金叔叔

Open Now

Now Closed

約咗個舊同學傾下工作嘢，因為大家算喺同行，互相交流。由於佢晌觀塘區工作，所以，地點由佢發辦。佢就話不如去「愛琴坊」呢個美食廣場啦，到時可以睇下揀想食乜，結果，就揀咗「金叔叔」，我就同佢講正正十月尾就計劃咗去首爾 hea遊。上文都講咗呢個喺美食廣場，晌門口位就見到裡面有6間餐廳，地方都幾大，間咗兩大個區域，感覺都幾闊落，加上「金叔叔」呢邊以黃色做主調，睇上去非常之搶眼醒目。拎張餐牌埋位慢慢睇，晚餐包汽水及細份小食或前菜，大類分咗便當系列、無骨炸雞系列、石鍋飯系列、韓Soup系列、傳統韓風系列、拌飯系列，晌出面櫃枱落完單，食物就會由店員送上。雖然我哋兩個各有各點，不過，嚟到當然喺「些牙」食啦， 試吓多啲嘢嘛！大豆芽、菠菜（跟餐）想食得健康少少，無揀小食，揀咗兩個都喺前菜，分別喺大豆芽同菠菜，雖然睇落好似普通嘢，但喺韓式嘅前菜向來得有一手，食落感覺都幾清新健康。板燒牛肉石鍋飯 $85個石鍋飯賣相掂喎，飯面有非常多餸料，燒牛肉 、大豆芽、菠菜、泡菜、甘筍絲、青瓜絲、煎蛋，最簡單嘅食法就喺撈均晒所有嘢，再加少少韓式甜辣醬，食味一流，又夠營養。蜂蜜牛油炸雞 $93碟炸雞亦都做得似模似樣，炸雞件都有

🇰🇷 Tonight, my friend and I are meeting up in Kwun Tong. We chose to have dinner at this new Korean restaurant that just opened. The prices are very affordable and the value is high. We ordered a lot of food, including:🍲 牛骨湯 Korean Shorts Ribs SoupThe beef has generous portions, and the sweet soup broth combined with the beef bones makes it very fresh, sweet, and warm to the stomach.🥌 板燒牛肉石鍋飯 Grilled Beef Stone Pot RiceThis beef stone pot rice is very healthy, with various vegetables and a raw e

實不相瞞，我都幾鐘意去hungry 韓國人個間連鎖快餐食石鍋拌飯，自從佢少左分店就好少食... 今日行過鴻圖中心地下愛琴坊見到有間Uncle Kim 全店蛋黃色又送野飲，咁就食番一波！叫左個basic 牛肉石頭飯，石鍋上熱辣辣，拌飯醬同韓式辣醬分開上，中間蛋黃超靚仔又夠香，肉片配料份量多：泡菜、波菜、蘿蔔、芽菜、冬菇、芝麻，飯又多，米又煮得香（大碗過hungry好多）又送野飲，好夠飽，同埋d配菜撈飯好好味。無骨炸雞有細份(200g)同大份(400g)揀，黎碟細份先。蜂蜜牛油味都幾過癮，雞粒shake 左蜂蜜牛油調味粉，又沾滿韓國粟米糖漿，個炸皮有麥樂雞feel，入面係無骨真雞肉，啖啖肉岩我呢d懶仔。買飯仲送粒韓國南瓜糖俾我清甜一下，sweet! Fix your bibimbap cravings at Uncle Kim and try their honey butter fried chicken, feels like McNuggets but comes with real boneless chicken meat inside. Enjoy free canned dr

鴻圖中心Food court 都係飯堂之一，經常來食晏同晚飯，近日見有間新野叫金叔叔食韓國菜，就黎試下佢。有好多野都來試🤤叫多幾款先。⭐板燒牛肉石鍋飯店員提醒個鍋好熱要小心😆輕輕手放辣醬同醬油落去撈混先，配菜係石鍋飯常客，有大荳芽、泡菜、菠菜、冬菇片、紅蘿蔔絲等，仲有一隻蛋同數片肥牛，份量上唔少。味道夠香口，仲有飯焦添，正🤤⭐蜂蜜牛油炸雞揀左蜂蜜牛油口味炸雞，呢度用無骨雞塊，啖啖肉好正。蜂蜜牛油雖然係又鹹又甜，但夾埋一齊又好好食。呢碟係大size黎，足足有400g雞，好滿足😋⭐雪濃湯朋友話試下雪濃湯，睇韓劇成日見，但實際上又未試過😌入口係濃濃嘅牛肉味，見到有滑牛片、肥牛片同牛展片，飲多幾啖有荳芽味，多料味濃郁，配個白飯應該會好正。⭐泡菜芝士餡餅無泡菜煎餅叫就試下泡菜餡餅，夾餅入面係切碎嘅泡菜同芝士🤤酸酸辣辣仲有芝士拉絲，勁好食。⭐可樂 & ⭐烏龍茶飲品有罐裝汽水同韓式，仲有支裝燒酒，要左無糖可樂同烏龍茶，雪到冰凍正呀。叫得太多超飽呀😂啲野好好食，下次黎試埋其他想食嘅先。

