Le Viet (Closed)

呢幾日天氣好似暖返d，可以食返東南亞菜式。今日不如食下越南菜啦，地點係旺角既Le Viet。呢間Le Viet好似黎過兩次，今日趁得閒早d黎食個早晚飯先，順便試下新野。打開主菜單，見到牛油焗大頭蝦，幾吸引，就試下啦。牛油焗大頭蝦 $228＋10％菜單寫明係越南虎蝦每隻約一斤重，先炸後加牛油同蒜再煮。唔洗等好耐就有得食，賣相幾靚！原來係一隻虎蝦一開二，上面超多炸蒜蔥粒。下面墊左七舊薯仔同四塊蕃茄片，薯仔明顯炸過，外脆內軟，正！。虎蝦唔算好大隻，但係肉質有d似龍蝦級，好好味既蝦味，個頭仲有膏㖭，用刀叉自己起肉食就得。連殼都可以咬，因為炸得香脆。非常香口既一道菜！驚食蝦未必好飽，所以叫左個相對heavy既越式咖哩軟殼蟹鍋配法包。越式咖哩軟殼蟹鍋配法包 $93＋10％一隻軟殼蟹新鮮炸好切左件，非常香脆，肉都有唔少，無論就咁食或者沾咖哩汁食都好好味。咖哩汁用鍋上，唔洗怕越食越凍。咖哩鍋有洋蔥，青椒同紅辣椒，都有d辣，好好味。伴軟殼蟹碟上有五大舊薯仔，同另一碟既伴碟薯仔一樣咁好食！法包一大條，切開左幾個開口，擺係個架度幾靚仔。法包微暖，外脆內軟，沾咖哩食好好味。基本上成個鍋餐d野都好食。$93咁多

🦐牛油焗大頭蝦及🍢豬肉串燒配炒飯午餐焗大蝦鮮甜美味，蝦肉仲好味過波士頓龍蝦，焗芝士蒜香🧄🧀芬香撲鼻，蝦頭有膏，伴碟薯塊以 香葉調味十足❤️串燒有炭燒味及肉嫩多汁，午餐set包餐湯飲品超抵食！串燒方面可以嗌大份，另外嘢食都可以到會，方便唔鍾意出街或者係屋企開party嘅時候！餐廳環境乾淨企理，店員有禮貌，食物嘅選擇又多，下次都仲想試吓佢個海南雞飯添！Le Viet📍 旺角彌敦道636號銀行中心1樓

今日係旺角行街…經過西洋菜街見到Le Viet個招牌顏色好吸引…好colorful. 反正唔知食乜…越南野都係個唔錯既選擇上到去見到個場都有大半坐滿…呢個時勢都算係咁坐低望下餐牌…都幾多選擇…又望下周圍人地食乜…見到有蜆…又見到人地叫大蝦…就係menu搵下…應該係牛油焗大頭蝦…個樣幾靚仔…就點呢個…再加多個豬頸肉紙米卷同菠蘿炒飯…應該差唔多…加多杯青檸梳打先黎個豬頸肉紙米卷…份量都幾足…點魚露…味道都可以菠蘿炒飯走提子乾😂😂…呢個唔錯…上面仲有3隻蝦…仲要剝左身d殼…方便食…個飯夠乾身…呢個飯唔錯之後到主角黎啦…嘩…真係好大隻…成隻小龍蝦既size. 一黎到已經聞到好香牛油同蒜蓉味…未食都覺得好惹味…除左蝦…仲有跟薯仔。 個蝦d肉好爽口…加埋牛油蒜蓉好正…我仲就咁用羹食哂d蒜蓉…薯仔點汁食都好正青檸梳打…成支梳打水俾哂你…最正無加糖水…我覺得咁仲好飲除左食物唔錯…服務好有禮貌…仲好勤力幫手架水👍👍我仲睇左有本到會menu都唔錯…如果成班朋友唔出街都可以試下

