大助燒肉專門店

Open Now

Now Closed

幾年前經朋友介紹呢間日式燒肉店，食過一次之後，變咗我同朋友固定gathering 嘅地方。每次嚟我哋都係嗌同一個餐 - 美國Prime牛盛呢個set 有西冷，肉眼，牛腹肉，牛舌，牛肋骨，粟米同冬菇，再包兩個燒飯團，湯同沙律。講就話二人前，其實三個人食都夠。如果唔夠可以追加刺身。啲肉質好厚，本身已經好夠味，唔需要特別點汁。跟餐燒飯團脆卜卜好好食，再放上爐燒一燒仲正。總括嚟講，呢度環境乾淨，燒肉性價比高，侍應服務都非常好。

唔係第一次嚟食大助，不過隔咗好耐冇食過了，今次特登帶屋企人嚟食，驚要排隊仲特登bk定位。有幾個set，有和牛有海鮮，包麵豉湯、飯團/飯，可加錢配刺身/生蠔，不過呢晚話生蠔賣晒。佢每個餐係for二人前，我哋4個人叫咗2個餐，不過其實唔算好飽，大食啲嘅一人叫一個都得。跟餐嘅蔬菜，有粟米同冬菇，都好甜跟餐嘅麵豉湯跟餐嘅燒飯團再放落爐燒下，脆卜卜好好食跟餐加+$108有一客四品刺身，加咗兩份有三文魚、油甘魚、帶子、北寄貝、蝦(唔知點解有5樣嘢)全部都好鮮甜，有魚香味，帶子鮮甜，北寄貝爽口，蝦都唔腥，刺身不算太薄美國prime牛盛 二人前 $650其實一個人都絕對食得晒呢碟肉~有prime西冷、prime肉眼、美國頂級霜降牛腹肉、鹽燒牛舌、頂級牛肋骨啲肉幾厚身唔會太薄，唔會有未溶雪硬晒嘅現象本身肉味濃，唔洗點調味料都得，如果要點，有燒肉汁、檸檬汁、鹽提供，點少少鹽好食啲味道出啲特選大助盛 二人前 $750有和牛小排、prime西冷、帆立貝、南非鮑魚、濃本羊架、天然雞腿肉、黑豚梅肉帆立貝幾鮮甜，鮑魚都彈牙，其他肉都好香

日本人對食，唔只當係文化，簡直係一種藝術。對每種事都希望做到最好，而服務以及對客人的態度尤其重視。可能有人會話，這裏係香港又唔係日本，食物好食就得啦！對唔住，我不能認同，因為這樣的日本菜只能話係港式似日本菜的三不像，完全沒有日本菜的神髓。言歸正傳, 既然講左成段我對日本菜的理念，就先試下服務這一環，一入到去見有張榻榻米埋緊單，就同老細講二位要坐榻榻米，點知佢話今晚人多，末能安排，問我坐Bar枱好唔好，我見其實客都係得七八成滿，見佢無乜誠意待客，就話唔想坐Bar 枱，佢又無其他野講，所以轉身就走出門口，無人留我wor。其實今日專登過來試菜，繼續做『食探』，又點會走，出到去，轉個圈又入返去，老細見狀，又話有另外一張枱，不過都係無榻榻米，今次係有D誠意，但係老實講，末食已令食客印象唔好，就算食物再好，今次的dining experience 都已被破壞， 最後我們都做個好食客，乖乖地坐在Bar枱。 (不過最嬲都係發現榻榻米給另外二人坐了, 真係服務扣晒分！！！)到食物，兩個人叫左牛肋骨、厚牛舌、南非鮑魚、清酒煮蛤、吉烈蠔和燒飯團牛肋骨，分量尚算足夠，但牛味淡同無肉汁，看肉色就唔係太新鮮，不過