野郎Stone (Closed)

係橫巷入面既野郎石燒 麻雀雖小但認真有料簡直係我既飯堂 去過幾間石燒但始終覺得哩間最好食筆者寫哩篇食評先發現佢已經執左🥺🥺🥺 遲下去下佢其他分店先出面有部自助餐點餐 有單點牛或者套餐 如果想比現金要入去同職員講套餐會包：麵豉湯，沙律，飯/意粉/薯蓉，飲品（啤酒要另外加錢）全部都可以無限refill架 （除左啤酒）我次次黎都係點 牛肋間隔膜200g套餐 跟薯蓉朋友就點左肉眼 麵豉湯：普通沙律：椰菜配芝麻醬 乾身 多啲醬會好啲薯蓉：滑 有啲似某快餐店果款薯蓉 個人覺得配薯蓉最好牛肋間隔膜⭐️：唔韌 無根 厚身 放得耐都唔會太熟 之前試過朋友點既其他部分都會有小小韌餐廳有提供唔同醬汁比大家送牛 不過我覺得就咁已經好好食！最後比個溫馨提示大家：食石燒唔好切哂一片片先享用 應該切一塊食一塊 因為佢一片片會好快熟透 咁就好容易太韌甚至燶！

尖沙咀開了一所日式自助機燒牛肉，在販賣機可以選不同部位和重量，幾有趣！ 選了牛肋間隔膜位置，人一次物一次當然選特別些，有套餐選擇。進店把收據給店員，就可以等食。店員好有禮貌，見到我們在門口，就教我們用自助機，如果沒8達通，俾現金可以交店員。見到牆上牛牛公仔畫好可愛桌邊位置還有教如果吃牛扒方法想幾成熟自己控制附近有個架子有岩鹽，醬汁，沙茶醬，蒜蓉等……感覺牛扒來到，先切開粉嫩非常漂亮，原來間隔位置很柔軟，多汁，沒選錯。個人覺得牛味已經足夠，所以只洒了些岩鹽就可以！喜歡這款石板，切開一件一口，配飯好滋味又飽肚！無得去日本為有吃些日本菜，哈哈！牛肋間隔膜好厚身，所以口感好滿足！珍珠米軟綿綿，麵豉湯，沙律椰菜絲，各方面都很不錯，非常喜歡！飲品可以選罐裝可樂！衛生安全！

今日朋友帶我去食石燒牛，香港第一次食，牛扒可以自己選擇重量又有多重牛部位選擇，加$30可以意粉/飯，湯，沙律無限添加及汽水一罐。有一部機系門口可以自己落單，又有3種牛重量可以選擇，點左牛肋間隔膜300g加$30轉套餐。餐廳細細間但裝修又精緻。可以自己拎醬汁點。牛肋間隔膜，職員用廚房紙包住熱石燒防止油脂彈出，一陣拎開張紙自己可以控制牛肋間隔膜的生熟度。沙律是椰菜加芝麻醬椰菜好爽口配上芝麻醬更加美味，麵豉湯又濃郁。一邊切一邊燒牛肋間隔膜，肉質淋牛味濃郁，又不油膩配上蒜蓉片吃又好香，沾上牛肉汁又好入味。

2019年8月15日 星期四難得今日同女朋友出去尖沙咀揀婚紗相，揀完一輪覺得肚餓又想食牛扒，女朋友話尖沙咀有一間熱石牛扒好似唔錯，就拉我去試吓位置雖然唔太明顯，因為唔係主要街道，不過都唔算太難搵，沿途仲有指示入到去坐低左就見到牆上面有咁大幅畫，清晰指示左牛嘅唔同部位叫咩名，唔睇真係唔知道原來牛有咁多個唔同嘅部位牛肋間隔膜等左冇幾耐食物就送到，首先係我叫嘅牛肋間隔膜，有兩塊，仲要幾厚下，店員話可以自己決定熟嘅程度，一開始送上嚟嘅時候只有一成熟，我決定切開一嚿嚿燒到大約三至四成左右。食落去嘅時候好有咬口，充滿牛肉味，筋位唔算太多板腱女朋友點嘅板腱位置肉質較腍，容易切開，比較香口，不過筋位多過牛肋間隔膜，感覺上兩款都唔差成個套餐可以揀飯、意粉或者薯蓉，仲可以任添，一定食得飽。下次試吓黑毛和牛先

見到好多人都講呢間尖沙咀鐵板牛扒 咁我地都黎會一會佢先 6點鐘去到排已經有廿幾人排緊😣 到7點半先食到 好誇張❗️先前食過好幾間唔貴既牛扒 講真 我寧願比貴啲食好食既都唔想浪費左個quota 不過今次又唔太失望🤣牛肋間隔膜200g+套餐(任食飯/意粉/薯蓉、沙律、湯+一罐汽水)其實+$30要個套餐都真係唔貴 一定食到飽🤤本身諗住叫200g係過下口癮同試下好唔好食 點知原來份量都唔細😂食落相對有咬口 建議都可以煎耐少少先切😬.肩胛肉眼200g呢個係我覺得比較好食既 牛味比較出色😛 同埋唔會好多筋 唔錯！總體黎講埋單大約200蚊係好抵食 我地都推薦大家可以試試 不過我就等之後少d人排再黎食過 哈哈哈