呢個晚市套餐真係好抵食！有一個主食再跟小食同飲料🥤埋單唔係$100 一個人♡蜜糖芥末炸雞 🍗$93講下嗰個蜜糖芥末炸雞，啲皮脆卜卜，雞肉又嫩又juicy，蜜糖同芥末嘅味道撞埋一齊，又可以解炸雞嘅油膩，食完真係停唔到口。評分：🤍🤍🤍.8/5♡辣炒年糕🔥 $72辣炒年糕就更加唔使講，啲醬汁又香又辣，年糕煙煙韌韌，咬落去好爽口，嗰種辣得嚟又帶啲甜嘅感覺，正到爆。仲有啲配菜，有蘑菇，椰菜，同洋蔥🧅評分：🤍🤍🤍.6/5再講埋啲小食，炸魷魚（2件）炸得啱啱好，唔會太油膩，啲魷魚鮮味十足。紫菜卷（三件）就清新啲，啲材料夾得啱啱好，食落去好滿足。最尾仲有杯飲品，揀自己鐘意嘅味道，真係perfect！呢餐真係物超所值，係香港食到平價嘅韓國菜

觀塘鴻圖中心一個好似food court嘅位置，有間韓國菜，呢度先點菜，再搵位，就好似food court咁。蜜糖芥末炸雞 HK$93比起出面嘅韓國菜，佢都幾大份幾抵食，而炸雞有D似麥樂雞，不過再大粒D。牛骨湯 HK$88估唔到個牛肉係勁香牛肉味，同埋肉質都不錯，呢個可以一叫。板燒牛肉石鍋飯 HK$82滿滿的配料，份量非常多，2人share食都好夠呀。泡菜芝士餡餅 HK$42芝士味好濃，配埋泡菜又酸酸地咁，應該唔係個個喜歡的。

《金叔叔の食評》 by@ihungry.hk喺香港食地道韓國菜一地係貴？NONONO🔥！小編今日帶你食一間超高CP值嘅地道韓國菜🇰🇷，就係位於打工仔工域嘅觀塘，喺鴻圖中心嘅金叔叔！金叔叔主打多款正宗韓式料理與小食，價錢親民又高CP值，仲帶你還原返當地食韓國菜嘅味道，各位喺觀塘做嘢打工仔絕對要去試試🥰！🔸『二人套餐 - $383』▶️炸薯格配蜜糖芥末醬薯格酥炸至金黃，外脆內軟，再沾上自家調製嘅蜜糖芥末醬，蜂蜜香甜與美乃滋味交織，好食到停唔到口🔥！▶️蜂蜜牛油炸雞炸雞皮酥肉嫰🐔，外層金黃誘人，一啖滿口即溶嘅蜜香味，同新鮮嘅雞肉味交織，絕對同當地食嘅韓式炸雞有得Fight!▶️豚肉石頭鍋飯豚肉嫩滑多汁，石頭鍋將米飯慢慢燒熟，飯粒香糯帶有石頭鍋獨有嘅香氣，一口飯配一啖豬肉，再加埋新鮮韓式小茶同半熟蛋，絕對係多重滋味😍😍😍！▶️牛骨湯熬製數小時嘅牛骨湯🐄，湯底香濃鮮美，滿口都係牛肉嘅原味，食完濃味嘅韓國野之後，再飲啖熱辣辣嘅牛骨湯，超解膩超爽！▶️韓國罐裝飲品套餐仲可以自選2罐韓國罐裝飲品，呢個價錢絕對係超高CP值👍！🤪iHungry肚餓指數：7.5/10

