鉄人大盛 (Closed)

日式鐵板燒的優勝之處一定係即叫即燒，絶對火喉十足！早排朋友見到傳媒推介一間位於尖沙咀的鐵板燒放題，聽見都覺得吸引！餐廳位於地庫，地方勁大，而且比起旺角的放題店坐得舒服，而且乾淨企理(我有少量潔癖，頂唔順餐廳濕滑的地)，一入餐廳就聞到鐵板燒的香味！餐廳的食物有好多選擇，每枱食客都有兩大本點餐紙，一本係鐵板燒，另一本係刺身壽司及日本料理。食放題打頭炮當然係食刺身啦！每位食客都會送一隻肥美的牡丹蝦刺身，大隻之餘仲要有蝦膏添。刺身的種類都有唔少㗎～除了有三文魚、帶子、赤貝外，仲有唔係每間放題店都有的呑拿魚(雖然有筋)。整體都幾新鮮，我的玻璃肚食完都無事！壽司除了有片刺身係面的款式外，仲有炙燒及軍艦壽司。雖然海膽軍艦無點餐上的圖咁多海膽，味道係平常放題店的水準。餐廳有大約6個鐵板燒站，每個鐵板燒站都會負責不同的食材，之後透過職員再拎比食客。我同朋友仔都大推鵝肝，食物的數量比得夠足，我們兩個人要6件香煎鵝肝又真係比到足！多士吸取了鵝肝的油香，食落一軟一脆，真係會令人不停Encore！餐廳的蒜蓉燒蠔都好多人叫，食落果然無叫錯！蒜的份量剛好，蒜味唔會完全蓋過蠔的味。加上蠔肉唔會燒得太乾，所以保持到蠔的

「鉄人大盛」是一間以鐵板燒放題作賣點的日本料理。餐廳內部除壽司吧及鐵板燒枱外，製潢和風味不濃。一如其他日式放題店，餐桌上早已擺放了兩疊厚厚的點菜式。快速翻看一回，發現食品選擇和其他放題店其實也差不多，都是刺身、壽司、燒物、炸物等等。老實說，小編不覺餐單側重於鐵板燒美食，反而覺得少了日式料理鍋物等選擇。整體而言，各式刺身的水準較預期高，尤其是鮮甜肉豐的牡丹蝦 (限量供應，每人一只) 與甜美軟爽的帆立貝更值得推介。拖羅是唯一一款不達標的刺身，食感明顯不夠肥美甘香。壽司一如預期做工未算出色，點選主因是想吃刺身餐單沒有的款式，例如蟹柳壽司、軟殼蟹卷等。鐵板燒本為今次晚餐的主角，安坐大堂遠離鐵板燒始少了一重風味。泰式雞扒酸辣器醬汁調味佳，夠特別。蔥花牛肉即牛肉薄切，一向易獲小編青睞，建議追加蔥蒜份量以加強惹味度。其餘鐵板燒食品...燒物方面，延續帶子刺身的美味，牛油帆立貝也有不錯的發揮，甚為香口。燒菠蘿清甜多汁亦屬推介。其餘燒炸物...日本料理只有廖廖數款，味噌蜆湯蜆肉份量明顯不足，發揮不了海蜆的鮮甜滋味。放題任飲任食，飲品可在凍櫃自選。除一般汽水果汁外，更有清酒啤酒供應。H 牌雪糕任食都算是另