沙田18

Open Now

Now Closed

阿媽70歲大壽喎，梗係搞大佢啦。細佬就碌咗佢嘅人情牌搵人幫佢book呢度嘅VIP房, 其實嚟幫襯嘅人都唔算多細佬話之前嚟食過好好味, (其實我都有嚟過飲宴）所以點菜方面就交咗比佢，重頭戲梗係片皮鴨同埋叉燒飯啦，有師傅專登出嚟表演仲玩埋點火添。未食都已經贏咗個勢啦。片皮鴨佢好有層次咁分咗唔同部份，淨皮呢就建議我哋點砂糖食，皮連肉就建議我哋點甜醬食，淨肉嘅部份就建議用皮捲住加埋青瓜一齊食。其中發生咗一件小插曲話說我哋諗住包起一兩件留返比弟婦因為佢嚟唔到，點知個經理可能冇為意又以為係垃圾我哋唔要順手幫我哋揼咗，結果佢額外送番幾片肉俾我哋😅另外不得不提佢個叉燒飯，原來係要6位以上先至可以叫，以為有乜嘢咁巴閉啦，原來佢搵師傅出嚟響我地面前表演，叉燒加咗啲玫瑰露再點火，令到佢有燶邊嘅效果。撥仔飯再加埋佢特製嘅豬油同豉油一齊食本身個飯已經超級好食😋飯粒分明，反而叉燒給比下去，我哋懷疑係因為叉燒嘅份量都幾多，同埋本身佢唔係蜜汁叉燒，正所謂貴精不貴多，分量多咗你就會覺得佢好似冇咁好食😅除咗兩個重頭戲我哋仲叫咗其他小菜：有蠟味魚餅、椒鹽鮮魷、上湯芥菜、涼拌木耳、清湯棱角番薯，仲有蕃茄雞蛋刀削麵（長壽麵）仲

好多地方都出名食片皮鴨，但唔係度度都做得出色。今次同屋企人黎左沙田凱悅酒店入面既中菜廳，試下呢度既片皮鴨係咪佢地講既咁出色。片皮鴨分左三食，片左淨皮同肉夾皮既部分，淨皮就點砂糖食冇咁漏，脆卜卜既口感加上鴨油香🤤剩番其他肉既部分就炒黑鬆包生菜食～另外鴨殼會拎去煲湯，加入左豆腐等既配料，湯既有鴨味又有香濃豆味。鹹蛋黃魚皮蝦球，呢樣同想像既一樣，非常惹味，基本上呢個配搭都冇乜得輸。禮雲子鮑粒煮滑豆腐，禮雲子係一種中國南面特別既食材，質感係幼滑既，味道都幾鮮，可惜禮雲子既份量實在太少。生炒豬油渣菜心，豬油渣係父母個輩年代既野食，特登叫俾兩老懷舊一下。主糧叫左個脆米鮑魚花菇燜飯，用鮑魚汁燜既飯，唔駛問一定好食🤤甜品叫左五糧液朱古力雪糕同花鵰話梅雪芭，兩種用中式酒整既甜品都幾有特式，只係雪芭略嫌淡口，花雕味唔係太夠。

上前和天使離工出走，發現原來他喜歡吃片皮鴨，決定找次機會和他去一間專吃片皮鴨餐廳再吃一次。除了正裝修的鹿鳴春，以燒鴨聞名的我只想到這間。今日難得我們都不用上班，我便和天使遠征沙田吃一次。我們訂了五點半的早段時間，去到已經排了長龍…而且人龍有兩條，其中一條是給預訂了枱的客人的…疫情之下還那麼好生意，真的好厲害。由於我們早預訂了半隻鴨(對，天使怕吃得太飽)，幾乎是剛點完菜，鴨便已經上桌。這兒將鴨皮分得很仔細。先上桌的是圖左下的純鴨皮片，只需點糖食用。這種鴨片入口即溶，有種純油份的感覺，香氣濃郁，口感鬆脆。跟住上的是圖右下、鴨片和鴨肉的比例大約是9:1 至8:1的鴨皮。除了鴨片的鬆脆和油份外，這次再加上鴨肉的口感，整體味道變得更加豐富，也是我認為最好吃的鴨皮。最後上的是圖上部份，鴨肉比例較多的鴨片。整體上說，這種鴨皮的上菜方法令整個菜的味道和口感更加立體。用不同的鴨皮作餡料用麵皮包住吃，無論口感和味道也有不同。一次過將三款不同的鴨片用麵皮包住吃，那種味道更加令人難忘。這時侯，我和天使都有點後悔為什麼只預訂半隻。其實片皮鴨上菜之前還有一個前菜是"麻醬伴蕃茄"。那個前菜也是很好吃。蕃茄都是剥了皮

