Mango Tree Kitchen (形點) (Closed)

位於元朗形點, 地點夠方便, 出西鐵站行3分鐘就到。食物質素唔錯, 價錢就中高價, 食物款式都算多, drink list都有特色, 奉勸大家係openrice訂位的話, 記得準時, 因為過左10分鐘就會cancel booking, 而且唔會有電話通知。最後埋單時會送一張商場100蚊現金卷, 消費滿200蚊就可以用Tropical sangria ($58)有荔枝, 菠蘿, 熱情果同紅莓汁, 味道酸酸甜甜, 都幾解辣。燒鴨米紙卷 ($75)有6件, 好食, 鴨肉份量雖少, 但都刷得出存在感, 配上醬汁, 輕型爽口椰汁青咖哩雞柳 ($103)夠香, 偏辣少少, 雞柳冇雪味, 配料有我最鐘意食既泰國茄子, 但可惜可能唔新鮮, 有件苦左香烤薄餅 ($42)2大塊, 有啲失望, 同我預想中好大分別, 我預想中係似印度薄餅, 可以沾咖哩食, 而款係面麵粉量好少, 一met開就好多碎碎, 唔推介飛天通菜 ($88)好食, 好香唔會太辣

其實已經黎左mango tree三次，第三次終於忍唔住寫篇食評讚一讚👍🏼可因為疫情嘅關係，生意比較差，每次去消費佢都會比$100現金劵，有時消費多會比幾張所以用極都用唔晒😂😂雖然野食變得平左，但係冇因為咁而差左！今次2點左右去唔洗等位！今次食左米紙卷，冇咩特別而且燒鴨有小小dry但係個醬搭救返！佢個醬有兩邊一邊係泰式酸辣醬一邊係平時點燒鴨嘅甜醬，兩隻都好好味！主菜方面叫左咖喱海鮮盒同大蝦炒金邊粉，咖喱海鮮盒已經係第二次食🤤記得第一次食嘅時候個麵包係脆嘅，但係有小小硬有啲難咬，而今次食個麵包就好軟只有麵包皮有少少脆，如果下次可以做到呢兩個口感嘅平衡就好啦😂而咖喱就甜甜地唔會辣，好夠味，有大蝦、青口、魚同魷魚，都算足料！而金邊粉就正常發揮啦！呢度嘅飲品都好特別，今次試咗棉花珍珠奶茶，加咗棉花糖有少少偏甜，但係奶茶味好濃，珍珠好有咬口，不過建議大家可以叫少甜