一門 (Closed)

又係一個月一次既紀念日，揀左去一門。為了給女朋友一個驚喜，突登一早book定位。女朋友非常歡喜。環境：燈光較暗，非常有情調，適合情侶談情既地方。食物：沙律，非常開胃既沙律招牌蟹肉玉子燒，一定要點既食物，蟹肉鮮甜蛋又滑和牛鍋：和牛+脆脆鍋巴，好好食燒牛舌：都OK有牛味，不錯的食物雞軟骨：普普通通，沒有特別牛肉石頭飯：好似韓式石頭飯，加上有我喜愛既泡菜，味道很好紅豆綠茶糕：超好食，必叫之選再來之選~

就黎生日, 軍曹約好哂人, 同我食番餐生日飯 食番之前問極都唔肯答我係邊度食, 原來係黎一門A__A 之前琴姐同我講過話佢食過, 所以我都想試下, 咁岩又好耐冇食過日本野, 岩哂! 入面燈光好暗, 好鬼有feel, 岩哂一班人黎食飯傾計, 坐番三四個鐘! 我地6 個人, 叫左好多野食, 食到我好好好好飽 炸芝士 - 我好鐘意食芝士, 佢芝士味好重, 熱辣辣。因為佢份量少, 所以我只係食左半舊, 我相信食得多會好膩。 鐵板帶子蝦煎餅 - 我食唔到有帶子.... 食落去既時候只係食到好多麵粉, 而且唔熱, 更加難食。 炸蟹肉忌廉 - 一碟得2 舊, 所以我地又要分黎食。我覺得佢冇乜特別, 好似酒樓哥d 咁。忌廉多, 蟹肉少。 燒牛舌 - 佢個牛舌真係唔錯! 好有牛味, 燒完加左鹽係上面, 真係好正。牛舌都算大片, 但一串要$25 得3 片就貴多d。 雞軟骨 - 普通, 冇乜特別。同其他地方食既炸雞軟骨一樣, 只係冇加lemon juice。 厚燒玉子 - 蛋加蝦, 但我覺得佢普通。蛋唔夠滑, 亦都唔叫厚, 大快活早餐炒滑蛋仲好味。入面加左d 蝦, 冇蝦味, 蝦既份量太少, 加落去唔知作用

在芸芸眾多日本餐廳中，要留意到每一店的特色是絕無可能，而這間「一門」受注意，卻是從討論區起，看過食家介紹一個很經典的食評，惹來被三百多個留言回應和謾罵，而餐廳的經理和員工卻因而受到高度評價和同情，是始料所不及，也可能因禍得福。約了友人來「一門」，甫入門是漆黑一片，燈光微弱，我們被安排坐吧檯，因其他檯已訂滿了，也好可看看師傅的廚藝。我們商量後，點了眾多食友推介的蟹肉厚燒玉子，鰻魚鍋巴茶漬，帶子串燒，芝士雞肉串燒和牛肉石頭飯，而廚師推介了鮑魚給我們，餐牌上是沒有的。因他們不供應茶水，遂點了一壺日本綠茶。這店的服務是週到的，送來的一壺茶，侍應禮貌地告訴多浸一會待出味，雖然祇是一句話，但令人感到很體貼，然而，喝一口，發覺是自己不太欣賞的玄米茶，我沒有要求更換。我們先試串燒，帶子一串有四粒，肉質和味道算過得去，帶子不會是爽口彈牙的質素，芝士雞肉是新派做法，很多日本食品也加了芝士，比單吃雞肉串燒，多了些甘香。鮑魚一碟約有四隻，每隻的大小與五元硬幣相若，是先蒸熟再用汁煮，每隻切開幾塊，彈牙，所附有的醬汁太鹹，光吃較好。蟹肉厚燒玉子是這店的招牌菜，是日式奄列，蛋皮煎得很薄和嫩，內藏蟹肉，肉質鮮美多汁，

我地book左 2, 3次先book到呢~~上到去果然好full呢!我地點左:溫泉蛋 - 幾好味呀~ 配埋個汁幾正, 但我唔鐘意咁多蔥~蟹肉玉子燒- 我覺得好好味呀~~蛋好滑~好多蟹肉, 應該用左甜醬油煮, 個汁好香好味呀!!帶子薄餅 - 麻麻地.....無乜味~ 但脆卜卜牛肉石頭飯 - 都ok~ 無乜特別~ 我自己就覺得有d油膩甜蝦刺身 - 好新鮮! 肥美我覺得呢到好抵食, 質數又好, 會再來食, heehee

兩個人點左四樣野:1) 芝士雞肉串燒2) 蟹肉玉子3) 牛肉石頭飯4) 軟殼蟹卷芝士雞肉串燒 - 芝士迷必吃 蟹肉玉子 - 玉子係呢度既招牌菜, 當然係無得頂!牛肉石頭飯, 牛肉其實唔多, 不過個醬汁同埋d配菜幾好味軟殼蟹卷 - 無乜特別.. 一碟八件, 仲有一隻軟殼蟹, 幾油下. 可能只係兩個人食既關係, 食到第三件已經唔想再食, 覺得好滯見到隔離"木台"叫左薄餅, 好似幾好味咁, 下次去要試下先呢度最唔好就係燈光太暗, 影相難之餘, 睇menu亦幾辛苦

餐館不難找，地鐵出口的同1棟樓便是了，早點去希望不用等，上到4樓六時許，服務生話八點三要交檯，ok的有兩個鐘乜都夠，店內有點兒黑暗，再光少少會比較好．．坐低連茶都無，詢問之下才知道原來開壺茶都要錢，$28-$3x不等，開了壺綠茶$28，那就先叫飲品，見巨峰汽酒粉紅色的幾得意就要了1杯，朋友則要了杯梅子燒酒。 點了明太子燒魷魚鬚、雞肉湯烏冬、牛肉石頭飯和咖哩雞素冷麵，沒有試店裏出名的蛋物，因為沒有做好功課，可惜可惜！魷魚鬚燒得還可以，放上幾絲紫菜蠻對味的，烏冬比想象中大碗許多，料也是鋪滿面，試了口湯比較清淡，看上去好似好清好齋，配著各種不同的素菜，烏冬夠彈牙，不錯！I朋友的牛肉飯熱辣辣冒著大煙上檯，看起來很不錯，他說牛肉越咬越有味，非常不俗，飯焦脆脆的不粘碗，看起來很香，我的素冷麵則是最少份量的，可能不習慣，麵總感覺太濕了，又太淋，好似浸水過久發起的麵，亦有沒有過冷河的那種粘粘的味道，可能是不識貨吧，真的不太合口味，咖哩汁是甜的，材料也是非常地齋，好似食素甘，雞肉並不多，感覺這裡吃得比較健康，可惜不太合我胃口，看來是點菜經營不足的問題了！不過朋友和老婆都讚不錯，大概是我的問題了。