西關老祖 (文苑樓)

Open Now

Now Closed

之前去葵廣掃街見到呢間外賣小店嘅嘢食好似幾吸引原來佢哋喺佐敦開咗間分店呢日就專程去買嚟試下😆店舖以外賣為主用點餐機自助點餐付款之後就可以等拎好方便Menu上好多都好吸引🤤主要都係廣東/港式小食有小店自家製瀨粉 炸糭 炒蘿蔔糕 炒腸粉等等炸黑毛豬肉糭自從上次喺元朗食過炸糭之後完全大開眼界愛上左呢個咁邪惡嘅食物糭仲係自家製 超有誠意！建議返真係要分享脂肪🤰🏻因為邪惡程度係+01糭切塊 以半煎炸炸到金黃色脆卜卜 超香🤤炸到外層嘅糯米好脆入面就煙煙韌韌包住黑毛豬肉餡半肥瘦嘅豬肉好有油香又唔會好乾爭爭好想獨食哂佢🤤爆炒 XO醬蘿蔔糕蘿蔔糕都係自家製咁有誠意得唔得架🤩蘿蔔糕口感夠紥實唔會好鬆散 有少少粉中間有啲臘味粒 係足料嘅！用XO醬炒好香好惹味帶微辣正嘢🤣爆炒XO醬腸粉XO醬真係配咩都正見到又忍唔住叫咗個炒腸粉色澤好吸引炒到外層焦香脆脆地 勁香口腸粉質感彈牙咬落會有少少米香 辣辣地不過如果再濃味少少就會正啲大大份食完真係好飽老祖 至尊頹飯食咗咁多熱氣野好似有啲米氣落肚先滿足☺️懶人之選最佳頹物！頹飯嘅精髓當然係食飯唔洗lur骨 多汁就得☺️餐肉煎蛋飯🌟太陽蛋煎到靚一靚黃gumgum半熟蛋黃煎香厚切

見最近有唔少文章點評推介佐敦既呢間外賣小店 - 西關老祖既自家製招牌古法西關瀨粉。趁熱鬧去試一次呢間主打創意中式美食既小店，睇下會唔會如一眾網友所言係有回頭之作。.舖頭係文英街，雖然只係外賣小店但係店主應該花咗唔少心思去設計鋪面。純白色文青風格設計非常搶眼醒目，行過好難見佢唔到。舖頭唔收現金大家要用點餐機點餐，慳返好多店員嘅時間可以專心處理嘢食加快出餐，同埋避免咗好多不必要嘅錯誤。餐廳開始流行用QR code、點餐機呢類嘅智能落單方法，我諗都會慢慢變成新趨勢。.為咗公平起見，習慣每去一間新嘅餐廳都會先試佢哋嘅招牌食品而唔係自己最鍾意嘅嘢食去決定回頭率。以下係綜合部份網友推薦名物：.自家製西關瀨粉 💲15⭐️4/5見到餐牌上面好多傳統食品都寫住自家製，好似瀨粉、豬肉棕同蘿蔔糕。所以決定優先試左呢三款餐點睇一睇店主嘅手勢同埋誠意。西關瀨粉係佢哋打卡系列嘅招牌菜式，好似係必點項目。茶脯同蔥粒多到鋪滿全個面，呢個價錢計份量都叫十足。瀨粉口感煙韌，湯底比想像中杰身，味道可以。.自家製炸黑毛豬肉棕 💲45⭐️4.2/5呢隻炸糭第一口咬落去感覺好似食緊薯餅，好香脆。試真啲先食到糭入面既餡料。隻棕仲有跟傳

佐敦渡船街附近最近開咗一間小食店，個名叫西關老祖，走進呢條小小嘅文苑街上，你就會發現柳暗花明又一村。小店主要做外賣為主，門外擺設亦甚有特色。呢度都不乏自家製招牌菜。想試嘅朋友請注意，呢度係唔收現金。店內設有自助點餐機，可以有多種電子支付方式付款。我從來食嗰方面都係貪心，所以都點咗幾樣招牌菜試吓，其中呢個炸黑毛豬肉粽炸得非常香脆，覺得好似食緊薯餅咁，而糭入面嘅綠豆蓉經過油炸之後變得外脆內軟，絕對值得一讚！爆炒XO醬腸粉用上潘記腸粉，再配合佢哋嘅自家製XO醬，入面有蝦米、干貝、金華火腿、銀魚仔、仲有唔同調味醬料混合而成，甚有風味。爆炒XO醬蘿蔔糕嘅蘿蔔糕同樣係佢哋自家製，配合佢哋自家製嘅XO醬同樣有特色。老祖黑松露炒蛋炒得夠滑，而且仲有大量黑松露，滑蛋中啖啖滲透住黑松露嘅香味。估唔到一間小食店可以做埋盆菜，下次屋企有party或者要做節都可以考慮吓。