李家 (筲箕灣道) (Closed)

🎀 半半炸雞（可選無骨/有骨，無骨/有骨以及不同口味價錢略有不同）▫️ 甜辣炸雞（無骨）（$103）有無骨同有骨嘅選擇，懶人最愛無骨 🤭。雞肉用上黑椒、韓國啤酒、燒酒等等腌製24小時以上。無骨炸雞平時比較容易鞋，不過呢一份肉質相當唔錯 😙。整體份量好大，炸得非常香口，好食 🫶🏼。▫️ 芝士味炸雞（無骨）（$118）同樣揀咗無骨，呢一份就揀咗無汁嘅芝士味，芝士粉好多，同樣份量好大。✨ 牛肉炒粉絲（$158）份量同樣好大 🤣，粉絲索晒甜甜哋嘅醬汁非常入味。✨ 芝士雞蛋卷（$158）相比之下唔算非常突出嘅一道，蛋卷一切開有拉絲，中間芝士份量好多 😗。·係香港擁有多間分店嘅第一代韓國菜，我自己之前食過荃灣店同尖沙咀店，今次就嚟到西灣河店，感覺上幾間分店水準都幾一致 😗，整體嚟講味道唔錯，且份量相當大，午市同晚市仲有Set（更抵！），性價比都幾高 😙。順道一提除咗荃灣店、尖沙咀店、筲箕灣店，另外仲有兩間分店分別位於灣仔同大角咀（港九新都有 😄）。·🧾 需加一服務費💰 $564❤️ Follow @852foodietraveller ✨

✰Pick n’ Mix! 原味+芝士味無骨炸雞 ($93+$113)冇諗過有咁多😂如果知道應該唔會嗌個粉絲🥸呢個炸雞都幾脆幾juicy😍就算攤凍咗少少都唔會話有油溢味或者變淋😋我自己覺得原味好食啲😺因為芝士對我嚟講有啲漏🧀但🧸表示芝士味好食啲，芝士粉同炸脆咗嘅雞皮夾得天衣無縫🧀食落就知同快餐店嘅翻炸嘅炸雞係兩個甚至三個完全唔同嘅層次，真係好好食😋 雖然價錢唔算平💸但間唔中去食下過下口癮真係爽😆特別鍾意隻芝士味炸雞，食完簡直齒頰留香🤤✰牛肉炒粉絲 ($128)份量的確好足😗牛肉都好多🐄味道偏甜，但正正常常、不過不失咁🉑呢個價錢嚟對於我哋嚟講唔係好抵啦🙈最後都係食唔哂要打包走😂㊙️前菜會有醃蘿蔔同千島醬生菜🥬同埋會有加一服務費喔🧶事關食唔哂😥當然唔好浪費食物🤧拎咗個外賣盒🥡外賣盒係要收$2再加一喔~

星期六同老公行完犀牛石，搭巴士返西灣河，順道食個早晚餐。行完山消耗左體力，就有藉口食啲邪惡食物，於是去左食韓國炸雞。前菜食完可以加添。半份無骨青辣椒蛋黃醬炸雞跟洋蔥半份既份量都幾多，即叫即炸，熱辣辣，外皮炸得香脆，醬汁幾惹味，啖啖肉。牛肉炒粉絲上碟俾佢個份量嚇親，超大碟，除左牛肉，配料都好足料，超飽肚。韓式魚餅湯上碟出晒煙，魚餅有三款，仲有白蘿蔔、豆芽，好有韓國感覺。飲品又係好大杯，西柚梳打同檸檬梳打都好夠氣，好消暑。