🇰🇷觀塘驚喜韓食店🇰🇷-今日去左行觀塘突然想食韓國野🤭就試左依間金叔叔😬估唔到石鍋飯同炸雞都好有驚喜🤩而且價錢唔貴👍🏼環境又舒適-🥙辣炒雞柳肉石鍋飯雞柳肉鮮嫩份量多😋辣味適中搭配埋香噴噴既焦香石鍋米飯👍🏼整體口感豐富🤤前菜選擇咗好香蒜香味既菠菜🥬-🐥蜂蜜牛油炸雞外脆內嫩既炸雞🍗配搭上香甜既蜂蜜同牛油🍯甜而不膩之餘肉汁亦都好豐富😋前菜選擇咗紫菜卷🤤一共三件煙煙韌韌好好食-🫛大豆芽新鮮既大豆芽口感好清脆爽口😋搭配簡單既調味反而帶出咗大豆芽既味道👍🏼-📍 金叔叔觀塘巧明街94-96號鴻圖中心地下5D&E號舖-

✨✨觀塘愛琴坊新開既的韓國餐廳，地道的韓式炸雞同套餐價都算吸引，而且份量好多，兩個人食係飽住肚走。✨✨📍 板燒牛肉石鍋飯熱騰騰的石鍋盛著香氣四溢的米飯，牛肉片在鍋中微微煎焦，散發肉香，搭配新鮮的蔬菜與蛋黃，口感層次分明。📍 蜜糖芥末炸雞（大）外皮炸得金黃酥脆，咬下去的雞肉鮮嫩多汁。蜜糖的甜味與芥末的微辣平衡得恰到好處。📍 牛尾湯第一次見湯係滾住咁上枱，湯底濃度剛好，飲得出好香既牛肉味，牛尾經過長時間慢煮，肉質軟嫩、湯汁鮮美，湯係一口接一口咁飲。📍 炸魷魚（半份）魷魚炸得外脆內嫩，味道鮮美，不過如果可以再乾身D就好啦。本身以為半份係開胃小吃，點知原來都幾大份。🔹🔹🔹🔹🔹🔹🔹🔹🔹🔹#金叔叔 (觀塘)觀塘巧明街94-96號鴻圖中心地下5D&E號舖🔸🔸🔸🔸🔸🔸🔸🔸🔸🔸 #觀塘美食 #觀塘好去處 #觀塘食好西 #觀塘好去處

1. 甜辣炸雞個汁係韓式甜甜辣辣，外皮好脆，都幾好食，而且份量都好多。2. 雪濃湯好多配料，好多豬肉片，而且個湯好鬼濃，熱辣辣，都幾好味！3. 辣炒芝士年糕個醬汁好濃鬱，甜甜辣辣，超好食，而且夠多醬，加埋大量芝士，好好食，最緊要係啲年糕夠能夠淋，夠軟糯，煙煙靭靭，好好食！我哋覺得呢個係必食之選！4. 小食揀咗薯格炸到脆卜卜，有薯仔味，好好食！喺觀塘工廠區，好少有韓菜食，呢間都算係一個唔錯嘅選擇，而且服務都幾好！

香港有咁多主打國家料理既餐廳，以我觀察，日本同韓國菜相信應該係最多人鍾意食～而我都好鍾意食韓國料理！知道近排觀塘工業區附近新開咗間韓國料理既餐廳，間中都會口痕想食韓國野既我，當然要物色下邊啲餐廳整得好味，即刻去試下味道如何！✎ 蔘雞湯白飯及前菜套餐($105) 8/10叫之前其實都幾驚個蔘味會好濃，味濃會好難食，但係反而呢個湯既人蔘味冇呢個問題，味道甘甜清香，相對淡淡的，再帶點雞味，湯口感幾濃稠～好好飲同好易入口！入面有啲雞肉、豆芽同埋一啲飯粒。飯相對黏同軟滑，冇咁乾身同粒粒分明。套餐仲包一份細份小食、前菜同嘢飲。前菜有菠菜同泡菜，菠菜加咗蒜粒，鮮甜爽口，入口充滿蒜味，而泡菜相對較酸同埋辣辣地，都幾好食。小食方面，我地叫咗韓式煎餃2隻。煎餃外皮酥酥脆脆，咬起上黎喀滋喀滋，入面餡料飽滿，好多冬粉，鹹鹹地，軟腍可口。再叫咗罐忌廉溝鮮奶，解下暑～成個套餐份量都幾多，夠哂一個女仔食！✎ 芝士炸雞套餐($93) 8/10中間有啲芝士，如果份量再多啲就好！炸雞表皮似係加咗蜜糖牛油醬，甜甜地鹹鹹地嘅味道嘅醬料，食完第一啖就會再想食，令人垂涎欲滴嘅感覺～炸雞嘅炸粉非常薄，肉質勁細嫩軟滑，唔錯唔錯！小食

