣堅拿道唐記，就在鵝頸橋天橋底， -放工 等巴士 見肚餓， 初頭諗住淨係買個包， 諗諗下不如買埋飯返屋企食，飯都唔使煮， 如是者就買咗兩個飯 加埋啲點心，咁就餵飽左3個人。-不得不提的是銅鑼灣唐記有 蒸飯加點心 套餐賣， 兩樣加埋一齊都只係36蚊，抵食。-章魚肉餅飯章魚肉餅大大件， 章魚加馬蹄撈晒落豬肉餅裏面， 口感一流，勁爽。- 白飯夠大碗， 最重要係仲有椰菜附送， 唔怕冇纖維。-燒賣燒賣係豬肉燒賣，大大粒， 肥肉同瘦肉比例均勻， 不會太肥。-另外一個套餐叫了雞蛋牛肉飯和 鮮竹卷牛肉是山竹牛肉， 滿足了夜媽媽仲想飲茶的我， 雞蛋煎得燶邊，簡簡單單著實不錯。-鮮竹卷有三大件， 裏面材料紮實，有豬肉有木耳有蘿蔔，抵食夾大件。---另外仲叫了三個凍包 打算第二天做早餐，叉燒包不會太多肥肉，糯米卷材料豐富， 糯米有臘肉的鹹香 ，- 香菇雞包有木耳有雞，是愛肉人士必點之選， 三個包材料豐富，只係6蚊個， 著實抵食。最後見天橋底等巴士熱到成身大汗，就買了支黑芝麻豆漿，解暑之餘又充滿豆香味，濃郁之選，不錯。

今晚冇煮飯，買咗一堆唐記外賣返屋企，包括兩個蒸飯套餐， $36有一個蒸飯+1個點心，我覺得好抵。另外，$18有3個蒸包，見到佢有牛肉煎包又買咗一個試吓，阿女鍾意飲豆漿又買咗支俾佢，四個人嘅晚餐都只係104.5蚊，其實都好抵食。試咗佢新嘅梅菜肉餅飯，唔會太鹹，味道剛剛好。另外，北菇蒸雞飯啲雞都蒸得好滑，不過啲雞有骨，老公話咁樣代表係鮮雞。蒸包就買咗熱賣嘅菜肉包、奶皇包和香芋包，菜肉包都OK，連阿女平時唔鍾意食嘅佢都話好食，奶皇包就好有奶黃味，好足料！香芋包都有好香濃嘅芋頭味，真係好似食緊芋頭咁，阿女食得好開心。佢個包底張紙，仲會印着係乜嘢包，唔怕撈亂，非常好嘅設計。而且原來仲可以選擇凍包，如果唔係即刻食嘅朋友，買凍包返去蒸，就唔怕淋晒啦。點心包括燒賣及雞扎，當然無得輸！很好吃！豆漿都唔錯，有豆香味，佢寫住用加拿大黃豆製造，飲得放心！我知道唐記支持環保，今次都有帶盒走塑，不過買得太多裝唔哂！大家都記得帶拿去外賣呀！