今晚book左間房family dinner, 阿b坐唔定好彩book到房🙌🏻, 我地一行十人坐得勁舒服呢. 有一位server負責我地張枱👏🏻. 家姐一早訂左3隻乳鴿同片皮鴨.> 片皮鴨三食馳名嘅片皮鴨係師傅即場喺我地房度將皮同肉片出黎. 首先係燒得脆脆嘅外皮, 師傅介紹我地夾一片脆皮點糖👉🏻超正, 爆脆! >跟住就係一片片肉, 加上去皮青瓜條, 蔥絲, 甜醬包喺熱辣辣嘅餅皮👉🏻完全停不了口! >第三食原來係鴨肉煲嘅湯, 淺淺嘅奶白色, 香濃味美. > 沙田18錦繡拼盤叉燒, 脆皮燒五花腩好味!>杞子鮮腐竹瑤柱魚湯浸芥蘭奶白色魚湯, 腐竹滑滑嘅口感, 芥蘭完全無渣, 每一條芥蘭邊嘅厚皮已批走, 所以食落係夾脆的.>特色東莞炒米粉米粉炒得條條分明夠濕潤, 整碟佈滿去殻蝦, 蛋絲, 叉燒, 芽菜, 份量十足.>松露菌生啫龍躉斑球Li個正, 有香噴噴嘅松露味道, 個砂煲keep住熱辣辣」啫啫」聲, 生炒嘅龍躉斑球每件都重量級, 非常惹味! >小籠包, 餃子未起菜前我地出去參觀下見到全是Open Kitchen, 原來餃子🥟🥟🥟

沙田18 @ 大學呢間餐廳出名片皮鴨…所以更係要點黎食啦…同其他餐廳一樣, 呢度都會提供青瓜, 大蔥絲俾大家包鴨用。 師傅亦都會即場片開隻鴨…唯一唔通既係會片開唔同部份分開上(好似分左3碟, 宜家好多餐廳都會咁做)…服務員都會介紹唔同部位味道分別同點樣食係最理想…我最鍾意就係唔知邊度既片點沙糖食…真係放入口有朕鴨酥香同鬆化😍😍…個薄餅就好一般…覺得以前嗰種拎上手有d麵粉嗰種先正宗。因為片皮鴨兩吃…所以有個炒鴨鬆…味道可以…不過唔特出…再點左例如叉燒, 湯菜, 炒飯等等…食物都唔錯整體食物質素, 服務都ok…不過價錢偏貴…隻鴨係幾好味不過聽講成$6××😅😅

已經是第二次來了！沙田18已經成為逢有慶祝或重要飯局會來的地方，因為環境服務都很好，而試過的每個菜式都有驚喜！最出名的片皮鴨，侍應介紹不同部位要佐以不同的配料去吃，即烤即食，入口即融，每次來都必吃。點了二食，用鴨肉再炒鴨鬆，都很好吃。吃了個冷盤芝麻波菜，芝麻醬有點芥辣味，非常開胃，還有蟲草花波菜，蟲草花燉的湯超好味，看似簡單但回味無窮。還有必須大大力推介的焗紅棗糕，是這裡獨有的甜品，甜度適中，剛焗好上檯一口吃下時簡直驚為天人，軟熟又有濃濃的紅棗味，亦想不到紅棗味的蛋糕味道一點都不中藥，超好吃。

