金叔叔

Open Now

Now Closed

去觀塘工業區尋寶行到餓，意外發現新開嘅韓式餐廳2個人嗌咗Set餐🥄湯怪嘅我哋嗌咗牛骨湯，肉好多舊湯好夠牛味👍仲伴有芽菜同京蔥絲～🧀芝士泡菜餡餅 可口脆身配埋泡菜+芝士嘅配搭餐前小食係唔錯嘅選擇～🍯蜜糖芥末炸雞，大大盆仲要冇骨啖啖肉😋肉質唔柴都幾滑配埋蜜糖芥未好開胃～🐮板燒牛肉石窩飯 ，嚟到熱辣辣牛肉幾嫩滑配埋撈勻嘅黃黃啖啖蛋香滿滿～店內播住泡菜歌曲可以邊聽歌邊食，整體食物份量大，價錢唔貴幾抵食

餐廳空間大，裝修以黃色為主調，非常搶眼~🥘京蔥豚肉石鍋飯 $82熱辣辣嘅石鍋飯，份量都多，非常飽肚。鍋裏配餸非常豐富，裡面有豬肉片，同埋各式嘅蔬菜，包括：芽菜、泡菜、蘑菇同埋生雞蛋。喺鍋裏將食材攪勻後，所有食材嘅風味充分融合，好吸引~🍲牛骨湯 $88牛骨湯味道濃郁鮮美，湯足夠兩個人各飲兩三碗。湯裡面仲好足料，有一大舊牛骨，好幾塊牛肉片同埋大量芽菜。🍯蜂蜜牛油炸雞（大）$168份量好多嘅炸雞！炸雞外皮酥脆，內裡肉質紮實彈牙。炸雞更有唔同味道可以揀，我地揀咗蜜糖牛油，食起上嚟味道清甜，唔會覺得甜膩。🥔炸薯格配蜜糖芥末醬 $45薯格外皮金黃酥脆，食落去唔會覺得過乾亦唔會有過多嘅油膩感。搭配蜜糖芥末醬，感覺清新！宜家新開張期，晚市買任何主菜就有汽水送。我地各自揀咗韓國嘅青提子汁同甜米露。🧃青提子汁味道酸酸甜甜、好解膩🧃甜米露味道甜，有唔少米露喺罐內，飲嘅時候可以食到埋。