Read full review
2023-04-04
2237 views
大隻仔今次覓食嘅店舖就係💥 海老名沾麵 💥 大家知唔知邊個係「拉麵陳」?就係佢多年前將「豚王」拉麵引入香港,後來拆夥,自立門戶,喺香港建立多間日式餐廳小店,包括:海老名沾麵,宗像屋,長浜No.1,やき肉 Yakiniku,宗像牛肉屋,三拍子牛扒,同埋近期新開嘅 金所5.0。大隻仔今次介紹就係只賣3款沾麵既店舖「海老名沾麵」。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 蝦汁蕃茄沾麵 $99沾麵上枱前,店員會送上一碟小食:紫菜脆脆粒,可以直接食或者放入沾麵內增加口感。沾麵有三款味道可揀:蝦汁醬油,蝦汁味噌,蝦汁蕃茄,價錢分別為$79,$89,$99。每款沾麵已包含日本叉燒2片,糖心蛋,竹筍,櫻花蝦。蕃茄沾麵汁唔會太鹹,味道恰到好處,最出色係放中間既胡椒柚子醬,味道非常好。蝦汁非常濃烈,配上蕃茄湯都可以食得出蝦既鮮味,加上櫻花蝦,蝦味更加突出。😋😋粗身嘅麵條夠煙韌,掛汁能力強,每一條麵條都可以沾滿了蕃茄蝦汁。日本叉燒有火炙過,但唔夠大片又太薄身,食
💥 海老名沾麵 💥
大家知唔知邊個係「拉麵陳」?
就係佢多年前將「豚王」拉麵引入香港,後來拆夥,自立門戶,喺香港建立多間日式餐廳小店,包括:海老名沾麵,宗像屋,長浜No.1,やき肉 Yakiniku,宗像牛肉屋,三拍子牛扒,同埋近期新開嘅 金所5.0。
大隻仔今次介紹就係只賣3款沾麵既店舖「海老名沾麵」。
⋯⋯⋯⋯⋯⋯⋯⋯⋯⋯⋯⋯⋯⋯⋯
5⭐️ 超班
3⭐️ 一般/正常
1⭐️ 差
味道 ⭐️⭐️⭐️⭐️
抵食 ⭐️⭐️⭐️⭐️
服務 ⭐️⭐️⭐️
環境 ⭐️⭐️⭐️
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
🔥 蝦汁蕃茄沾麵 $99
沾麵上枱前,店員會送上一碟小食:紫菜脆脆粒,可以直接食或者放入沾麵內增加口感。
沾麵有三款味道可揀:蝦汁醬油,蝦汁味噌,蝦汁蕃茄,價錢分別為$79,$89,$99。每款沾麵已包含日本叉燒2片,糖心蛋,竹筍,櫻花蝦。
蕃茄沾麵汁唔會太鹹,味道恰到好處,最出色係放中間既胡椒柚子醬,味道非常好。
蝦汁非常濃烈,配上蕃茄湯都可以食得出蝦既鮮味,加上櫻花蝦,蝦味更加突出。😋😋
粗身嘅麵條夠煙韌,掛汁能力強,每一條麵條都可以沾滿了蕃茄蝦汁。
日本叉燒有火炙過,但唔夠大片又太薄身,食落冇乜口感。
至於糖心蛋,冇乜味道,浸蛋嘅醬油唔太夠味,糖心蛋蛋黃外層過熟而中間就流心,可能係糖心蛋煮起後冇立即用冰水降溫所致。
蝦汁蕃茄沾麵
$99
47 views
0 likes
0 comments
糖心蛋
26 views
0 likes
0 comments
🔥 牡蠣之怪 $128
期間限定拉麵,每日限量20碗。
拉麵係用上蔬菜豬骨湯底,配料有牡蠣、海帶、大蒜、糖心蛋、肉碎。
用上沾麵同一款拉麵,但呢款麵比較適合做沾麵。
湯底比較油膩,味道一般,反而牡蠣非常美味,有用味琳烹調過,甜甜地可以更加帶出牡蠣既鮮味。
而糖心蛋亦有同樣嘅問題。
牡蠣之怪
$128
44 views
0 likes
0 comments
溫馨提示:
餐廳地方淺窄,比較擠迫,大概10個位。
餐廳跟足日本風格,冇收加一服務費,亦提供免費凍水。
餐廳提供嘅山葵檸檬汁味道好好,大家不妨一試。
Post