唐記包點 (堅拿道西)

Open Now

Now Closed

銅鑼灣堅拿道唐記，就在鵝頸橋天橋底， -放工 等巴士 見肚餓， 初頭諗住淨係買個包， 諗諗下不如買埋飯返屋企食，飯都唔使煮， 如是者就買咗兩個飯 加埋啲點心，咁就餵飽左3個人。-不得不提的是銅鑼灣唐記有 蒸飯加點心 套餐賣， 兩樣加埋一齊都只係36蚊，抵食。-章魚肉餅飯章魚肉餅大大件， 章魚加馬蹄撈晒落豬肉餅裏面， 口感一流，勁爽。- 白飯夠大碗， 最重要係仲有椰菜附送， 唔怕冇纖維。-燒賣燒賣係豬肉燒賣，大大粒， 肥肉同瘦肉比例均勻， 不會太肥。-另外一個套餐叫了雞蛋牛肉飯和 鮮竹卷牛肉是山竹牛肉， 滿足了夜媽媽仲想飲茶的我， 雞蛋煎得燶邊，簡簡單單著實不錯。-鮮竹卷有三大件， 裏面材料紮實，有豬肉有木耳有蘿蔔，抵食夾大件。---另外仲叫了三個凍包 打算第二天做早餐，叉燒包不會太多肥肉，糯米卷材料豐富， 糯米有臘肉的鹹香 ，- 香菇雞包有木耳有雞，是愛肉人士必點之選， 三個包材料豐富，只係6蚊個， 著實抵食。最後見天橋底等巴士熱到成身大汗，就買了支黑芝麻豆漿，解暑之餘又充滿豆香味，濃郁之選，不錯。