🔶🔷🔶觀塘美食廣場 新開韓國菜🔷🔶🔷。鴻圖廣場地下其實有個小小美食廣場，有唔同款式食物，呢排仲新開左間韓國菜，咁近我就當然要去試下啦。本身諗住開係food court都無咩俾期望去食，點知有驚喜wor。牛骨湯（$88）完全唔hea滾住咁上，有唔少牛肉，湯底清甜，如果冬天黎飲應該仲正。芝士部隊鍋（$65）又係滾住咁上，好掛住食部隊鍋不停食唔健康食品呢種感覺 🤣 有韓國公仔麵、午餐肉、腸仔，重要係有芝士！辣辣地勁滿足呀。蜜糖芥末炸雞-大（$168）食韓國菜點少得炸雞，新鮮炸起唔係d炸定硬雞。泡菜芝士餡餅-半份（$42）呢個餡餅用黎襯部隊鍋好夾呀

尋晚去咗觀塘工業區同朋友食晚餐，佢話有一間新開嘅韓國嘢食都幾好味，價錢親民，有好多款式選擇，有石鍋飯、無骨炸雞、拌飯、便當、傳統韓風、韓Soup系列等等....叫咗兩個套餐配小食板燒牛肉石鍋飯（$85)石鍋飯送上枱時，店員話小心好熱㗎。果然係石鍋飯，上枱熱辣辣。牛肉嫩滑，配菜有大豆芽、泡菜、香菇、紅蘿蔔和菠菜，中間仲有一隻雞蛋。令到整盤石鍋飯色彩繽紛，撈埋一齊食，味道唔錯。韓式餃子2隻：這裏的餃子比一般較長，入面有粉絲、肉碎和椰菜，煎到金黃色，非常香脆。蜂蜜牛油炸雞（$93)炸粉薄，外皮鬆脆，無骨而且又啖啖肉，份量好多，每舊炸雞都沾滿蜜糖，嫩滑多汁。炸薯格配蜜糖芥末醬：薯格炸得香脆，入口鬆化，沾上蜜糖芥末醬，食落唔會覺得油膩。📍金叔叔觀塘巧明街94-96號鴻圖中心地下5D&E號舖

觀塘（牛頭角地鐵站）中心地域嘅愛琴坊入邊有咩好食？金叔叔韓國料理就係答案。炸雞（芝士400 G）-主要味道由車打芝士粉包住雞柳肉。一口咬嘅哂嘅份量。無底深淵之多，同時間亦兼顧味道。絕對係抵食同埋推介之選。泡菜芝士餡餅-餡餅烤得剛剛好。口感非常好。咬落去係有靚韓國泡菜味同埋芝士味。容易入口。芝士炒年糕-未試過咁好食嘅年糕。口感係我食過最軟熟最煙煙韌韌嘅。肯定有秘方。醬汁方面：蒜蓉味重，雙色芝士加蔥，偏甜，以且可以用嚟沾炸雞。牛骨湯-湯味清甜。唔濃唔鹹。有好多塊燉湯用嘅牛骨肉添。送飯一流。總括：佢哋嘅份量的確係好多好抵食。所以價錢係公道。多蛋白質之選。而且佢哋嘅炒年糕好煙韌，口感係我食過最好食嘅。

係牛頭角都食到韓式野！係foodcourt到，位置方便又易搵！雞肉石鍋拌飯呢個飯可以話好抵食，配料多之餘仲有隻生蛋黃俾你一齊拌飯，增加香味，原底係泡菜口味，覺得味道唔夠重，可以自己加醬去拌！可惜嘅部分係飯太硬，撈埋一齊影響到個口感芝士口味炸雞（400g）感覺份量已經可以夠兩個人飽，炸雞係去咗骨，食落啖啖肉，唯一美中不足係芝士味唔夠重韓式芝士泡菜煎餅煎餅個皮煎得十分脆，而裏面嘅芝士咁啱溶溶哋，感覺十分滿足！雪濃湯呢個湯比到人驚喜，湯底十分之濃郁，而且牛肉份量都唔少，而且湯份量都好多成碗飲晒，其實都已經七成飽！啱啱開業嚟講，個人覺得好多都做得唔錯，都有啲進步空間，會再去食睇吓之後係點！