今日同老細喺旺角做完嘢，佢無啦啦話請我食飯，我都有啲受寵若驚，見佢咁有誠意，我都無謂推啦，不過我都冇諗過要食咗佢隻車嘅，於是乎就帶咗佢上去銀行中心嘅Le Viet食個lunch。呢度嘅午餐好抵食，平均都係$70上落，仲有湯同飲品，真係一啲都唔貴，所以午市都好旺場。我就揀咗食串燒配香辣炒飯，串燒set咗係豬、牛、雞各一串，不過店員都會提一聲，如果食客有邊款肉類唔食嘅，佢都會按客人意願換其他串燒，服務稱心又細心。我覺得呢一間嘅串燒，無論係雞、牛、豬，都非常好食，肉質鮮嫩，唔會燒到乾爭爭，再配合埋佢嘅沙嗲醬，真係無得輸！至於佢嘅香辣炒飯，係帶少少辣，炒飯入面有蔬菜，我就好鍾意呢個配搭。老細就揀咗咖喱牛腩鍋，貪佢夠大推頭，仲配一大碗白飯。入面除咗有牛腩之外，亦有牛筋、薯仔、洋蔥、三色椒等，非常豐富！咖喱汁非常惹味，撈飯真係一流！呢個牛腩鍋上枱時會用熊熊烈火烘住，保證夠晒熱辣辣，不過太熱嘅咖喱其實個味道就更加辣，所以煮滾咗之後，我哋就請店員幫忙整熄個火。老闆見到隔離枱叫咗嘅大頭蝦好吸睛，於是乎佢又話要叫返一份，雖然有啲唔好意思，但係其實我都心思思，影張相打吓卡都好吖嘛！大概等咗20分鐘，終於有得

好鐘意食東南亞既菜式，又鐘意食粉粉麵麵，尤其是河粉，咁岩就揀中呢間。.🔸牛油焗大頭蝦 ($228)分數: (8.2/10)大頭蝦開邊焗完出黎超級香！有好多蝦膏，蝦肉充滿住牛油同蒜味。後面仲配左啲薯仔，一齊食都幾香。(雖然第一次上菜隻蝦唔夠熟要翻焗唔夠完美).🔸咖喱牛腩撈檬($72)分數: (7.8/10)好大碗，淨係食一碗都十分飽！牛腩，檬粉，薯仔，椒，份量都好多。牛腩煮得冧，入味。咖哩小辣，愈食愈想食。.🔸生牛肉湯粉 ($68)分數: (7.6/10)個牛好有牛肉味，唔韌。河粉幾滑，配埋湯底唔錯！

午餐頗為抵食，一份午餐大蝦菠蘿飯，有餐湯有餐飲每一口菠蘿飯都非常豐富，有菠蘿、肉鬆、炒蛋、火腿、粟米粒、蘿蔔粒、青豆，粒粒金黃的炒飯炒得十分香口，口感十足🤤牛油焗大頭蝦，彷如龍蝦般大的大頭蝦，賣相令人眼前一亮，餐牌上列明是約一斤重的大頭蝦呢！香葱、蒜頭和牛油的香味滲透了蝦肉，令肉質更香滑多汁，厚實的蝦肉不失彈牙口感，香濃的牛油汁卻沒有蓋過了蝦的鮮味，而且大頭蝦的蝦膏很多，吃完蝦肉還可再挖蝦膏來吃，在香港實在很少吃到這種風味呢👍🏻豬頸肉米紙卷已切好4份，每份都有一整片豬頸肉，名副其實的啖啖肉🤓 配點魚露醬汁，讓醬汁滲透米粉，酸酸甜甜的很開胃。一邊喝青檸梳打一邊欣賞旺角街景，看着熱到出汁的路人、爭相爬頭的搵食車，猶如置身事外的我們渡過了一個炎熱的下午，爽🤡

之前於尖沙咀店食過覺得好食～今日先知旺角有分店～唔洗頭痛諗去邊食嘞～好多時睇完成本Menu都唔知叫咩食，好在有人氣排行餐牌～酸味味很開胃～清新的柚子；爽口的青木瓜絲，香口的腰果，伴隨海鮮送入口中海鮮鍋有蝦、魷魚、大隻蜆～上枱時海鮮係未熟嘅，好彩店員服務周到～提醒蜆熟了先吃～時間剛好！蜆肉肥大鮮味～～除了海鮮，鍋底有好多菠蘿🍍，勁香甜～中和辣味～芽菜吸收湯汁精華，抵抗不了的誘惑，食得好乾淨😋🤩海鮮海鮮繼續來～上枱真係好驚喜，無諗過咁大隻，賣相已夠吸精！唔止得個樣，蒜蓉香蔥加牛油，陣香味已夠誘惑🤤佢兩隻手支撐住，下面收埋薯仔🤣焗得好香～蝦手條肉都唔細架～🤟🏻餐廳裝修佈置帶有藝術感～估唔到菠蘿酸辣湯係咁好飲🍍環境服務食物樣樣滿分💯

