太平館餐廳

Open Now

Now Closed

中午時段,本來想去逸東軒, 全full😱唯有去第度啦.. 行咗幾步,發現咗太平館,好耐無食啦,諗住碰下運氣睇下有冇位啦, 有大把位☺️經理畀咗個卡位我, 我揀咗食瑞士雞翼配意粉,另外一個鮮茄焗豬扒飯. 午餐包餐湯餐包同埋餐飲. 餐湯有羅宋湯同埋粟米忌廉湯畀你揀. 我哋都係揀咗羅宋湯. 餐飲嗌咗咖啡同埋熱檸水. 餐湯餐包都係正常發揮啦. 焗豬扒飯好快就上, 個汁嘅顏色都有啲嚇人😰深啡色嘅😓豬扒係炸過嘅,配炒飯底. 唔好食😥如呢個瑞士汁雞翼意粉呢等咗30分鐘先出, 瑞士雞翼係好食嘅有四隻, 好滑👍個意粉都唔錯,唔係話淥到淋晒咁☺️咖啡都算喺呢啲餐廳嚟講唔錯. 唔使250蚊都收貨嘅.

最近有個好友要移民，大家諗住搵間餐廳可以一齊懷舊下，我就忽然諗起有好多好多年無去的「佐敦太平館餐廳」，所以就book位在這裡吃今次的歡送晚宴!當晚剛剛是復活節前夕，整間餐廳都滿座，熱氛非常熱鬧! 我們一行五人，坐了一張長枱， 我們order了兩個招牌二人套餐再加一個燒豬脾餐一齊share食! 因為大家都想可以一齊試到不同的地道招牌菜! 與此同時，仲可以食埋這裡的「經典特大梳乎里」甜品㖭! 我們非常期待期待!兩個**二人招牌套餐**： 海龍王湯(連牛油餐包)、 鲜蝦沙律、 瑞士汁雞翼、燒乳鴿、 煙肉炒雜菜、乾炒牛河、鹹牛脷飯，包甜品及 咖啡或茶。(價值$528 for two persons)*海龍王湯好鲜味，啖啖湯都有蝦肉，再配埋個熱辣辣、軟淋淋嘅牛油餐包，正!*鮮蝦沙律很有傳统中式沙律味道， 傑傑嘅沙律醬配埋薯仔、生菜、蕃茄和大蝦，别有一番懷舊風味!*瑞士汁雞翼，雞翼好滑，瑞士汁甜甜 地，非常惹味!*至於個燒乳鴿，本人就覺得隻乳鴿略為瘦一點乾一點，但味道尚可以。*煙肉炒雜菜就ok啦，味道一般， 勝在有些蔬菜可以在中段中和下!*乾炒牛河比想像中失色，味道和質感都好一般，沒有太大特別!

講到老香港扒餐，一定唔少得太平館，算係中上價格嘅舊式扒房。店員都西裝畢挺，彬彬有禮。可惜的是當天冷氣壞了，熱到成身癡立立。我最愛嘅牛油餐包，熱辣辣唔搽牛油都無敵好食，超級軟熟。見到隔離枱唔食，好想拎埋佢嗰個🤣[]裡面有兩隻蝦同幾舊魚，湯好杰身，唔算太好飲，有dd似麥當勞的龍蝦湯。[]有驚喜，係想像唔到嘅味道，裡面竟然有薏米，增加口感，好好飲。餐包點呢個湯，一流。[]唔值咁貴，而且我地叫五成熟，結果來了全熟，好韌，可幸嘅係無鬆肉粉嘅味道，依然有牛嘅香味。[]正常發揮，係正常嘅瑞士汁。[]好好味，牛舌比兩隻手指更厚，但一啲都唔韌唔硬，好軟好香濃，岑味係指Salmis, 加左肝煮嘅一個醬，配飯一流。炒底嘅飯好好味，粒粒分明。

當日和家人去茂林街的太平館餐廳食晚餐提早慶祝生日我們點了一個2人套餐和一個肉眼扒餐2人套餐包括以下菜色:餐湯- 海皇湯 + 餐飽簡評: 很足料, 有蝦, 帶子, 魚肉大蝦沙律: 有不少蝦, 不錯炒雜菜: 中規中矩, 份量蠻多燒乳鴿: 很香, 名不虛傅, 皮夠脆, 那些鴿肉很新鮮很飽滿, 不過size好像比幾年前細隻左燒豬脾: 其貌不揚, 不過那個汁做得很好, 正如他們在電視節目說那個汁是秘制,  並不是普通的各種豉油混合而肉眼扒餐的扒如下:家人說得對, 應該叫一些人家主打的食物, 這個肉眼扒, 老實說, 不是太好, 先是生熟度, 我們要5成熟, 但是出來的已經有7-8成熟, 而肉味方面也較遜色, 比花園餐廳的牛扒遜色, 但價錢太平館貴蠻多; 所以我不太建議點這個餐; 而2個餐最後都有甜品送, 但每次不同, 例如有小蛋糕, 燉蛋, 啫喱等等最終價錢: 2人餐:$438+扒餐:$256=694 * 1.1 = $763總結而言, 以我光顧幾次的小小經驗, 這一家餐廳的主打系列真的是名不虛傳, 例如燒豬脾, 瑞士雞翼, 燒乳鴿; 如果去到不知叫什麼, 燒豬脾, 瑞士雞翼, 燒乳鴿是推介的選擇