（懶人又來隨心寫食評）9/5/2019終有機會試到一直想試的野郎stone， 6:40pm到，8成full (其實真係好少位），好彩2個可以直入。我地叫咗兩款肉各300g, share:圖2 肩胛肉眼：咁啱呢一舊有啲筋，同埋有d肥。肉味比較淡。圖1 牛肋間隔膜：感覺上肉味比較濃，同埋容易切，亦比較‘淋’身，就算燒耐咗都唔會‘un’.我地都有加$30 做set （包：一罐汽水、另外意粉、飯、薯容、沙律任食）。個薯容吾夠熱、白飯還好，但食吾出係日本米、同埋太淋、味噌湯真的有蜆，但比一般淡、反而個沙律（其實係椰菜絲上面有少少薯片碎）出奇地好吃，我食了2個。😋😋 之前睇openrice 話大排長龍，今日又唔洗，唔知係熱潮過咗定係咁岩。店內有提供唔同醬汁，但係我自己最鍾意食係白松露蒜汁，我用嚟撈飯😬😬 另外柚子醋就用來食沙律。雖然抽風（直情唔覺有抽風設備）麻麻哋。service 幾好的，負責全餐同點餐嘅都係同一個人，面帶笑容。佢啲肉都幾好食，又可以因應自己胃口去決定食幾多份量，所以如果有機會嘅話我都想試埋西冷同牛柳。

香港最近流行自助燒牛扒店！這次來到尖沙咀厚福街的野郎stone，提供不同部位的牛肉供選擇店家燒一分熟後就放上熱石上給我們燒，體驗當大廚的感覺，熟度自己控制、肉自己切+30元就能無限任食套餐，無限添加湯、麵、飯、薯泥，還附一瓶飲料，很划算店內狹小、位子不多，繁忙時間須等待，通風不太好，吃完整身油煙味點餐後很快就上桌了牛肋間隔膜 88/200g這次最便宜的竟然最出色牛味十足、肉汁滿滿，燒到五分熟吃起來嫩帶嚼勁，要切開才能燒到裡面有六種不同調味料，比較特別的是辣味噌和酸甜柚子醬，不過想吃牛扒原味的話點鹽和胡椒就夠了牛舌芯 138/原條牛舌一整條豪邁地燒，店員提醒記得全熟才能吃切成厚厚一片咬下去有彈性又脆，中間嫩嫩的，口感很好，還帶油脂超級香，每日限量！！想吃要早點去牛柳 198/300g牛柳雖然最貴，但是沒有牛肋間隔膜出色，肉雖然軟，但是缺少牛肉的味道，需要沾醬吃比較好

厚福街後橫街! 之前睇報導已經想試, 今日終放有機會! 以為落雨會少 d 人, 12:30pm 去到, 等到 1:15pm 先有位! 可以透過門口部機落單 (Alipay 比錢), 或者坐低先 order 比現金! 店舖細細, 好大油煙味, 幸好櫈下可放外套及手袋! 有5種部位選擇 本來想試牛面肉, 不過今日無)! 店主將牛扒燒約一成熟, 再放上熱石板上枱, 由客人自行燒至喜愛的熟度, 喳喳聲好療癒! 我選牛肋間隔膜 $88/200g, $138/300g, $178/400g (圖為300g) ~ 隔膜肉一般較瘦, 本來以為會較硬, 但係出奇地肉質細嫩, 有肉汁好有肉味, 有咬口, 一直食到最後一件理應係過熟的, 但竟然完全唔硬, 仲好軟淋淋! (300g 扒對我而言著實係有點多)! 肩胛肉眼 $88/200g,$138/300g, $178/400g (圖為200g) , 再配飯及薯蓉 (各 $10) ~ 肉質細膩, 肉香夾滑, 唔會靭之餘有咬口! 白飯 (普通白飯但較淋身), 薯蓉無味道及有點凍 (以上2樣都唔係我食, 道聽途的) 醬汁 ~ 白松露蒜蓉 (唔覺有松露味, 勁多油)

放工心血來潮想吃牛排，但又不想到花x餐廳，因為太難吃了...輾轉一番，朋友就找到了這間位於厚福街內新開的石板燒。這家店有一點特別之處，就是可以在門口的售票機先售票，有點像日本的風格，但只接受支付寶。如果沒有也沒有問題，因為仍可人手下單的。店舖店積不大，只有12個座位，幸好等了20分鐘就被安排入座。牛扒有六種，份量亦有三款可供選擇，加30元還可以轉套餐，無限添加白飯/意粉、麵豉湯和沙律。點了一份牛肋間隔膜(300g)$138牛扒上桌時會用一張紙巾覆蓋著，這是為了避免油脂彈到客人身上，非常貼心由於石板的熱力很強勁，所以店家只將牛扒燒至三成熟，好讓客人按照個人喜好一邊吃一邊將牛扒煮熟。肉質非常鬆軟不韌，牛味濃郁，不用再調味已經非常好吃