薔紅

Open Now

Now Closed

Lunch time入到灣仔薔紅，10個有8個都係食緊燒雞🐔，就知呢度個燒雞餐係必食！$88半隻脆皮燒雞，可以跟飯/茄汁意粉/薯條，落單唔夠5分鐘就有得食。雖然有刀叉，但係點都係用手撕過癮啲🤪，第一時間撕開個髀位係勁多汁，搞到我掛住食都唔記得要影低😅。佢完全做到皮脆肉嫩嘅效果，就算雞胸部位都唔覺得嚡。另外本身隻雞就咁食都好夠味，可以點吓甜酸醬，但係准鹽就唔洗試喇！薯條係港式茶記嘅粗曲薯條，都炸得好好味，一個人食呢個燒雞餐真係飽到上心口😋。據聞西多都係呢度嘅名物，下次要下午茶時間嚟試一試先。