相馬日式火鍋 荔枝角

Open Now

Now Closed

火鍋放題真係豐儉由人，好似 <相馬日式火鍋> 嘅晚市火鍋放題，最平 $158/位已經有交易，最貴 $338/位。晚市任食90分鍾。呢度打邊爐仲要係一人一鍋，咁就可以揀自己鍾意嘅湯底。今次我地揀咗最平嘅美國進口牛肉 $158/位。而湯底有六款 (清湯 / 甜豉油 / 蕃茄 / 豚骨 / 中華辣湯 / 泡菜) 基本嘅選擇，如果要啲特別湯底 (牛乳 / 牛腸鍋 / 芝士)，都可以加錢~中華辣湯 – 侍應話即係麻辣湯，味道唔係太辣，但都幾惹味。牛腸鍋 +$38 - 牛腸肥美，食落無異味。配上大量韭菜、芽菜、椰菜、辣椒，味道唔錯~落單後，侍應先送上湯底，隨後送上牛肉，豚肉同雞肉。食完仲可以無限追加。出面有自助飲品、醬料、火鍋材料、雪糕，全部都係任食。醬料區飲品櫃都有唔少款式供應，連韓國飲品都有得選擇~ 有我鍾意嘅樂天芒果汁，芒果味道特濃。基本嘅火鍋材料 : 菇類、丸類、麵類、芝士腸、豆卜、嚮鈴、午餐肉、蔬菜……食咁多肉，梗係拎啲蔬菜食啦~ Milk Top雪糕都係任食~ 有芝士，綠茶同芝麻口味。Milk Top係日本品牌，係用北海道嘅3.6牛乳整，正~

昔日的荔枝角充滿工廈，今日的荔枝角則充滿工商大廈，當中當然包括不少隱世食肆，穿插在工廈內，加上平日晚上，一眾上班族都紛紛離開，為這一區帶來異常的平靜，好讓我好好享受這一頓晚餐。 價錢分兩種，我們點了最便宜的方案，另外再加了海鮮!!湯底今次想點特別一點的，我點了牛奶味，另一個店長推介辣味，所以就試一試！ 牛奶有濃濃的奶香，又可以中和一下旁邊的辣味。很多時，日式火鍋的辣總覺得不夠好，這家的比較像港式的，所以比較好吃，而且辣度剛好，又很香，真的值得推。 肉來了，我們豬、牛、雞都點了， 牛肉有驚喜，比起一般連鎖店的來得美，脂肪比例比較均勻，而且也不會太薄切，吃多兩碟就可以回本了。 海鮮拼盤有蠔、帶子、蝦、珍寶貴妃蚌、聖子等等，份量不算很多，但勝在夠新鮮，這是很難得的，所以 Lucas 覺得很值得加海鮮吃。

去完工厦 shopping 後，醫肚是常識吧！經過地鐵站口，見到介紹$168日式火鍋放題，又試下先鴛鴦鍋，揀左豚骨、番茄🍅湯底，有龍蝦丸、黑椒牛丸、珍珠墨魚丸......，我較喜歡食黑椒牛丸，夠爽美國牛帶少少肥膏，配上日式芝麻醬還有豚肉及雞肉也是任叫的向配料區可以揀選各式各樣的蔬菜、菇類、丸類還有海鮮拼盤，蜆、韓國蠔、虎蝦、聖子、帶子、手打墨魚滑，都幾新鮮各式茶類、汽水、雪糕都可以任食餐廳位置寬鬆，唔侷促