Video
Read full review
2018-05-31
294 views
赫德道就成日去酒吧，原來隔離既寶勒巷都有好多正野食，成棟building都係餐廳！今日要同朋友預祝生日，佢鐘意食日本野，大日子梗係要食omakase師傅發板啦。平時d omakase閒閒地都要＄800-1000，呢度既午餐同餐都好經濟啵!唔知係咪新餐廳定競爭大，lunch set仲要8折好抵呢下次都要黎試，星期一至六都有架師傅發板有$588同$788兩種價錢選擇，用料由日本空運到港，所以抵到爛啦。日本白粟米北海道直送既白粟米甜度達1７度，每粒好似珍珠咁飽滿。生食已經夠甜，一啖咬落去，爆汁之餘仲帶有淡淡既忌廉香味。栽種過程好嚴謹，要遠離其他粟米品種，因為傳播花粉時有可能受沾柒而變成黃色。清清甜甜，係餐前既好開始！蜜柑鯛刺身師傳發板最好就係師傳話事，佢挑選最新鮮既食材，等我地可以試好多特別既魚種。呢種鯛魚好巴閉，養佢個時餵食蜜柑，所以魚肉都有淡淡既柑橘香味。食既時候配柚子醋同辣蘿蔔，清清既唔會喧賓奪主，反而提升魚既味道。吉烈池魚個漿做得非常好，薄薄既一層包著厚厚既雪白魚肉。肉質鮮嫩，鮮味無窮！特上壽司拼盤呢個特登為我朋友而叫，生日快樂！總共８八件！海膽，鮮甜，入口即溶三文魚籽(餐廳自己腌）
赫德道就成日去酒吧，原來隔離既寶勒巷都有好多正野食，成棟building都係餐廳！今日要同朋友預祝生日，佢鐘意食日本野，大日子梗係要食omakase師傅發板啦。
平時d omakase閒閒地都要＄800-1000，呢度既午餐同餐都好經濟啵!
唔知係咪新餐廳定競爭大，lunch set仲要8折好抵呢下次都要黎試，星期一至六都有架
師傅發板有$588同$788兩種價錢選擇，用料由日本空運到港，所以抵到爛啦。
日本白粟米北海道直送既白粟米甜度達1７度，每粒好似珍珠咁飽滿。
生食已經夠甜，一啖咬落去，爆汁之餘仲帶有淡淡既忌廉香味。
栽種過程好嚴謹，要遠離其他粟米品種，因為傳播花粉時有可能受沾柒而變成黃色。
清清甜甜，係餐前既好開始！
蜜柑鯛刺身師傳發板最好就係師傳話事，
佢挑選最新鮮既食材，等我地可以試好多特別既魚種。
呢種鯛魚好巴閉，養佢個時餵食蜜柑，所以魚肉都有淡淡既柑橘香味。
食既時候配柚子醋同辣蘿蔔，清清既唔會喧賓奪主，反而提升魚既味道。
吉烈池魚個漿做得非常好，薄薄既一層包著厚厚既雪白魚肉。
肉質鮮嫩，鮮味無窮！
特上壽司拼盤呢個特登為我朋友而叫，生日快樂！
總共８八件！
海膽，鮮甜，入口即溶三文魚籽(餐廳自己腌），粒粒在口中爆發鮮味
拖羅，見到佢粉到白既顏色，就知佢有幾肥美啦，帶濃濃既油脂香！
赤具，爽口鮮甜！
燒海老，厚肉結實，鮮甜。左口魚，肉質細滑。
每一件一食就知用料上等。一分錢一分貨，同平時食既真心無得比！
串燒拼盤叫左海鮮、肉同蔬菜類各一串試一下。
串燒青椒仔，一ｄ都唔辣，個個椒香，甜！
牛肋骨，最鐘意佢肉之間帶薄軟骨，增加咬口！
活燒鰻魚，無骨架，而且皮燒得超脆，肉又滑！
魚湯烏冬白到似奶既湯底，一睇就知濃郁
每日用幾斤魚骨魚肉去煲既湯底！
杰到掛在幼滑既烏冬麵上。
又有菇去配襯，增添口感上既層次！
雪糕送既甜品，唔知係唔係自家製呢
全部都既濃郁味道，真正實料柚子布果肉，係雪芭，食落酸酸地好清甜，好岩夏天食。
綠茶味都好濃！
咁多道菜，樣樣高質好味，無咩好挑剔
加埋工作人員好細心，加茶都好快，態度又好，真心推介。
Post