滿載椰青海鮮飯一黎到見到好大個椰青唔係細細個份量都算得合理，有些餐廳會細細價錢又貴，呢間就真材實料，已經椰醬都滿到流晒出反，一試真係好香好好食，必試下料又足。牛油焗大頭蝦落單時都講左要等20-25分鐘因為蝦大同即時整，反到聞到好香牛油同蒜蓉味，蝦係好有蝦味，而且肉質又彈啊仲有配菜薯仔👍蒜蓉炒椰菜蕃去到越南餐廳點可以唔叫炒椰菜仔呢？個廚師煮得岩岩好，唔會太熟同生好少廚師會做到咁既質素。環境好靜好舒服同衛生，而且侍應好有禮貌同會主動換碟，又會介紹下菜式。而且2個人叫咁份呢量好足夠。

-生牛肉湯粉🍜（$59）依個生牛肉湯粉真係幾好食😋，牛肉上枱果陣係半生熟，好快就熟曬啦！牛肉好鮮嫩👍🏻，一點都不鞋，口感一流，河粉食落好滑😍，仲有唔少甜蘿蔔🤤而湯底十分鮮甜美味，再按自己喜好，加一些青檸，辣椒粒🌶，生芽菜。-越式咖喱牛腩鍋🍲（$69)依個越式咖喱牛腩鍋真係好吸引😋咖喱味好香，幾creamy，又不會好辣，牛腩份量都好多，又大舊，燜得好入味，一咬就開，食落好淋😎，配埋白飯真係絕配🤤，而且牛腩鍋仲有香脆薯仔🥔，茄子，青椒紅椒等等，越式咖喱牛腩鍋真係好惹味😆-牛油焗大頭蝦🦐（$228）依個大頭蝦真係好大隻，蝦身鋪滿蒜蓉😊，而且仲有好多香脆可口的薯仔伴碟，蝦肉散發牛油香味😍，蝦肉食落好彈牙，蝦膏都幾多，而薯仔真係好好食😘，不過個人覺得太多油😅-三色冰😚（跟餐＋$8）奶茶☕️（跟餐附送）兩杯飲品都好好飲😆-

見好多人推介這裏的大頭蝦，今晚便來試一試，未夠七點已人頭湧湧，好不容易有地方坐，立刻點菜。菜單和大多數的越南餐廳一樣選擇眾多，今晚點了串燒，火車頭河和牛油大頭蝦。串燒先來，吃這種串燒最重要的是醬，這個醬做得不錯帶有淡淡花生味。火車頭河就認真不俗了湯底夠香，牛肉雖然已全熟，但入口仍是嫩滑牛腩炆得夠火侯，河粉亦帶爽滑不會鞋囗。等了差不多二十分鐘主角終於出場這個牛油焗大頭蝦但是賣相已是非常矚目與其說是大頭蝦，不如叫牠是龍蝦因為他的身體十分肥大。蒜蓉牛油香氣撲鼻而且他的蝦膏亦相當之多。伴碟的薯仔就是要將蝦膏和牛油蒜蓉一起吃滋味無窮$228這個價錢絕對是超值的。

太早到了旺角，便上來銀行中心這邊吃個brunch，治一下想吃牛油雞翼的癮。Le Viet在上一次尖沙嘴逛街的時候就有經過過，看到裝潢食物都好像不錯，便想試一下。椰青 $42All time favourite！這個也蠻鮮甜的，沒有什麼特別。牛油雞翼 $72作為一個雞翼狂，牛油雞翼是我的最愛（除此之外就是連鎖快餐店的脆香雞翼）。這邊的雞翼也算香脆。牛油焗大頭蝦 $228大大的一碟有兩隻，鋪上了香蒜等等，還有很多馬鈴薯。蝦肉新鮮可是蝦身比想象中少。這邊的食物還行，服務態度也很好。到了午飯時間人也很多。唯一是上菜有點慢，可能是因為太早了大家一般點lunch set吧？還好還是來得及到下一個目的地。價錢算偏貴但品質是可以的。

