鳳雛燉雞

Open Now

Now Closed

[ #caloriefoodie旺角]• 鳳 雛 燉 雞 •🐿早排食完一輪麥炸雞 就勾起咗食韓式炸雞既癮於是朋友同我推薦咗呢家有韓國侍應既韓式餐廳同佢地用溝通既時候 真係有種去咗韓國旅行既感覺呢-🧀🍗芝士醬汁無骨炸雞 💰$128本身想試招牌菜鳳雛燉雞 但個份量實在太多我地得兩個人 又想試多啲野 所以都係食番炸雞!!無骨炸雞好貼心 可以啖啖肉咁咬 份量大約有9-10舊配上酸酸甜甜既韓式醬汁 加上超厚熱溶芝士 超級邪惡可以用芝士拉絲捲住舊炸雞一齊食 味道唔錯建議3-4個人分享 因為都幾滯 同埋芝士好快就冷卻 -🧀🍳芝士雞蛋卷 💰$88 長條型既蛋卷可以切開10小塊 加咗滿滿既茄汁同沙律醬中間仲夾咗芝士餡料 不過都係要襯熱食先最好食成何調味都唔錯 如果雞蛋可以滑滑溜溜就更加正-🥩牛肉炒粉絲 💰$98份量超級多 適合3-4個人分享食 今次食到要打包配料有杏鮑菇、冬菇等等 海量粉絲配上淡淡既麻油味整體感覺 無其他韓國餐廳整得咁油膩 粉絲口感彈牙-🍶西柚燒酒 💰$118食得韓國野 緊係要飲燒酒 最近同西柚燒酒有段故事呢款燒酒果味佔咗大多比例 而燒酒味超級超級小幾啱想飲吓酒 但又唔想飲濃度咁高既朋友

上個月食咗佢哋嘅晚市 感覺十分良好 今次見到佢嘅午市套餐平咁多 就即刻入去食啦 不過真係一分錢一分貨 💜年糕餃子拉麵配紫菜包飯本身以為係辛辣麵 黎到見到個顏色就覺得麻麻地 不過餃子都算好食 可惜得兩粒 紫菜包飯正常 比較意外係加咗好多菇 令到成件事冇咁dry 💙韓式拌飯配料都好足夠 但係略嫌切得太粗 搞到好難拌😂菜單上沒有寫明係咩肉 所以黎到先知係牛肉 另外上菜嘅時候仲會附上一大碟嘅辣醬 比我地自由加上 💚牛肉紫菜包飯表現正正常常 麻油味剛剛好 但牛肉很少 🤎終於到主角 - 鳳鄒燉雞分量非常多 四個人食都綽綽有餘 除咗雞之外仲有好多配料 好鍾意佢哋嘅冬粉吸晒啲汁 我哋另外加咗年糕 非常有口感 但整個菜式味道略嫌有點淡 唔稱得上正宗嘅嫩雞 雞肉也不夠嫩滑 不過勝在件件都大大嚿 🧡炒年糕年糕處理得非常QQ 仲有好多魚糕同菇 偏辣 💚牛肋骨湯飯清清地又好有牛味嘅湯 令人不禁一口接一口 牛肋肉嘅份量都OK 湯入邊仲有菇、蘿蔔同粉絲 都係好吸湯 不錯 ❤️炒粉絲非常出色的炒粉絲 味道非常濃郁 粉絲都好滑 絕對可以encore 💔豬手令人失望的豬手 好韌好難咬 而且啲豬手仲有毛 味道方面 豬手醃

今日同fd出旺角買野兼食埋dinner，行到9點揀左間韓國野去食。嗌完野就會上前菜先。等左陣就有牛肉炒粉絲，一上枱就已經覺得好香好大碟，粉絲有醬油既味道，好入味，牛肉都算嫩滑，配料好足，啲冬菇幾香滑。辣味炸雞全隻好大份唔算好辣，個汁好惹味同juicy，啲汁滿滿包住左啲炸雞，雞好嫩滑，外脆內軟，薯條都新鮮炸起好好食。其實都見到好多枱都嗌左燉雞，不過諗住遲d帶埋屋企人多d人先黎再試，同埋覺得佢呢度d野食都偏大份，所以個炸雞都有幾舊要打包。嗌左杯藍檸檬梳打share，一飲覺得比較甜，感覺幾fresh既，飲到底就有小小酸。

上次食完個燉雞就飽左，無緣試食其他菜式，今次一行二人決定再黎挑戰炸雞幾中意食前菜既醃青瓜，爽甜無草腥味，好開胃。炒粉絲口感比炒麵清爽輕盈，濕潤不油膩，岩哂夏天食加入蘿蔔絲、杏鮑菇、韮菜、洋蔥絲同牛肉拌炒，鹹中帶甜，非常惹味，菇片洋蔥同牛肉既配搭同時突出左肉香既鮮美炸雞每件都有半個拳頭大小，有八件，雖然炸粉偏厚，但入口香脆、唔會好粉，雞肉飽滿。芝士好多，夠蘸哂全部炸雞，而且無溝稀但個人覺得落太多雞醬，令整體味道偏甜，如果加啲辣應該會仲香口但中意甜酸醬既人應該無呢個問題。臨尾先見到平日有lunch menu，正價8折仲免加一，好抵食