甘棠燒鵝

Open Now

Now Closed

咁啱有車就去銅鑼灣南華會食甘棠燒鵝，喺保齡球🎳場入上一樓，喺停車場🅿️再上，一入去真係南華會保齡球🎳場，轉咗就見到甘棠燒鵝個招牌。有識途老馬一早點菜，所以一坐低就食，叫咗招牌燒鵝，夠香，唔錯，不過好似深井好食d。叫咗叉燒，入口ok，但唔夠肥。叫咗鹵水拼盤，鵝腸同腎正。叫咗薑油豆苗，可惜我唔食薑。叫咗燒肉，夠肥同唔咸，正。每人再見白飯share。臨尾仲即興生日🎂叫埋壽包三個share，壽星公好開心，紅豆蓉壽包少見。去厠所要經保齡球🎳場，一心想撞倒華仔點知撞倒鄭則仕，瘦咗好多。埋單每人$240

一間看似不起眼的燒鵝店，更加需要是南華會會員才可進入。即場入會都是可以的，如果住附近或者覺得可以再食，都不防做會員。$100一年，我們一行4人，每人除開都係加少少錢。食物方面，一萬個可惜我們去到時沒有叉燒，佢既叉燒超吸引，侍應話要等下一輪，要食就要等個半鐘。結果我地食飽飽時就出爐了。叫了半隻燒鵝，蝦子扎蒂，滷水墨魚拼鵝腸。燒鵝好食，唔會太油，多肉！蝦子扎蒂都好食，不過略嫌有少少貴，件數不太多，可能係蝦子貴，上菜時仍然是微熱，這樣很重要。滷水拼盤墨魚同鵝腸都係比較貴，佢哋話係用新鮮墨魚，所以比較貴，口感同味道真係有分別，爽口但淋身，貴少少都接受。整體來講都係好食，下次一定要試到叉燒！

入去南華會，除左打波就一定來食甘棠。兩個人叫了碟燒鵝下莊，想吃甘一刀可惜沽清了....唯有點西班牙個種义燒再加個爵士湯。先說個湯，$80一碗真係有點貴，但的確存在厚身帶鮮甜，我心中個價$50都好進取了。之後义燒半肥瘦夾著濃厚焦香，肉質唔算好柴，係80-90年代义燒有燶燶地既味道，相比而家只係一舊染紅瘦肉只係燒過的，已經唔係個回事。精彩的燒鵝果然名不虛傳，汁香馥郁肉偏肥而不柴，點梅醬很好吃。可惜二人同行未能試其他菜式已經很飽了。最後一致認為燒鵝味道比起新界西的，真係相差遠矣。