定食8 (Closed)

今日約左朋友黎到屯門市中心去試下呢間新開無奈既日式餐廳-定食8。由於係新開餐廳，人比較多，人龍都幾長，但竟然排左10分鐘到就入得。一入去，職員就好細心問我地係咪第一次黎食，跟住就同我地講解餐牌，呢間餐廳係先付款，跟住就有職員幫我地送餐，我食叫左一個炸物同埋兩個定食，定食有一個麵豉湯，三個小食，一個主食同埋一個甜品。1.酥炸生蠔生蠔同圖片一樣，都幾大隻，有5隻。上枱果陣仲係熱辣辣，證明係岩岩新鮮炸好。生蠔炸到金黃色，非常之脆口，但蠔其實好細隻，食落大部份都係粉漿，勝在價錢好平。2.燒汁牛扒定食一上菜，就發覺個飯好細，完來除左個餸，所有小菜，飯，同湯都可以係自助台無限添加嫁，所以一定唔會唔夠飽。碗飯既牛肉太概有十片，牛肉好淋身，牛肉味就一黎，飯係用番珍珠米，飯粒都幾軟熟，但成碗飯就唔夠熱。2.特上盛海景丼係外面等位果陣見到勁多海鮮就決定叫呢個餐，丼有生蝦，帆立貝，三文魚，吞拿魚，三文魚䰵，非常豐富，刺身一般，唔算特別鮮甜，勝在價錢非常便宜。餐廳係屬於爭鮮集團，走既係快餐路線，主力係賣丼飯，用料與爭鮮一樣差無差異，都係價錢對得住質素。