今日同男朋友出旺角搵嘢食 搵左呢間越南餐廳Le Viet🙆‍♀️ 佢仲有間分店喺銅鑼灣 好似都好旺好多人食咁💁‍♂️好彩我哋喺OpenRice訂咗位💁‍♀️ lunch仲未夠一點嚟到 已經見到個場九成滿咁滯 咁食物應該都有返咁上下水準 起碼新鮮啲先啦🙆‍♂️🙆‍♂️青木瓜大蝦雞絲沙律🥗 $75青木瓜絲原來同雞絲好夾💁‍♂️💁‍♂️💁‍♂️ 配埋花生好香！佢比嘅魚露醬味道偏酸酸甜甜 一啲都唔辣 好開胃💁‍♀️💁‍♀️蔗蝦 $42賣相同平時食開嗰啲唔一樣💁‍♀️ 食落感覺唔油膩 但係炸得有啲乾🙅‍♂️ 一定要醬汁食💁‍♂️ 中心嘅蔗都好甜 不過蔗汁唔算好多 整體味道中等啦💁‍♀️牛油焗大頭蝦 $228見佢食物去流快 應該都幾新鮮 就一於試吓！🙆‍♂️🙆‍♂️ 一共有兩隻 焗起好夠熱 拆出嚟食啖啖肉 好有蝦味 仲有好多蝦頭膏 橙橙紅紅看見都流口水 記得一定要食埋哦💁‍♂️💁‍♂️💁‍♂️💁‍♂️燒菠蘿配朱古力醬 $48原來係切開一粒粒菠蘿 好似串燒咁攞去燒💁‍♀️ 燒完都仲有好多汁💁‍♀️ 但唔知係咪燒過頭 定個爐盤留低左啲焦 痴咗係菠蘿度 食落就有啲炭味🙇‍♀️ 好彩配朱古力醬冇咁覺😂

旺角不少餐廳都已經食過，最近行過見到Le viet係旺角開左新分店，就決定要黎試下😆由於旺角店係新開，所以裝潢都好新，走簡約時尚風，而且不少座位都係梳化位，座椅之間留有適量空間，所以都坐得舒服🥳🥳餐廳除左提供main menu，仲有一個set menu，係11am-6pm供應，岩曬匆忙的上班族同學生而且價錢合理，由$59-$85不等，我地都覺得幾吸引💕生牛肉湯粉 $59食牛河前，當然要先試下湯底❗️湯底呈深啡色，夠熱，但甜了點，牛骨味較淡。河粉係灰白色，又軟又滑。牛肉上枱時係半生熟，浸完湯後會全熟，食起來都算嫩滑鮮甜👍🏼串燒炒飯（配例湯）$69有3串串燒，分別係豬、牛，雞各一串，配上沙爹醬，其中豬，牛最好食，肉質嫩滑，燒得剛好，肉汁仍然保留在串燒裡面😋 炒飯唔會好乾，但味道又咸又辣，食完後不免口渴😂牛油焗大頭蝦 $228非常有驚喜的一道菜❗️❗️雖然價錢稍貴，但強烈推薦大家要點，賣相都非常靚🤩🤩 有兩隻大頭蝦，每隻重約一斤，另外仲有啲薯仔同蟹腳。師傅將大頭蝦炸到脆卜卜，牛油味好香，而且用的炸漿唔會好厚，蝦肉仍保持彈牙😻😻凍檸茶熱檸茶

嚟到旺角行街食晚餐，我同男朋友去左試呢間越南菜Le Viet。柚子海鮮沙律，酸酸甜甜好開胃，做前菜岩曬，有腰果、大蝦、蜆、魷魚，都算系材料豐富，對得住佢既價錢，咁岩想食啲清清地既野，岩曬呀！呢個特別火車頭河粉都算系佢既推薦菜式之一，原本我都覺得食碗粉，呢個價錢有啲小貴，但當佢嚟左之後，我發現佢個牛腩系入口即化，勁林，唔同平時茶記食戈啲，真心勁正，啲丸又甜又多汁，碗粉又夠熱，白蘿蔔又淋又入味，絕對系一碗好食既河粉！重頭戲系牛油焗大頭蝦，一嚟到見佢咁大隻真系好surprise，食落啖啖肉真系勁有滿足感！啲蝦膏又多又鮮甜，同埋好香牛油味，簡直一流！唯一唔太好既係，侍應太少，人手完全唔夠，想斟杯水都舉成分鐘手先有人埋黎。要改善下！