李家 (筲箕灣道) (Closed)

星期六同老公行完犀牛石，搭巴士返西灣河，順道食個早晚餐。行完山消耗左體力，就有藉口食啲邪惡食物，於是去左食韓國炸雞。前菜食完可以加添。半份無骨青辣椒蛋黃醬炸雞跟洋蔥半份既份量都幾多，即叫即炸，熱辣辣，外皮炸得香脆，醬汁幾惹味，啖啖肉。牛肉炒粉絲上碟俾佢個份量嚇親，超大碟，除左牛肉，配料都好足料，超飽肚。韓式魚餅湯上碟出晒煙，魚餅有三款，仲有白蘿蔔、豆芽，好有韓國感覺。飲品又係好大杯，西柚梳打同檸檬梳打都好夠氣，好消暑。