RBTea (Under Renovation)

今日落雨濕濕，行到始創，見到這間RB大把位咪入來坐。見到個all day breakfast都唔洗一百，諗住ok咪試下。間野係自己去收銀處落單的。自己填紙比收銀輸入去到落單，個收銀靚妹掛住傾電話，我叫兩樣野食，兩樣野飲，佢掛住傾電話落少杯野飲。我叫了All day breakfast $89, +$15 要杯Tiramisu 焦唐咖啡，+$70美極蝦意粉，再散叫杯牛奶咖啡$36。總共$210佢就發緊夢，唔知係咪電話比男友激親，佢落了all day breakfast $89 +$9 牛奶咖啡+$70美極蝦意粉。 收完錢我發覺少了杯野，再叫過杯Tiramisu 焦唐咖啡要$44。合共212。 咁我同佢講收多左$2。佢計來計去都唔識計，我咪計佢睇。之後佢都比返2蚊我。佢跟住就好悔氣叫我返埋位等得了。我唔係志在嗰兩蚊，收多左又唔係個靚妹袋，我係唔鐘意佢返工發夢做錯野又要我幫佢比埋。咁返到位等野食。來了兩杯咖啡和意粉，到我食到一半問個早餐幾時來。個侍應問我有冇落單……我話錢都在counter比埋，我唔知你有冇落單，佢先急急追個餐返來。侍應又唔醒目，食物份量少，價錢咁嘅服務來講算貴，試一次算數。

星期日同一班朋友去左呢度食lunch，因為人多，所以就叫左好多野食。焗日式照燒汁魚柳飯($72)，味道一般般，賣相麻麻地，冇乜汁，食落dry dry地，唔太推介。焗忌廉野菌螺絲粉($62)，味道一般，唔太突出，同埋呢個配搭有d齋，都係唔太推介。帕爾馬芝士薄脆($62)，呢個就唔差，味道正正常常，可以試下。香草忌廉三文魚意粉($76)，雖然賣相唔係幾好，但食落都ok嘅，味道適中。炸魚柳脆香鬆餅($78)，all day breakfast d friend，乜都有，塊魚柳幾好，唔太油，鬆餅都整得唔錯，可以試。益力多香橙冰雪樂($48)，呢杯我叫嘅，乳酸加香橙好match，幾好飲。其他飲品仲有：冰河冰雪樂($56)新鮮水果茶($38)岩鹽oreo朱古力奶茶($40)牛奶咖啡($36)另外仲叫左個珍珠奶茶班戟($52)，好難食，佢嗰珍珠奶茶cream(?)好水，d珍珠同班戟都唔夾。總括而言，呢度嘅飲品係幾好飲嘅，但食物質素同量真係有d對唔住佢嘅價錢，唔太抵食，唔係好值得去，淨係飲杯野hea下還好，食正餐就不了。