定食8 (Closed)

一到假日，周圍都勁多人！真係太累，所以就揾左呢一間定食店！門口都要等五六個左右，但都好快就有位！睇落好像都唔錯！但個人覺得麻麻地！特上盛海景丼此終係差D,可能係唔新鮮，所以食落有點怪味！我諗食爭鮮會仲好D添芝士豬排呢個反而唔錯，大大件，外脆內軟！但個麵豉湯，真係唔飲好過飲！好像雜錦湯，味道奇怪！三文魚刺生麻麻地，但都算還可以！呢到係有無限添飯，麵豉湯，椰菜絲同埋麥茶！如果唔夠食可以自行去自助吧到任添！

今日約左朋友黎到屯門市中心去試下呢間新開無奈既日式餐廳-定食8。由於係新開餐廳，人比較多，人龍都幾長，但竟然排左10分鐘到就入得。一入去，職員就好細心問我地係咪第一次黎食，跟住就同我地講解餐牌，呢間餐廳係先付款，跟住就有職員幫我地送餐，我食叫左一個炸物同埋兩個定食，定食有一個麵豉湯，三個小食，一個主食同埋一個甜品。1.酥炸生蠔生蠔同圖片一樣，都幾大隻，有5隻。上枱果陣仲係熱辣辣，證明係岩岩新鮮炸好。生蠔炸到金黃色，非常之脆口，但蠔其實好細隻，食落大部份都係粉漿，勝在價錢好平。2.燒汁牛扒定食一上菜，就發覺個飯好細，完來除左個餸，所有小菜，飯，同湯都可以係自助台無限添加嫁，所以一定唔會唔夠飽。碗飯既牛肉太概有十片，牛肉好淋身，牛肉味就一黎，飯係用番珍珠米，飯粒都幾軟熟，但成碗飯就唔夠熱。2.特上盛海景丼係外面等位果陣見到勁多海鮮就決定叫呢個餐，丼有生蝦，帆立貝，三文魚，吞拿魚，三文魚䰵，非常豐富，刺身一般，唔算特別鮮甜，勝在價錢非常便宜。餐廳係屬於爭鮮集團，走既係快餐路線，主力係賣丼飯，用料與爭鮮一樣差無差異，都係價錢對得住質素。

之前經過MIKKI 見到定食8喺食飯時間好多人排隊，見到咁多人排隊總係心思思好想試。今次終於俾我見到佢喺屯門開左新舖，有機會比其他人早少少去食！今日未到7 點已經去到舖頭，果然比正常食飯時間早少少到就可以唔洗排隊。以日式定食嚟講，定食8 嘅價位真係算平，叫左定食仲可以無限加湯加飯加沙律，以依家嘅物價計，只要唔難食都應該算係值回票價。定食除左主菜之外原來仲有漬物，至於飯食完唔夠飽可以去外面自助服務台加飯、加湯同埋加沙律兼加茶。幾肚餓嘅人入到去都可以食到飽晒先出門口。店員安排好入座之後選好餐點先出番去收銀處點餐，點餐紙上面會MARK 低你嘅枱號，之後就可以番埋位等食。佢標榜上餐係15 分鐘內 (交枱時間係90 分鐘)，所以佢上餐嘅時間都好快。呢度嘅選擇都唔少，唔一定要食生冷野，佢都有熟嘅野食。叫左一個特上盛海鮮丼同埋汁燒牛排丼，另加左一個醬燒魷魚。好快魷魚上枱先，$20大大條，味道都唔錯，又唔會過硬，抵食啊！至於汁燒牛排就真係“un"左少少，肉嘅份量係好多嘅，如果佢無咁"un"會更好！至於特上盛海鮮丼竟然俾到驚喜我wor，呢個價位都唔會預期會係好高質素嘅海鮮丼。呢個海鮮丼竟然有兩大隻蝦，又