西關老祖 (文苑樓)

Open Now

Now Closed

渡船街一帶嘅大廈有返咁上下歷史，但竟然有間文青裝修風格嘅小店「西關老祖」，感覺幾得意喎。佢成個格調同呢區好唔同，別樹一格😆。佢賣嘅食物同樣有特色，例如有招牌瀨粉、鹹肉粽同蘿蔔糕等，大部份係中式懷舊小食🥢，唔係四周圍都有得食。雖然食物唔大份，但定價大眾化，你當佢係蕯莉亞嘅價錢吧。極黑·黯然銷魂飯($56)，佢係非一般嘅叉燒飯，好出色。🐷餐廳選用豬腩肉以醃製成黑叉燒，無論肉質定味道都同燒味叉燒不一樣。黑叉燒帶微微甜香，並非濃烈嘅蜜汁燒烤醬味，肉質亦好軟稔。白飯撈咗豉油醬汁變得好食，另外再配埋煎雙蛋🍳，份量足，男仔都夠食。炸·黑毛豬肉粽($45)，炸粽賣相吸引，因為炸至金黃色💛，望落有啲似薯餅。炸粽外層微脆，亦難得唔油膩。糯米無過黏或過硬，所以易入口，亦唔會太滯。🥠粽中間主要得豬肉餡，保留傳統風味。爆炒·XO醬蘿蔔糕($38)，炒蘿蔔糕好香口🥕，XO醬辣辣哋幾正🌶。每粒蘿蔔糕均附有瑤柱、臘腸同蝦米等，相當足料。另外，餐廳更有發售原底自家製蘿蔔糕，過時過節可以買返底同屋企人分享。老祖·臭草綠豆沙($28)，經典糖水改頭換面，用飲品杯裝，再加上凍食，成個感覺煥然一新✨。我阿媽一聞就聞到臭草香，佢

之前去葵廣掃街見到呢間外賣小店嘅嘢食好似幾吸引原來佢哋喺佐敦開咗間分店呢日就專程去買嚟試下😆店舖以外賣為主用點餐機自助點餐付款之後就可以等拎好方便Menu上好多都好吸引🤤主要都係廣東/港式小食有小店自家製瀨粉 炸糭 炒蘿蔔糕 炒腸粉等等炸黑毛豬肉糭自從上次喺元朗食過炸糭之後完全大開眼界愛上左呢個咁邪惡嘅食物糭仲係自家製 超有誠意！建議返真係要分享脂肪🤰🏻因為邪惡程度係+01糭切塊 以半煎炸炸到金黃色脆卜卜 超香🤤炸到外層嘅糯米好脆入面就煙煙韌韌包住黑毛豬肉餡半肥瘦嘅豬肉好有油香又唔會好乾爭爭好想獨食哂佢🤤爆炒 XO醬蘿蔔糕蘿蔔糕都係自家製咁有誠意得唔得架🤩蘿蔔糕口感夠紥實唔會好鬆散 有少少粉中間有啲臘味粒 係足料嘅！用XO醬炒好香好惹味帶微辣正嘢🤣爆炒XO醬腸粉XO醬真係配咩都正見到又忍唔住叫咗個炒腸粉色澤好吸引炒到外層焦香脆脆地 勁香口腸粉質感彈牙咬落會有少少米香 辣辣地不過如果再濃味少少就會正啲大大份食完真係好飽老祖 至尊頹飯食咗咁多熱氣野好似有啲米氣落肚先滿足☺️懶人之選最佳頹物！頹飯嘅精髓當然係食飯唔洗lur骨 多汁就得☺️餐肉煎蛋飯🌟太陽蛋煎到靚一靚黃gumgum半熟蛋黃煎香厚切

渡船角八文樓哩頭對於區外人唔算方便，但曾幾何時因為幾間出名嘅燒烤店都吸引左好多人專程黎食，最近行過發現文苑街新開左一間外賣小店，因為白色嘅門面同旁邊嘅舊式店鋪形成強大嘅對比，所以離遠都會俾佢吸引住目光。落單要經旁邊哩部點餐機，俾錢可以用八達通同其他多種電子方式，唯獨係唔收現金嘅。西關老祖主打廣州西關美食，留意返係西關唔係關西，西關喺廣州入面，外賣店主要賣稯、腸粉、豬油撈飯、蘿蔔糕等等，野食大部份都係十幾蚊至三十幾蚊，都係街坊價。另外，佢地亦有都自家製辣油同菜脯賣。店內只有一名店員，全部野食都係即點即製。老祖炸芝士孖薯配黑松露醬($38) - 孖薯即係薯條同薯餅，薯餅好香脆，唔會太油，薯條份量都幾多，上面加左好多芝士醬，另附嘅黑松露醬都好香黑松露味。爆炒XO醬蘿蔔糕($38) - 蘿蔔糕煎幾香口，加埋XO醬一齊炒，鹹鹹辣辣都幾惹味。港式混醬腸粉($15) - 腸粉有六條，口感唔會太硬，混醬係麻醬同辣醬，兩款醬都落得夠多，再加埋芝麻，簡單得黎又好食。老祖秘傳麻香咖哩配咖哩三寶($32) - 三寶有蘿蔔、豬皮同魚蛋，咖哩汁香而不辣，蘿蔔好腍冇渣索晒啲咖哩汁，豬皮有四五塊大大塊，腍得黎有啲彈口

佐敦渡船街附近最近開咗一間小食店，個名叫西關老祖，走進呢條小小嘅文苑街上，你就會發現柳暗花明又一村。小店主要做外賣為主，門外擺設亦甚有特色。呢度都不乏自家製招牌菜。想試嘅朋友請注意，呢度係唔收現金。店內設有自助點餐機，可以有多種電子支付方式付款。我從來食嗰方面都係貪心，所以都點咗幾樣招牌菜試吓，其中呢個炸黑毛豬肉粽炸得非常香脆，覺得好似食緊薯餅咁，而糭入面嘅綠豆蓉經過油炸之後變得外脆內軟，絕對值得一讚！爆炒XO醬腸粉用上潘記腸粉，再配合佢哋嘅自家製XO醬，入面有蝦米、干貝、金華火腿、銀魚仔、仲有唔同調味醬料混合而成，甚有風味。爆炒XO醬蘿蔔糕嘅蘿蔔糕同樣係佢哋自家製，配合佢哋自家製嘅XO醬同樣有特色。老祖黑松露炒蛋炒得夠滑，而且仲有大量黑松露，滑蛋中啖啖滲透住黑松露嘅香味。估唔到一間小食店可以做埋盆菜，下次屋企有party或者要做節都可以考慮吓。