文興酒家 (大明里)

Open Now

Now Closed

去完慈山寺，肚餓於是去大埔墟搵食，行完一個圈都唔知食咩，突然見到文興酒家，上網睇過人介紹係話英國倫敦黎既過江龍燒鴨，於是就決定去試下。我地一行4個人，一坐低就叫左一隻燒鴨，連骨上，雖然佢有得起骨🤣其實其他都係普通小菜，但價錢定價高，所以我地只係叫左一個小食，一個炒飯，一個炒麵。豉油黃炒麵，味道幾好，唔太咸，都多料，有魷魚，銀芽，有肉絲，除左麵質硬d之外，整體幾好欖菜蛋白炒飯，都好多料，仲有好多帶子同蝦仁，口感豐富，正燒鴨唔肥，可以稱得上皮薄涵靚，皮如果再脆d會更正，另外，佢有酸薑跟，所以食肉食到流個陣，可以食酸薑中和下，佢鴨汁都好味，我用左少少送炒飯🤣上海smoky fish都好味，好脆，正同埋佢樓面服務都唔錯，會不斷幫你加茶，問佢再拎酸薑都好樂意，加分，雖然唔平，但整體食物有質素，可以encore

前排睇蘋果日報介紹呢間曾被英國《金融時報》評為「世上最好吃燒鴨」既文興酒家登陸香港，咁去開大埔就試下呢個來自倫敦既過江龍。半隻燒鴨 $92（如果已起骨招牌粵式燒鴨 $118/半隻，不過話數量有限，我晚上七點去到，莫講話起左骨，連有骨既燒鴨都已經淨最後一隻）報章介紹「酒家採用泰國牧場進口的櫻桃谷鴨，在外皮調味後風乾一整晚，再烤50分鐘。跟香港燒鴨比較，鴨皮雖然不夠香脆，但櫻桃谷燒鴨的外皮較薄，脂肪少，肉質嫩滑，降低了油膩感。」我當然無咁金舌頭啦，在我角度而然，外賣一定無堂食咁正，但半隻燒鴨幾大盒，賣相唔差。食落鴨皮係唔夠脆但可接受，肉質比平時食開既燒鴨嫩，不過覺得有點油。而最值得一讚係個秘製醬汁，微酸帶甜，點鴨拌飯好正！另外叫左兩個小菜，份量夠大盒，沙爹牛肉炒芥蘭 $88沙爹味唔濃，不過牛肉夠嫩，芥蘭爽口。四川辣麻婆豆腐 $88 個芡汁唔會太水或太杰，剛剛好，味道辣辣地有點麻，好開胃，拌飯一流！小菜係單點形式無跟飯，落單姐姐話我叫一個白飯 $12佢比大盒啲，結果比左兩盒我！每盒都裝滿圖中的小菜盒，好似比左三至四碗白飯，今時今日呢個服務態度非常好！