星期日諗起第二日要返工就抑鬱，所以要對自己好啲食好嘢！山長水遠今次來到大學火車站旁邊嘅凱悅酒店沙田18中菜廳。網上評價不錯，主要讚嘅係片皮鴨，作為新界人嘅我哋一定要來試一試。餐廳位於凱悅酒店4樓，佈置典雅，唔算豪華得太浮誇。部分廚房係開放式，食客可以係外面睇到入邊師傅烤鴨、蒸餸、整甜品，中菜餐廳比較少咁做，都算特別。因為兩個人食飯嘅緣故，片皮鴨淨係叫得半隻一食。「一食」就係傳統包住餅皮你食，首先片皮鴨皮加砂糖食，入口即溶，嗰陣油香係不簡單，比好多出名食片皮鴨嘅餐廳更好。除左鴨皮之外，餐廳仲好貼心地片了一碟鴨胸肉、一碟鴨脾肉，鴨胸肉可沾甜麵醬，但因為鴨脾部份比較羶，餐廳建議係加上蒜泥一起吃，之前未試過夾蒜泥，一試之下不得了，的確非常好味，必試！人多可以叫一鴨二食或三食，分別係鴨鬆生菜包同鴨湯，但同行友人非常渴望飲湯，一問之下，原來餐廳好 flexible ，可以skip 鴨鬆部分，直接order 湯，而每位收費$62，同行友人當然興奮啦！季豆松子仁炒豆乾清清地唔肥膩，「季豆」即係四季豆，切粒炒好有口感好爽脆，而豆腐乾嘅鹹香加上松子仁嘅濃郁，呢道素菜送飯簡直一流，所以同行友人亦都唔執輸叫咗

沙田18地點一點也不便利 。對於新界人來講都覺得有點遠。但係點解呢間餐廳咁受歡迎。一定有過人之處。。黎到沙田18，一定要試吓佢哋嘅正宗片皮鴨。片皮鴨正宗食法呢淨皮。鴨皮連肉。淨肉三種食法😍😍😍三種食法各有特色皮脆肉嫩。脂肪匀稱，唔會一口肥肉。。豉香蒸鮮膏蟹砵亦都係另一回味菜式。但睇相就已經見到爆膏了😍😍。等左成晚，我的摯愛來了。一直都覺得甜品係每一餐令到整晚飯局作個完美嘅完結。腐乳芝士蛋糕五仁朱古力餅黑糖薑話梅奶凍焗蕃薯西米布甸話梅芝士卷鳳梨山渣雪糕相思梅蘋果醋雪芭。每一到甜品都各具特色。腐乳芝士蛋糕，但係兩個味道。超級搭配不會太突兀。為了甜品為了片皮鴨，我一定會再訪

很久沒吃片皮鴨，第一次來18，貴是貴了點，一個月豪一次也可以酒水選擇充足，但餐牌上每一款菜式也有至少一種wine recomandaction, 有點過繁，這是這一餐唯一不足。這裏的片皮鴨要預訂，各位要留意la.食物一流，除了半隻片鴨三食，我們還加了炒菜及薑蔥龍躉球，太美味了，必定再次回來

早前經過電視台既飲食節目介紹之後, 決定今年團年飯去試下, 一早訂左枱所以唔駛等, 準時去到拎位時獲通知可以upgrade去最低消費HK$4000既VIP房, 間房好大, 仲有梳化可以坐, 自成一國, 小朋友通處走都冇問題. 侍應小姐態度好好, 細心照顧每位客人, 見到有小朋友就主動提出有BB櫈同餐具, 整體質素好好, 一家人享受左一個愉快既晚上.~ 北京烤墳鴨 (三食) : 果然好食, 不過湯就淡而無味~ 籠仔糯米蒸腩排 : 必試~ 干粉牛河 : 河粉非一般酒樓及餐廳既感覺, 好滑~ 北方豬肉餃子 : 配埋醬汁一流~ 生炒豬油渣菜心 : 可以一試~ 香脆三鮮鍋貼 : 外皮唔會好乾~ 鹵肉刀削麵 : 份量太少但味道OK~ 手拉牛肉麵 : 份量太少但味道OK~ 花彫蒸雞 : 冇花彫味, 冬菇有少少酸既感覺~ 瑤柱蛋白炒飯 : 好香, 飯好軟熟~ 五娘液朱古力雪糕 : 好香五娘液, 入口軟滑~ 茉莉花雪糕 : 好香花味, 入口軟滑~ 山渣奶凍 : 第一口好酸, 食落又唔錯8大3小, 恆生白金信用咭有9折, 折實HK$2430